街坊小店 衝出柴灣

(from Yahoo Blog)

2012年7月13日下午3:45｜公開｜累積瀏覽 573

 

經常有人批評領匯迫走街坊小店, 引入大財團, 喺另一邊廂亦有小商戶在領匯的土壤下, 茁壯成長。

 

「三生金行」係柴灣區的傳統金舖仔, 亦即係現今香港人口中的街坊小店。以我所知, 佢間舖頭以前係喺柴灣邨第15座, 已經植根柴灣幾十年, 依家卒之衝出柴灣喇!

成功與失敗, 都掌握在自己手裡, 時代變了, 想好似房署年代咁hea做, 冇呢支歌仔唱架喇。租金貴, 人工貴, 個個都係面對同一問題, 有人選擇怨天尤人, 賴三賴四, 亦有人選擇迎難而上, 由一間亳不起眼的街坊舖頭仔做起......「三生」得咗喇!

 

 

記憶中, 三生金行的元祖店在柴灣邨第15座地下最右邊第1個舖位 (如果記錯位置, 請高人指正), 屬40幾年老字號了。第15座現已拆卸重建, 成為今天的柴灣邨灣畔樓。

 

第15座須要拆卸重建, 三生金行由新廈街搬去金源樓地下, 繼續經營。2010年, 三生眼見有行家在領匯商場內發展得唔錯, 把心一橫, 實行二仔底死跟, 毅然放棄金源樓街舖, 學人地進軍領匯商場, 並一分為二, 同期開設興華分店及小西灣總店。

 

不足兩年時間, 三生珠寶 (升咗呢, 以前叫三生金行) 於商場內, 已站穩陣腳, 並衝出柴灣, 進軍將軍澳了。恭喜! 恭喜! (圖為小西灣總店)

 

找到那些年的三生, 在柴灣邨第15座時的舊相

 

＊＊＊

 

2015-01-13：沙田禾輋店即將開幕 (攝於小西灣總店櫥窗)

 

2015-11-06 : 慶祝彩明分店開幕 (攝於小西灣總店櫥窗)