由隨心影 到香港沉淪了

(from Yahoo Blog)

 

2012年7月12日下午4:30｜開累｜積瀏覽 258

 

起初只係隨心影...

 

再培訓局以象徵式租金5毫子, 租咗間小學校舍, 重新裝修後, 比起以前一嚿綠色野的李志雄小學, 型仔咗幾多! (東華三院李志雄紀念小學舊址)

 

小西灣太興又要搬喇! 依家個舖位俾佳寶買咗, 太興要搬過少少咯。(太興新址．小西灣富欣花園8號舖)

 

行到7仔門口, 見到自由黨搵咗幾位年青人派傳單, 我專登喺佢地面前「近距離」行嚟行去, 足足行咗6-7次, 佢地都唔派俾我, 到第8次, 我卒之忍唔住, 自己伸手問佢攞! 原來係「自由黨暑期實習計劃」嘅招募單張, 唔怪之得唔派俾我啦, 原來係嫌我超齡。見佢地幾條友「好落力」咁傾計, hea到爆, 成半粒鐘都派唔到一張, 呢份工都幾好做喎! 等我都叫屋企嗰位年青人報名先! 份單張寫明有實習津貼, 歡迎全職或兼職架!

 

講開自由黨, 醒起早幾日收過自由黨一份問卷, 想調查吓市民對現有政策的意見, 諗起都把幾火。自由黨預設咗4大項政策, 有雙非嬰兒, 違規僭建, 最低工資, 領匯管理。你話我嬲唔嬲吖!? 住屋唔講, 醫療唔講, 教育又唔講, 走去講領匯? 唉........連自由黨都咁唔尊重私有產權, 干涉私人公司如何管理, 香港真的沉淪了! 更加爂嘅係, 自由黨仲要唔夠膽話「回購領匯」, 淨係講「領匯管理」喎! 閃閃縮縮, 冇D "吉士" ! 再講吖, 領匯點樣管理, 關你差事咩!!