[領匯商場] 太和廣場 @2012-07-07

(from Yahoo Blog)

2012年7月7日

今日去大埔巡視業務, 目的地係太和廣場。

雖則話資產提升工程已經喺2009年尾完成, 但係據我實地視察所見, 商場的內部間格 & 商戶組合調整都好似仲做緊, 個商場嘅capacity仲未發揮得晒。(即是租金收入仲未去盡呀, 明冇?)

望住商場內川流不息的人潮, 不其然想到, 如果房署有本事搞好D公屋商場, 年年賺幾十億, 咁全港嘅公屋戶咪可以年年免租6個月囉!

一石N鳥, 市民可以享用靚商場, 房署又大把收入, 公屋戶可以年年有「免租」,  係咪好正呢?

1. 太和廣場 (地址：太和路12號) 於1989年落成, 樓齡23年, 面積256,900呎。由2007年起開始進行資產提升工程, 並於2009年完成

 

2. 太和廣場與港鐵站是相連的。柴灣站→太和站, 車資$18.7

3. 商場外觀

4. 地下係太和街市。綠色係房署原有的用色, 右手邊的綠色牆磚, 防煙門 & 波波燈, 估計係房署留下來的舊模樣

5. 在街市另一入口, 遇上一位玩雜耍的男孩

6. 貫徹房署舊式商場的格局, 太和商場有多個出入口, D舖位分佈於四周, 通道四通八達, 左穿右插, 我初嚟埗到, 唔熟地形, 左兜右兜, 都有D暈佗佗

7. 業主立案法團規定, 太和邨內嚴禁踏單車, 非太和邨居民連泊單車都唔得, 好嚴

8. 領匯辦事處設於安和樓地下

9. 醫務所集中在安和樓3樓

10. 龍園校服 (229D號舖)外

11. 近幾年被香港人忽然寵愛的傳統文具店 (德昌文具玩具精品．安和樓ONW303號舖)

12. 太和邨的麥當勞 (102號舖), 位置喺主商場以外, 自成一角

13. 獨立屋的造型, 綠樹環抱, 成間Dream House 咁, 一見到已經鍾意到不得了

14. 商場內, 面積不小的大家樂 (224號舖), 同麥當勞一樣座無虛席

15. 商場通道 (屈臣氏．203號舖外)

16. 呢個樓梯位係通往樓下嘅巴士站, 條樓梯好窄, 用咗磨沙玻璃物料作間格, 增加通透度, 大大減低了 "原先" 陰陰深深的恐怖感。要括住 "原先" 兩個字, 因為係我想當然架咋, 我以前都未嚟過

17. 樓下陰陰沉沉的巴士站, 好難想像上面個商場會係另一個世界

18. 連接商場東西翼的行人天橋。去巡視業務, 我通常都會豎起耳仔, 偷聽街坊第一手嘅體會, 行到呢度聽到有位囝囝一路行一路同年輕媽咪講：好靚呀! 媽咪回應：好似去搭飛機...。證明街坊對新裝修是受落的

19. 商場上蓋

20. 已經行到唔知方向, 依家好似係過緊西翼商場

21. 攝於東亞銀行 (215+215A號舖) 外

22. 太和廣場的顧客服務台

23. 樓梯底的台式飲品店棒棒茶 (204A號舖), 善用空間, 盡顯領匯「賺到盡」的本色, 嘻嘻!

24. 3樓有兩間酒樓, 分別係美心皇宮 (302號舖) 和領匯傑出商戶鄉土風情 (301號舖)

25. 仲有好多地方未間好舖位 (源美軒纖體美容中心．201D號舖外)

26. 呢條巷可以通去愛和樓, 諗住冇乜舖頭 (206號舖外), 求其影吓個天花同地磚就算, 好彩有行入去咋, 原來...

27. 原來領匯將呢邊整得咁四正 (愛和樓)

28. 上網睇過呢度嘅舊相, 好難想像到會係同一笪地方

29. 領匯不斷為旗下嘅物業增值, 愛和樓3樓裝晒冷氣, 換晒地磚, 食肆壹樓 (愛和樓OIW306-307號舖) 和商務印書館 (愛和樓OIW308-312號舖) 都擠滿顧客。如果再同安和樓嗰邊比較吓, 已經好明顯睇到D街坊究竟鍾意邊度多D。所以坊間有聲音話, 領匯將D商場翻新, 搞到D商場懶時尚, 冇晒以前嘅街坊味, 我覺得根本係攞嚟講囉, 我總唔信公屋人會咁賤骨頭, 唔鍾意涼浸浸, 乾乾淨淨! 唔通污糟邋遢, 烏燈黑火, 賣埋晒D陳年舊貨, 鬼影都唔多隻, 就叫做有特色? 有街坊味咩?

30. 行到攰, 搵咗ME.N.U (232+235號舖) 幫手祭五臟廟, 順便抖吓。第一次認識呢間舖頭係喺樂富廣場, 個名有D玩野成份, 唔係讀MENU, 要讀Me & U至啱。見到檯面個牌仔, 都知我仲等緊野食啦!

31. 網上有張舊相係翻新前的太和廣場, 據稱係攝於2007年

領匯官方網頁對太和廣場資產提升工程(AEI)的描述：

太和廣場資產提升項目於2007年第一季展開，並於2009年年底完成。是次資產提升項目包括將原有面積較大的商舖分間為書店及食肆，以及將開放式長廊改建成設有空調系統之室內購物區。此工程大大改善子商場外貌及提升了營商環境。其他工程部份包括翻新連接太和港鐵站的商場西翼中庭，全面更換商場內原有之舊式裝修及將店鋪間隔重新規劃，翻新連接商場東西翼的行人天橋等，給顧客耳目一新的感覺。

＊＊＊

　巡視日程表