總瀏覽量

2015年12月25日 星期五

[東網] 天盛物價離地 團體報哀音反關閉天耀街市

東網 2015-12-25


睇完都有少少失望, 仲以為D街坊會好踴躍添, 點不知6個團體加埋晒, 至湊夠廿幾個人, 即是平均每個團體出4個人, 唉!!


 
***
 
  
埋嚟睇、埋嚟揀:
 
 
2015-12-21 : 薑的疑惑
 
  
~~~
 
正興燒臘店已於2016-02-04開業
地址 : 天盛街市312及316號舖
 
外賣飯盒 學生優惠
單併$22 (送紙包飲品一包)
雙併$24 (送紙包飲品一包)
 
 

98 則留言:

  1. 咁o2試下搞過支持關閉天耀街市嘅集會,睇下有幾多人支持

    回覆刪除
  2. 有代表表示,天盛街市於本月16日起分階段開張,但市民批評該處物價騰貴,廉價食材少,貴價食物如凍蟹、和牛、吉品鮑、西冷牛扒卻不缺乏,但天水圍居民多為基層,關閉及強拆天耀街市、開設物價「離地」的天盛街市,與他們的需要背道而馳。代表要求保留天耀街市,且希望食環署在天水圍興建中央街市。

    天盛居民周小姐表示,雖然天盛街市方便,但「搞到好高級」,物價高昂,而她平時會去天耀街市購物,認為該處物價較大眾化。天耀邨居民李小姐直言,若關閉天耀街市便「唔知點算」,但絕不會去天盛街市購物,又指天耀邨往天盛街市需時20分鐘,來回便共40分鐘,加上物價高昂,寧願改去元朗購物,選擇多而且價廉。

    在天耀街市經營藥材的檔主彭先生表示,明年2月約滿被收舖後不會再開檔,直言「無諗過搬去天盛(街市)」,因租金貴一倍以上,他寧願退休不做。


    其實佢訪問街坊,無人支持關閉天耀街市囉

    回覆刪除
    回覆
    1. 街坊會用自己雙腳來表態

      刪除
    2. 如果天耀街市仲好多人去,係咪唔會關閉先
      咩叫用腳表態?

      刪除
    3. 天盛街市開咗,天耀街市仲有人流
      你話用腳表態嘛!

      如果天耀關閉,只係買餸市民無得揀要焗住去天盛

      http://youtu.be/IqXf6l4fbbE
      呢段片負評多於正評,證明領展幾受市民愛戴

      刪除
    4. 車,仲以為你講咩咁巴閉

      刪除
    5. 上面天耀李小姐過天盛要20分鐘,佢應該係爬過去,正常人用慢慢步伐10分鍾一定到

      刪除
    6. 所以話link仔離地,天耀街市到天盛街市要10分鐘。但耀華樓,耀豐,耀興等等,行20絕對係正常

      刪除
    7. 我唔係支持邊一邊, 但好多時, 說算真係貴, 都未必可以用腳去表達, 除非有無限體力 / 時間

      刪除
  3. 宜家係講緊天耀街市過天盛街市,其他地點的差距路程,搬唔搬街市都係要行,同搬天燿街市無關,根本不入討論範圍

    回覆刪除
    回覆
    1. 行10分鐘同行20分鐘好唔同
      10分鐘市民可以選擇步行,但20分鐘呢,未必個個願意!

      明明保留天耀街市可以不用浪費20分鐘嘅來回時間,為何要額外浪費居民市民時間?

      刪除
    2. O2出文撐天水圍興建食環署街市時,也考慮了這點。平心而論,天盛街市與天耀街市實在太接近,天耀邨是一條大邨,佔地廣,耀豐及耀華比較近天慈,去天耀街市都幾遠,所以呢,建議中的價廉物美食環街市,應該選址貼近天慈邨,兩邊的邨民也更易達

      刪除
  4. 天慈起食環街市也是好選擇!
    不過未起新街市前,毋須清拆天耀街市。

    街市係必需去嘅地方,拆公園、拆圖書館都要先諮詢區議會,若居民反對,理由不充分,政策不能逆民意。今日,領展拒絕到區議會或大小的居民會解釋關閉天耀街市嘅理由同背後數據,不肯考慮居民意見,坐井觀天,自然引起居民不滿。

    領展不應唯我獨尊

    回覆刪除
    回覆
    1. 拆咗天耀街市可以更有力迫使有關當局興建價廉物美的食環街市

      刪除
    2. 你地自己做問卷時,都要選擇性地挑選「中學生」和「長者」才免强湊夠7成,仲學咩人講甚麼「民意」?

      刪除
    3. CHI HO 你有無讀過中學?你知道私有產權是什麼意思?
      難度你屋企裝修要諮詢區議會?要諮詢樓上樓下?

      刪除
    4. chi ho 你可以試下屋企裝修前諮詢區議會,我會鼓勵你諮詢下樓上樓下,問下應唔應否裝修,明年裝修還是唔好裝修好。

      刪除
    5. Ho Benny。你呢个打手低咗D㖞。街市就大部份居民日日都要去 吾通大部份居民日日都去你屋企?

      刪除
    6. 我又成為了打手?人工有幾多?看來要多D講共產主義

      刪除
    7. 請你原諒我,我見識淺薄,不能辨別何是私有產權
      1.the right to use the good
      2.the right to earn income from the good
      3.the right to transfer the good to others
      4.the right to enforcement of property rights

      刪除
    8. 你讲得啱。领展是私有产权 佢中意点做无可置疑。但要顾及附近居民的需求。
      领展贱卖资产你哋有吾讲吓。

      刪除
    9. 你咁执着"私有产权"呢样嘢。咁你直頭全部领展商场都闩埋门吾好开。"私有产权"呀嘛 冇俾居民入去囉。
      题外话:你应该吾係领展打手 因O2兄从不提"私有产权"呢个咁敏感嘅话题。下次有机会见到"×華"凌生 赞吓你回覆好快 有做嘢。

      刪除
    10. 一時又話打手,一時又話唔係。講野前要思考下先ma

      刪除
    11. Benny, 街市係市民必須要到的地方。毫無理由關閉,嚴重干擾市民生活,為何不可以和當區居民詳談?

      刪除
    12. 算啦,我唔想俾人唔用腦話我係打手(看低了我的人格)。請你認真思考第二,第三題問題,對你邏輯思考,批判思考好有幫助。

      刪除
    13. 當尊重私有產權嚴重影響民生利益,市民係咪應該出聲?

      小學etv有一節目提過,一個富翁買下超級市場嘅所有貨品,令同村居民買唔到日常用品。呢位富翁有無犯法?係無,佢有錢,可以任意魚肉百性。但咁係咪正確?

      刪除
    14. 篾視「法」律基礎,沒有「道」理可言,只用個人「情」感表達感受,我都要服左你,請問小學ETV個位富翁是香港哪位富豪?

      刪除
    15. 我婆婆叫你快D回答:
      1. 你認不認同在九十年代,天水圍居民大多出元朗買餸?
      2. 點解房署年代,租金超平,為何天水圍居民仲出去元朗買餸?

      刪除
    16. benny, 合法唔係大晒, 嚴重浪費居民時間係咪唔需要抗爭?

      1/ 90年代天水圍啱啱入伙, 天水圍居民係咪大多出元朗買餸, 又未至於, 果陣都有天耀同天瑞街市

      2. 元朗買餸, 因為有食環街市啊, 同埋選擇又多, 大橋街市... 另外一樣嘢, 有時師奶買餸係為咗同檔主吹水, 類似有個社群咁 元朗商舖亦俾天水圍多好多. 買完餸又可以買下衫

      果陣就算有人落元朗買, 領展又唔學下食環街市租平D租?

      刪除
    17. 先回應你那句「合法唔係大晒」,難道非法才是大晒? 發爛渣才是大晒?

      刪除
    18. 1. 請問小學ETV個位富翁是香港哪位富豪?
      2. 「合法唔係大晒」這句話,當你不幸地發生了﹐,可以同法官講,睇下法官有何反應。
      3. 「點解房署年代,租金超平,為何天水圍居民仲出去元朗買餸」我婆婆話原因好簡單,雖然天瑞天耀租金平,但貨品售價一D都唔平,所以村民寧願花一小時時間搭車,俾埋車錢都平過係天水圍買餸。CHI HO 你認同我婆婆的見解嗎?

      刪除
    19. 1. Etv無講邊個富翁。佢例子只係話,某個富翁買晒啲嘢返屋企,唔俾居民用,係合法,但於理不合。今天,領展關閉天耀街市,是合法,但得不到眾人支持,好多人只認同要改善環境,但不是關閉濕貨市場。本來方便,將來不便,只有領展開心,但居民嘅時間被浪費!

      3. 但選擇少亦都係另一原因;不過得領展加租會對事情有幫助

      刪除
    20. 一句合法,就可以摧毀街市,一個居民必須去嘅地方嗎?點解領展唔肯多溝通?

      刪除
    21. 溝通???問咗你9千幾次「天耀街市的租金比天盛便宜,你可以肯定說一句天耀每一檔的價格也比天盛便宜嗎?」你都係閃閃縮縮,如何溝通?

      刪除
    22. 仲有呀Chi HO Fung, 你係有心溝通的話, 唔該你收歛一下謾罵式的表達手法啊

      刪除
    23. 仲有仲有,人地天盛嗰邊投訴你地干擾普羅市民,同埋阻住小商戶做生意呀,好心你檢討下啦

      刪除
    24. 佢哋阻住小商戶做生意,都係10分鐘內嘅事,但領展騷擾天耀同天慈街坊買餸,係可以幾十年嘅事。我無心溝通?不嬲都有打俾領展好和平表達意見,但領展只係一意孤行。

      仲有我答理,有咩係可以保證?平租可能有奸商轉租俾人,但領展加租一定係衰過唔加租。租金對價格有影響,會令到啲嘢貴晒。

      刪除
    25. 阻10分鐘已經畀人投訴,咁你地畀人地嘅印象真係幾差下

      刪除
    26. 當其時佢哋係得到領展同意先入去!領展做咗10年都仲俾人投訴,10年都唔肯改善形象

      刪除
    27. 1.你想賴領展畀你地入去,所以至會阻住人地牙?
      2.領展畀人投訴咗10年,唔等如你地可以阻住居民買餸、阻住商戶做生意喎

      刪除
    28. CHI HO 我婆婆叫你唔好迴避問題,再問多你一次,你同意在房署年代,天瑞天耀租金平,但貨品售價一D都唔平,所以村民寧願花一小時時間搭車,俾埋車錢都平過係天水圍買餸。即租金超平,但售價貴,你意嗎?

      刪除
    29. Chi ho,我成日見到你表面上為市民出分力,但你竟然做出D虛假調查,咁做有咩用?我並無極力支持某方,但我自己都無眼睇!

      刪除
    30. 調查唔係我做。同埋調查係真實存在。70%的確係有學生同長者,咁叫虛假?

      仲有,天盛比天耀貴,已經反映咗喺物價到

      http://holland.pk/siwzof5u
      天耀燒臘舖1 單拼/雙拼 $20 (19/12/2015)

      http://holland.pk/rcmt2oab
      天耀燒臘舖2 單拼$22 /雙拼 $24 (7/2/2016)

      http://holland.pk/ni8tvxoa
      新裝修天盛街市 正興燒臘舖
      單拼$34 /雙拼 $36 (7/2/2016)

      好明顯,天盛租金貴反映喺物價到,天耀附近有3間中學,你叫學生捱貴飯?食係必須品,咁貴,即使有人買,每月已經搶緊學生$200。$200對學生好重要,所以領展唔應該關閉天耀街市。仲有仲浪費佢哋20分鐘步行時間!

      刪除
    31. 正興燒臘店已於2016-02-04開業
      地址:天盛街市312及316號舖

      外賣飯盒 學生優惠
      單併$22(送紙包飲品一包)
      雙併$24(送紙包飲品一包)

      https://www.facebook.com/photo.php?fbid=10153854031985097&set=pcb.10153854038660097&type=3&theater

      刪除
  5. 事實已經擺在眼前,剩係得25個人反對拆天耀,重申:係二十五個人呀!
    25個人就等如大多數天水圍人? 咪玩啦!

    回覆刪除
    回覆
    1. O2 您变咗 留言风格吾同咗。係咪上一手跟开嘅同事调咗职 而家到您接手?但您要做吓功课先得㗎 跟足小小好吾好。😂😂😂😂

      刪除
    2. Kung Chi Keung, O2仍然是O2, 至於O2點解會風格唔同咗, 之前已在敝blog講過, 你爬完文再來challenge我啦

      刪除
    3. 唔使爬太多, 係呢幾日嘅事

      刪除
    4. 咁你漠視2000幾人簽名反對天耀街市嘅聲音。

      另外,在居民大會中,甚少聲音支持天耀街市關閉同唔賣濕貨,部份聲音係支持裝修及裝修後恢復賣濕貨

      刪除
    5. 天盛未重開的時候,佢地未領略到新街市原來好過天耀咁多啫,行動最實際,D人咪湧咗去天盛囉

      刪除
    6. 呢個只係你個人解讀。你唔好話關閉天耀街市後,無人去天耀街市,啲人轉去天盛街市?

      O2, 有啲檔由天耀搬去天盛,咁一定要居民走過去啦,全部都真心支持咩?

      咁領展一廂情願關閉天耀街市,浪費天耀同天慈街市居民步行時間買餸,條數點計?

      刪除
    7. 請問「真心支持」同「唔真心支持」的民調結果係點得出來架?

      刪除
    8. 你話行動最實際。咁被逼過天盛街市嘅人可以同時反對關閉天耀街市

      唔通幫襯天耀商場即係支持領展咩?

      刪除
    9. I Don't Mind, 只要識捉老鼠就是好貓 :D

      刪除
    10. 就今日下午1:00視察, 天盛街市買菜既人俾天耀街市少...這可以證明, 即使天盛比較闊絡, 乾爽, 居民係會選擇天耀街市... 市民已經用腳表態, 會覺得距離勝於舒適環境。天耀街市仍有人流及支持者, 所以無關閉天耀街市之需要

      刪除
    11. 見識過你創作出來的民調結果,仲會再信你咩 :D

      刪除
    12. 民調唔係我創作

      如果你唔信,不如一齊落嚟巡視下天耀同天盛。
      有幾多人用腳支持天耀街市

      刪除
    13. 個所謂「民調」竟然冇18-64歲的年歲組別,唔係創作係乜???

      刪除
    14. 民調話7成學生同長者不支持清拆天耀街市? ok? 呢個數據係真實

      仲有而家係領展說服居民拆天耀街市, 應該係領展交出民調向大眾交待喎...

      如果你話天盛咁好行, 點解27/12仲有人用腳支持天耀街市? 你話用腳支持嘛~!

      刪除
    15. 乜天耀邨+天慈邨,一個18-64歲居民都冇咩???

      刪除
    16. 一個經過「篩選」的民意結果,你認為可以接受?

      刪除
    17. 咁都係反映咗部份人不希望拆天耀街市嘅拆求。

      仲有,而家都仲有18-64歲嘅街坊去天耀街市,證明天盛街市開幕後,天耀街市仍有捧場下

      刪除
    18. 「反映咗部份人」,即係有另一部份冇反映出來啦

      刪除
    19. 除咗領展同領展支持者,十個有九個都唔想天耀街市無咗,你唔信可以落天耀街市問下街坊。

      部份人會答係污糟,但唔係代表要成個關閉。天盛開咗,而家仲有人去天耀街市,咁代表咩?係佢哋會選擇方便呀!

      刪除
    20. 「十個有九個」是那裡來的數據???

      刪除
    21. 不如去盡D啦,索性話除咗支持的人,其餘十個有十個都反對啦

      刪除
    22. 都話你唔信可以落街做調查

      刪除
    23. 仲查咩啫查,你地6個團體出盡九牛二虎之力,連埋搞手至得嗰25個人出嚟反對,咪就係咁大把囉,已經事實擺在眼前啦

      刪除
    24. 咁1個人都無出嚟支持領展清拆天耀街市,係咪事實擺在眼前?

      刪除
    25. 正式係話你XX怕你嬲, O2不愛說粗話, 你自己fill in the blank吧

      刪除
    26. 咁而家仲出現喺天耀街市既街坊係咩人?
      既然都仲有人幫襯天耀街市, 點解仲要摺埋?

      刪除
  6. 有人喜歡將O2定性為打手,唔緊要,O2只想重申一次敝blog版頭的嚴正聲明:「本人持有領展房產基金,此網誌內容存有偏頗信息,請讀者自行理性分析/接收」
    多謝各位readers畀面賜教及留言,謝謝!

    回覆刪除
  7. 【now新聞台】由領展管理的天水圍天耀街市將於明年初關閉,有經營逾二十年的商戶表示,無奈要接受雙倍租金到新街市繼續營運。新街市已經開幕,暫時賣的都是高檔貨。
    1992年開業的天水圍天耀街市,主要服務天耀和天慈邨等約八萬人。
    葉婆婆十多年前在天耀街市當保安,退休後仍天天來買菜、見見老朋友,但這些日子即將成為過去。因為領展已宣布明年初關閉街市,將這裏改建為沒有濕貨的市集。
    婆婆在天慈邨居住,日後買菜要改往八條馬路、六個燈位以外的天盛街市,步行單程要二十多分鐘,來回返回家要接近一小時。
    新街市剛開張兩星期,環境光亮,賣的都是較高檔次的貨品,例如生蠔、長腳蟹和有機蔬菜。部分是天耀街市搬過來的商戶。
    余先生下月便會搬到新街巿。這間舖當年與街市一同開張,二十多年來為街坊提供柴米油鹽。
    搬去新街市後,貨品種類會少一半,但舖租則貴一倍。領展表示,新街巿的服務更切合當區居民需要,可提供更好的購物環境和更廣闊的選擇。


    ==
    領展真係貪錢,加租一倍,佢賣少咗一半貨,好明顯又唔係俾多一倍地方人

    提供更佳同更廣闊嘅選擇,係唔需要關閉天耀街市喎!要人行遠咗路買餸,叫做更佳咩?唔明點解天盛同天耀唔可以共存囉!

    唔好同我講話兩個街市近所以要摺一個。大元街市行對面10秒就係翠屏商場街市,點解又唔關閉大元街市?天盛同天耀相距10分鐘反而要關閉天耀街市?

    回覆刪除
    回覆
    1. 吓,加一倍咋,你又話加兩倍嘅?

      刪除
    2. 認真講,天水圍真係非常需要一個價廉物美的食環署街市,讓不喜歡領展街市的人有得揀

      刪除
    3. 加一倍,但同時又細咗喎!

      現階段領展可以不關閉天耀街市

      刪除
    4. 現階段領展可以不關閉天耀街市 <---唔明?

      刪除
    5. 食環署街市唔一定價廉物美喎,一陣真係開咗食環署街市但唔係價廉物美,D人一定會入你數,呵呵

      刪除
    6. 1.但係D人有情意結,總之唔係領展街市就形容為「價廉物美」喎
      2.不過為免瀨野,O2現在正式收回呢4個字,多謝提醒

      刪除
    7. 食環熟食中心好明顯平過領展餐廳好多啦!領展午飯時間可以有$31炒飯咩?大元美食廣場翻新後,食個晚飯都要$50以上。好明顯租金會影響價格啦

      另外,領展事實可以保留天耀街市。兩個街市一齊拍住上,一個做基層,一個做中產,有咩問題?link仔話做大個餅嘛!

      刪除
    8. Chi Ho 兩個近距離小街市一齊拍住上,唔係做大個餅,係做2個效率低小餅。
      我講做大2個餅係天盛主攻街市濕貨,天耀主攻乾貨,各職其職。我唔要2個一脚踢厨師,我要一個專門西厨,一個專門中厨

      刪除
    9. 我心目中分兩邊係
      一個做中產同年輕濕貨市場(和牛、芝士、大蟹)等同citysuper/一田/吉之島,一個可以做本來嘅基層客(類似以前天耀)。因為以前無中產個餅。

      刪除
    10. Chi HO Fung, 提提你, 香港有「平等機會委員會」, 小心畀人告你歧視

      刪除
    11. 原來set目標顧客都叫歧視

      刪除
    12. 淨係set目標就唔緊要,如果真正落實就會畀平機會入到位

      刪除
    13. 同區天恩街市都標榜「價廉物美」喎,仲大大個banner掛響天恩商場外圍,但在下今日入到天水圍時街市已經收檔,夾唔到價,應該會搵日入多一次

      刪除
  8. http://news.now.com/home/local/player?newsId=162880

    請聽聽呢D 心聲.... 領展經常關閉街市, 之前果D 以無人流做藉口去關閉... 今次天耀街市有人流, 都要關閉, 算係點? 領展係咪唔打算改善形象?

    回覆刪除
    回覆
    1. 睇咗,想問下,天耀街市的租金比天盛便宜,你可以肯定地說一句,天耀每一檔物價都平過天盛嗎?

      刪除
    2. side氣啦,惠康百佳間間租金都唔同,咁佢哋又會唔會間間舖物價都唔同先?最多咪響AEON附近嘅舖頭,當AEON做感謝日時跟人畀折扣
      而家百佳好似都冇保證至抵價啦

      刪除
    3. 容我拾人牙慧
      文:Phoebe 圖:黃文山 資料提供:《樂遊香港街市》

      「現代的冷氣街市大多由領展所管理,環境衛生比傳統街市理想,通風設備完善,管理亦更有條理,市民可以在更舒適的環境下買餸。不過,同時亦因冷氣街市的管理和營運比以往大有不同,因此租金亦相對地大幅調高,難免對檔販造成壓力。高昂的租金,不多不少也扼殺了傳統小店的營運,如:醬料店和生草藥店等。街市變得超市化,形形色色的宣傳活動、集印仔換家品的宣傳、專題講座和烹飪示範亦應運而生,以吸引更多附近的街坊來消費。檔販為配合宣傳,只著力搞搞噱頭,欠缺了以往的細膩,只著眼於生意額,左計計右算算,該如何減低成本,才足以支付租金。買餸時,跟檔販之間的互動少了,彷彿只剩下買家和賣家的陌生關係。」

      http://www.am730.com.hk/article-279013

      刪除
    4. 我只會見到你引人地D文。

      刪除
    5. http://holland.pk/siwzof5u
      天耀燒臘舖1 單拼/雙拼 $20 (19/12/2015)

      http://holland.pk/rcmt2oab
      天耀燒臘舖2 單拼$22 /雙拼 $24 (7/2/2016)

      http://holland.pk/ni8tvxoa
      新裝修天盛街市 正興燒臘舖
      單拼$34 /雙拼 $36 (7/2/2016)

      好明顯,天盛租金貴反映喺物價到,天耀附近有3間中學,你叫學生捱貴飯?食係必須品,咁貴,即使有人買,每月已經搶緊學生$200。$200對學生好重要,所以領展唔應該關閉天耀街市。仲有仲浪費佢哋20分鐘步行時間!

      刪除
    6. 正興燒臘店已於2016-02-04開業
      地址:天盛街市312及316號舖

      外賣飯盒 學生優惠
      單併$22(送紙包飲品一包)
      雙併$24(送紙包飲品一包)

      https://www.facebook.com/photo.php?fbid=10153854031985097&set=pcb.10153854038660097&type=3&theater

      刪除