總瀏覽量

2015年12月21日 星期一

薑的疑惑

天水圍天盛街市於2015-12-16重開, 雖然目前只係首階段開放, 但已經引起一陣哄動, 下個月開齊晒檔的話, 更加不得了啊。

透過Chi Ho哥哥通報, 得知街市重開後, O2急不及待在2015-12-17去了天盛街市朝聖。

相隔2日, 正當O2準備去天澤商場巡視業務時, 咁啱Chi Ho哥哥又在敝Blog留言, 佢話在天盛街市買嚿薑就要10蚊喎, 言下之意即是嫌貴啦!

O2冇即時回應佢, 事關冇佢咁好氣, 而且根本就係雞同鴨講, 好明顯呢位哥哥仔唔係買慣餸嘅人啦。

佢就咁講話「一嚿薑」, 咁即是幾大嚿先? 有幾重先? 係乜野薑先? 質素如何? 靚唔靚先?

趁住巡視天澤嗰日, O2去到天水圍, 順便格下價。

1. 薑有多個品種, 現假設Chi Ho哥哥係講緊大肉薑
2. 有D檔口係一份份咁賣, O2找來幾檔以重量計算的檔口格價

 
 4檔天水圍區的檔口
 

結果如下:

天澤街市  - 7蚊/斤; 12蚊/2斤

俊宏軒地舖 - 7蚊/斤; 12蚊/2斤 [但奀咗D, 睇落冇天澤嗰檔咁靚]

天耀街市  - 6蚊/半斤 [留意番, 得半斤咋, 即是12蚊斤, 喺天澤嗰邊可以買到2斤了]


最後, 想請問下Chi Ho哥哥, 你喺天盛街市買嗰嚿薑幾錢一斤呀?


***
 

埋嚟睇、埋嚟揀:

天盛街市 @2015-12-17
天耀街市 @2015-12-17
[領展商場] 天澤商場 @2015-12-19
全力支持天水圍街坊爭取興建食環街市

23 則留言:

  1. 如果我冇記錯,天盛街市左手邊近賣凍蟹隔離,應該M217菜檔薑買8元一斤,同太和街市同價,天耀貴天盛50% ^^

    回覆刪除
    回覆
    1. 果然貼地,你搶答成功了,估唔到天耀街市貴咁多

      刪除
    2. 其實天耀街市仲有另一檔賣15蚊/斤,我已經係用平嗰檔來比較

      刪除
  2. 因為有人話天盛唔比拍片,話Venus BeBe是打手,我特意在天盛來回3次,全場拍了3次片,因為拍得太震,所以冇比大家睇,但我有每檔影片記錄作記憶。

    回覆刪除
    回覆
    1. 原來係咁,唔怪得之考唔到你啦,其實都好想Venus BeBe可以現身,分享一下佢畀人話係打手的感受

      刪除
    2. 其實Venus BeBe鐘意煑野食,佢雖然唔係拍好多片,但最近佢拍左條煎腸仔片有5000人睇,你話佢係打手?

      刪除
    3. 希望Chi Ho哥哥知道之後,會大方D走出來向Venus BeBe講聲sorry啦

      刪除
    4. 但成段片都只係歌頌天盛街市, 完全無fair comment 成個街市.. 淨係識得講唔貴吖, 合理價吖..
      檸檬成$4個都唔講下?

      刪除
    5. 期待下集:"檸檬的疑惑" XD

      刪除
    6. Chi ho ,你平時答問題唔會閃閃縮縮,你應該光明正大地說:「無錯」,房署年代,租金平到你唔信,但物價就一D都唔平,村民和大大部分老人家寧願花時間搭車去元朗買餸,他們覺得俾車錢去買餸都有著數。
      第二,點解租超平但買餸貴問題,請俾小小時間我,我會盡快覆你。
      chi ho 你有時間係E到講檸檬,快D回應上面的問題。

      刪除
    7. Chi HO Fung, 人地拍條片放上網, 將自己的所見所聞公諸同好, 唔係做時事評論員呀

      刪除
    8. 再講, 人地Venus BeBe又唔識你, 點知你鍾意食檸檬, 點知你想佢幫你格價呀!!!

      刪除
    9. 一句到尾,快D拆咗天耀街市,一了百了,唔使再煩

      刪除
    10. 算吧啦,你搵完檸檬價錢後佢又會搵第二樣嘢嚟講

      刪除
  3. ​彩園廣場
    L3 R46&R49 WAN KEE 允記 現已開幕

    回覆刪除
  4. 對於考慮整合黃大仙街市,領展街市資產管理助理總經理吳鴻揮指出,黃大仙街市附近街市眾多,相距路程均僅需10分鐘,同時黃大仙中心內設超級市場及新鮮糧食店,街市客流量僅是大成街街市的10%。盧炳松表示,要想辦法改善街市人流稀少的問題,又要保證不會影響居民正常生活,整合之前都有做詳盡調查,力求找到平衡點。


    下一個領展謀殺既目標可能就係黃大仙街市...
    雖然我唔係住黃大仙, 但領展下下話附近有街市就要關閉
    其實係咪賺錢賺到傻咗, 人流少既街市要關閉, 人流多既街市要關閉....領展唔好下下講錢好唔好, 俾D社會責任出嚟, 同當地居民諮詢下都好.... 改名, 但唔改形象有咩意思

    回覆刪除
    回覆
    1. 你發夠癲未呀,你拆得掂天耀街市嚿貴價薑至再講啦

      刪除
  5. http://holland.pk/ry4d8s5b

    天耀有$6 一斤薑賣

    回覆刪除
    回覆
    1. 1.請提供格價日期
      2.天耀街市的租金比天盛便宜,你可以肯定說一句天耀每一檔的價格也比天盛便宜嗎?

      刪除
    2. 3.有人話今日天耀街市冇$6/斤薑賣喎,你又老作牙?
      請回應以上3項

      刪除
    3. 我今天見唔到有6元一斤薑,最平要12-16元,12元的質素差D,只有3檔有價錢牌,其餘無價錢牌

      刪除
    4. Chi HO Fung,你仲未答以上問題,天耀街市的租金比天盛便宜,你可以肯定說一句天耀每一檔的價格也比天盛便宜嗎?

      刪除
  6. 4年前, 我個女就出世, 我係西環石塘咀巿政大樓買靚薑 (係好靚) 已經係$10/斤了... 我已經係大手買入十斤, 講埋價的...

    回覆刪除