我在柴灣興華廣場買​平野

(from Yahoo Blog)

 

2011年5月30日下午5:27｜公開｜累積瀏覽 274

 

我開宗明義講到明自己係「領匯」嘅die-hard fans, 所以, 若果要買野, 我都會以 "肥水不流別人田" 嘅原則行事, 首選領匯轄下的商戶。

上個禮拜, 想買盒 "醫生紙膠布"。因為我唔鍾意次次要問人呢樣幾錢, 嗰樣幾錢, 我鍾意睇完摸完, 想買就買, 唔買就掉低走人, 所以平時我都多數喺百佳、惠康、萬寧、屈臣氏呢幾度, 買開野就買埋。E牌子我買開係$8.9。

 

今次啱啱用完, 但行過嗰幾間野都搵唔到, 咁咪去藥房買囉。喺興華廣場嗰間「萬昌堂」, 我話要 "醫生紙膠布", 個店員就遞咗包C牌子俾我, 咁我問佢幾多錢啦, 佢話3蚊。我即刻心諗：「嘩！乜差咁遠嘅？...... 唓！又唔係食落肚, 都冇所謂喇, 咪試吓囉！」

 

試咗喇, 質素都冇乜大分別, 咁以後可以慳番幾蚊咯...

 

 

(左) 用開的Ｅ牌子；(右) 在「萬昌堂」新買的Ｃ牌子

 

就係呢間萬昌堂 (地址：柴灣興華廣場112號舖) 喇

 

＊＊＊

 

 

ym 2011年5月30日下午7:32

我成日去呢度買野架..

一家人開既, 佢地好好人, 很友善...買左柑多年, 就算有時問左, 唔岩無買,  都唔會黑臉...

試過係度執藥, 價錢比其他便宜, 很老實..

初時見到pk 趕走左樓下果街市, 樓上又不斷改革, 柑驚佢做唔住?

真係唔想佢關門..始終養活成家人...

 

 

O2 2011年5月31日下午5:20

我都覺得佢地好好人, 只係自己覺得問完唔買, 唔好意思啫。放近櫥窗嘅貨品, 佢地都標晒價, 抵買果D我都會買。

至於地下個舊街市, 因為屋企人有過不快的購物經驗, 加上新市政大樓街市開咗之後, 果度人流少咗, 檔口老闆多過客人, 行到入去, 自己好似變成獵物咁, 周身唔自在, 後尾都冇再行入去, 直至變咗依家咁樣至行番。