總瀏覽量

2011年5月20日 星期五

買咗六合彩未?

(from Yahoo Blog)
 
2011年5月20日下午5:01|公開|累積瀏覽 99
 
小西灣廣場地下的「永發藥房」貼咗張紅紙出嚟, 話「搬遷清貨大減價」, 會搬去對面富怡喎。

本來, 若果佢唔再係領匯商戶的話, 我都會喺我嘅shop list度delete咗佢架喇, 不過見佢咁有大將之風, 冇話臨走時貼晒大字報話乜野「無良業主迫遷」呀, 「領匯瘋狂加租」呀, 同埋乜野「地產霸權」之類嘅冇聊野, 證明佢係一個真正識做生意嘅生意人, 所以我會加番D印象分俾佢, 咁我以後一樣照幫襯佢喇!
 
我幾時都話:「做生意從來不是易事」, 一旦抱殘守缺, 沒有悉時與時並進, 改變自己的經營策略, 隨時都會被市場淘汰。我最睇唔過眼有D人自己唔識做生意, 賺唔到錢就賴租貴。喂! 全世界得你一個人做緊生意呀? 人地咪一樣係捱梗貴租, 點解人地可以搵到食, 你唔得? 唔去自己檢討吓, 卻搵埋晒D惟恐天下不亂嘅尊貴議員/區議員出嚟嘈生晒, 破壞社會安寧。就算搵到嗰D「食塞米」代為出頭, 又如何? 頂多都係叫叫口號, 幫你出一出氣, 真正效益存疑。(但係人地就贏咗曝光率咯~)
 
今日去到邊都聽到人問:「買咗六合彩未?」去到小西灣廣場3樓的馬會投注站, 呢度平時多數都係麻甩佬出入, 今日就男男女女、老老嫩嫩都有, 真係人都癲呀!
 
 
永發藥房 (地址:小西灣廣場地下9號舖) 搬遷清貨大減價
 
新舖位在小西灣廣場對面的富怡花園, 舖面細咗, 但係對正燈位
 
馬會投注站 (地址:小西灣廣場3樓304-305號舖), 人人都趕住買六合彩
 
「手指」換晒喇, 聽日開始換「飯盒」
 

沒有留言:

張貼留言