總瀏覽量

2011年5月14日 星期六

由興民邨去愛秩序灣公園

(from Yahoo Blog)
2011年5月14日

我假假地都算係柴灣嘅老街坊, 不過, 「興民商場」就真係第一次行。唔係講笑, 上到去真係嚇咗一跳, 冇諗過仲會有D咁古舊嘅舖頭仔格局, 好似時光倒流咁, 唔只同時代脫晒節, 仲好似偏離咗地球軌跡, 只有百佳、萬寧係屬於依家嘅物種。呢度都唔慌會有生客, 以人流嚟計, 領匯可能要以「一蚊租」至可以留住百佳、萬寧, 以確保可以為興民邨嘅居民提供基本生活作需咯。

呢個商場仔, 冇乜野好食, 間茶餐廳殘殘舊舊, 又靜過鬼, 一D都唔似做緊生意, 所以都唔想 (其實係唔敢多D) 行入去幫襯, 都係走把喇。

都唔知係有蛋先還是有雞見嘞, D商戶唔裝修得靚仔D, 根本就吸引唔到人幫襯, 但係又成日俾人鬧領匯規定要D商戶裝修喎!

後尾決定去筲箕灣食野, 多D選擇吖嘛! 仲順便去埋「愛秩序灣公園」添。


興民商場的幸運門牌, 大潭道188號

興民商場本身冇中央空調

由興民邨天橋望向高威閣、興華邨

筲箕灣東大街, 圍咗板裝修的舖位係喪sell懷舊的「華星冰室」

愛秩序灣的海濱長廊

西灣河「愛秩序灣公園」, 園內特色水景因為暫停運作, 所以唔知點特色法

「愛秩序灣公園」內其中一處乘涼地方, 以竹棚遮蔭

1 則留言: