屋邨街市究竟外判好，還是自營好呢？

每家的「一家之煮」日日行街市買餸, 他們都是WET MARKET的貼地常客, 而那些兩口子都早出晚歸的「無飯夫妻」和飯來張口的「奮鬥青年」則相對是稀客。

但自從領展將戰線擴展至「街市」後, 卻挑起了年輕族群對街市的熱烈反彈, 尤其是當舊街市即將翻新時, 在社交媒體必定有人細訴以前細細個時, 跟阿媽/外婆/嫲嫲去買餸的點滴, 又有人如數家珍地說出讀書時在學校附近的屋邨街市, 與同學仔一齊買野食的童年往事, 內容顯示出佢地大個之後已經甚少再踏足該街市, 只是趁機發思古之幽情而已。

房委會將屋邨街市外判 (官方稱之為整體承租街市SOM), 此制度乃始於1988年, 足足28年了, 多年來都冇人challenge此營運模式。到近年, 因領展的街市愈做愈出色, 某些熱心人在「反領展」之餘, 亦燒埋房委會嗰叠, 將那個被視為「行之有效」的外判制度亦一拼反對。

有「食米唔知價」的浪漫派理想主義信徒, 以為人地搵錢好容易, 街市承租商必定好好賺, 又可以玩甚麼「垂直壟斷」, 實食冇黐牙啦, 現實係咪咁呢? 就看看近年爆紅的建華其中一個街市吧。
 

   

1. 小西灣的本灣市場於2015-08-28開幕

2. 剛好一週年

 

3. 早幾日仲有開檔做生意的生果檔

 

4. 前兩個月已KO的燒味檔, 最近至搵到新租客, 話下星期四開張喎

 

4a. 陳記燒臘店, 2016-09-08開張
 

5. 呢檔仲煩麻, 個租客從未開始營業已經劈炮, 建華搞咗一大餐法律手續至收得番個位

 

6. 呢個位近日開始租畀臨時檔

    

 

溫馨提示：以上幾張照片不是整個本灣市場的全部, 切忌瞎子摸象

 

大家亦可以睇下由宏安承租的鴨脷洲利東街市, 翻新後O2去過2次, 在2016-03-12 & 2016-08-27, 兩者相距大約半年, 但街市內仍有多個吉檔待租, 「做街市」係咪好似某些人諗得咁易呢? 擁抱浪漫主義的朋友啊, 請自行參透吧。

 

有興趣在指尖上參觀其他街市的你, 可在《本地街市逐個捉》找找看。

 

~~~


<< 在未有領匯/領展的時候... >>

2002年 - 房屋委員會轄下街市的運作 (原文)

 

2003年 - 檢討房屋委員會的整體承租街市 (原文)