總瀏覽量

2015年12月10日 星期四

全力支持天水圍街坊爭取興建食環街市

2015-12-07 [大公網] 新社聯要求政府興建天水圍食環署街市
 

 
看來天水圍區真是一個城市規劃的失敗個案, 早年已被人冠以「悲情城市」之名。

也不知怎的, 當區總是傳出「水深火熱, 民不聊生」的訊號, 繼「成功爭取」天秀墟之後, 近日又發出咆哮, 要求政府興建食環街市。

雖然食環署營運街市被審計署批評年年蝕大錢, 但O2也不得不為天水圍街坊發發聲, 要求政府為當區居民提供一個價廉物美的食環街市, 理據如下:

  1. 打破領展壟斷天水圍街市的局面
  2. 「民生無小事」不是齋噏等於做咗, 政府不應將「買餸」這個咁重要的民生議題交畀一間以股東利益為依歸的上市公司解決
  3. 政府早年規劃失當, 前世已虧欠了天水圍人, 今鋪一定要還
  4. 起個街市唔使得幾多錢 (只係起高鐵的少少零頭), 但卻有助現屆政府消減部分民怨
  5. 天水圍街坊已發出強烈訴求, 此事刻不容緩
  6. 上圖有份拉Banner擺姿態影相的政黨可以成功R功績, 皆大歡喜
  7. 以後有得揀, 喜歡幫襯食環街市還是領展街市, 各適其適, 唔使再好似寃鬼咁喃喃嘸嘸, 大家都耳根清靜

 
講完呢part, 跟住想講下那個「天耀街市關注組」的所謂調查。

先簡單介紹一下, 天耀邨居民Chi Ho是敝Blog的常客。

今個聖誕, 天盛街市重開後, 領展就會郁天耀街市, Chi Ho哥哥嬲嬲豬是可預計的。

Chi Ho哥哥屢次說到那個「天耀街市關注組」的調查, 並多次強調有7成人反對拆天耀街市, 佢話要連濕檔一起保留天耀街市喎。

 
2015-12-07 [明報] 七成受訪者反對搬天耀街市
 

找來《明報》的報導, 但諗唔通, O2想請教一下, 應該如何解讀該「調查」報告的數字。

該「調查」訪問了466位受訪者, 當中有366名是附近的中學生 (即13至17歲) 及100名天慈邨長者 (即65歲以上)。

問題來了, 咁18至64歲的人死晒去邊呢?

Chi Ho經常提及長者行咁遠去買餸, 好辛苦啊!! 領展虐老啊!! 佢非常之愛錫老人家, 乖, O2錫晒你。

問題又來了, 點解生龍活虎的中學生 (未必住天耀) 佔了受訪人數79%, 而被視作談判籌碼的「長者」比例只佔21%呢? 點解咁大細超呢?

仲有兩個星期就係聖誕, O2預言聖誕假期之後, 嗰366位受訪的中學生將會狗衝去晒天盛的新街市, 咁到時嗰「七成」的反對人士就唔夠數了, 點算呀!!!

 
***
 

延伸思考:

Link仔哥的《立法局討論改建天耀街市》


埋嚟睇、埋嚟揀:

2015-12-17 : 天盛街市 @2015-12-17
2015-12-18 : 天耀街市 @2015-12-17
2015-12-21 : 薑的疑惑
2015-12-25 : [東網] 天盛物價離地 團體報哀音反關閉天耀街市
2015-12-26 : 原來「天耀街市關注組」在天水圍犯眾憎

22 則留言:

  1. Link仔高舉雙手雙脚,支持麥美娟議員動議天水圍興建食環街市,既然有大水喉港鐵輕鬆度水200億,只花數億就可令天水圍街坊歡顏,絕對值得,讓我重申 : Link仔強烈支持天水圍興建食環街市!

    回覆刪除
    回覆
    1. O2我睇漏左你提個重點,點解個民調冇左真係磅水個D主角呀?

      刪除
    2. 其實O2都好想知,點解個所謂民調的年齡結構咁得意,希望有高人可以指點下迷津啦

      13-17歲|366人 (79%)
      18-64歲| 0人 (0%)
      over65歲|100人 (21%)

      刪除
    3. "There are three kinds of lies: lies, damned lies, and statistics." XD

      刪除
    4. 政府最容易控制的係供應,問題係,佢地想唔想啫...

      刪除
    5. 供應只係其中一個問題。大問題係:點樣可以係公平,有效率嘅原則下運用/分配纳税人嘅錢同全港市民嘅土地資源,同時促進競爭。 用公眾資源津貼冇競爭力,冇效率嘅人或商業只會使整個社會退步,最終得益嘅僅有政棍。

      刪除
  2. 聖誕鐘, 買領展. 領展已經身體力行, 今日開始回購股份啦.

    回覆刪除
    回覆
    1. 死喇,我仲計劃緊自制以股代息增持行動,以為16號加息執死鷄,宜家要自己人同自己人搶添 :(

      刪除
    2. O2的月供寶盒明天入貨,唔好同我爭

      刪除
    3. 領展今日以45.8807回購,你增持咗未?

      刪除
    4. 爭掙左一陣,最後決定16/12加息日落order

      刪除
  3. ​天水圍 天耀廣場:
    LEVEL 1
    L101 一粥麵 現已開幕

    回覆刪除
    回覆
    1. 即是一粥麵的舊位,又係開番一粥麵?

      刪除
    2. 原先一粥麵位置為L101-102,之後該位置重新分配為2個舖位,現在一粥麵佔其中一個舖戶經重新裝修後重新開幕,新址為L101

      刪除
  4. 咁東涌、將軍澳都冇市政街市,唔知幾時又有政棍爭取呢?

    回覆刪除
    回覆
    1. 東涌民乜聯, 工咩會區議員一路都有掛 banner 話要爭取起市政街市

      刪除
    2. 其實有樣野一直都覺得幾吊詭,估唔到「天耀街市關注組亅的幾位年青人會夥拍「新社聯亅、《大公》、《商報》,真係估佢地唔到

      刪除
  5. 等緊Chi Ho哥哥出場,講解一下那個「民調」的數字...

    回覆刪除
  6. 調查包括學生,係因為學生好多時幫襯天耀街市嘅飯盒同午餐。學生午飯時間有限,要來回行多10-20分鐘,領展無良關閉天耀街市,對佢哋有影響。鄰近天耀街市至少有3間中學


    問長者,佢哋都係受害者。行得遠,領展為咗錢真係瞓得安樂

    回覆刪除
    回覆
    1. 1.咁18至64歲的組別呢?點解會隱咗形?
      2.既然你講到D老人家咁陰功,點解個民調的重心會向13至17歲的組別傾斜呢?

      刪除
    2. 其實民意調查, 應該係領展做囉
      關閉天耀街市, 領展有無做問卷啊, 領展賺埋咁多陰質錢, 相信一定可以有財力時間做問卷調查

      如果超過一半居民都賺成關閉天耀街市, 咁咪唔會咁多反抗聲音囉!

      而家除咗領展外, 無乜人完全贊同關閉街市喎
      多數居民覺得天耀街市污糟, 無冷氣... 話裝修就可以, 但完全無濕貨, 要走去天盛就接受唔到囉!

      O2想理解下居民點睇, 不如落去了解下你就知

      刪除
    3. 你意思係關注組的民調信唔過???

      刪除