領匯創新高之喜與悲

(from Yahoo Blog)

2012年9月5日下午6:12｜公開｜累積瀏覽 277

可能有人會覺得, 領匯股價又再破頂, 我一定會好高興。

唔怕話你知吖, 我今日見到佢又創新高時, 第一個反應係「擰晒頭」。

老實講, 我依家係以收息為主, 賺價為副。好早之前, 我已經講過唔再加碼, 因為真係買唔落手, 依家佢嘅 息口跌到得番3厘幾, 其實真係一D都唔吸引, 但係都仲係有咁多人追入, 搞到佢隔幾日就創一次record high, 今日仲曾經去過$35.55, 我反而覺得唔係好兆頭。

我唔係擔心領匯會跌返轉頭, 而係感覺到大圍經濟環境實在太差, 生意難做, 公司業績唔慌好, 亦反映市場對經濟前景的憂慮, 所以D股民 & 基金經理買無可買, 至會將D資金泊喺得幾厘息嘅REITs, 大圍環境唔好, 最終都會影響到普羅大眾, 呢個就係我覺得 "悲" 嘅原因。

經濟唔好, 係人都想慳D使, 乜野行業最受惠吖? 生活必需品慳無可慳, 乜野公司最得益呢? 唔使畫公仔畫出腸啦!!


(免責聲明：投資有風險，自己衡量，唔好跟人)