(from Yahoo Blog)
2012年9月1日下午5:07｜公開｜累積瀏覽 1306
平田邨離啟田商場好近, 基於房署以前死咕咕的「一屋邨、一商場街市」政策, 平田邨都獨自有自己一座平田商場。
去領匯官方網頁睇過, 話平田商場有40幾萬呎, 咁咪仲大過啟田廣場? 我覺得好疑惑, 唔通網頁資料有誤? 第一, 睇地圖都唔似咁大; 第二, 山上面嘅商場通常都係求其有齊生活必需品就算, 唔會起到咁大架喎!? 好, 一於去平田商場睇吓咩葫蘆賣咩藥先。
嚟到平田商場, 睇勻晒仍然唔覺佢有40幾萬呎, 冇酒樓, 冇街市, 究竟嗰40幾萬呎係點計嘅呢? 掉返轉話係14萬呎仲似D噃!
平田商場仲有個建築特色係通道窄, 多梯級, 完全係街坊商場格局。
平田商場 (地址：安田街23號), 面積411,000呎, 於1997年落成, 樓齡只有15年, 街坊商場格局, 未做資產提升工程
舖頭分佈於地下、一樓、二樓, 以生活必需品為主
向街外的金雅餅店 (G2號舖) 似乎對個 "田" 字好有好感, 兩間喺沙田, 一間喺藍田。入去買菠蘿包 ($3) 時, 見到位上咗年紀的街坊嬸嬸, 佢買麵包時, 好慣性咁伸手用「八達通表」嘟一嘟, 我至發覺金雅原來都收八達通, 辛尼哥哥應該飲得杯落咯。電子貨幣已經滲透到每一個角落, 到今時今日, 如果有商戶or檔戶仲係咁out, 抗拒裝八達通機, 埋怨人地屈佢裝機, 賴班C9客唔接受用八達通買餸嘅話, 嗰D人已經跟唔上時代步伐, 遲早會俾市場淘汰。
仁人藥業公司 (G3號舖) 正門都係向街外
入到商場。喺阿婆阿伯都有手機的年代, 唔知呢兩個公眾電話1日之內會有幾多個人用呢? (地下大堂）
惠康超市 (G4號舖) 外
扶手電梯底的志成水電冷氣工程 (G5號舖)
陳應鴻跌打醫館 (G6號舖)
跌打醫館門外, 有個港鐵特惠站, 嘟一嘟, 慳1蚊。 可惜今勻我好蝦碌, 返到柴灣站俾港鐵扣咗$10.5, 至醒起自己掛住影相, 竟然唔記得喺特惠站拍咭, 蝕咗!
上咗一樓。又係惠康 (101號舖), 地下一間, 一樓又一間
新店 Hair Theorem (102號舖)
(左至右) 貝利堡美容 (103號舖), 新麗專業洗衣店 (105號舖), 樂的補習中心 (106-107號舖)
味の戀人食品直銷批發中心 (108號舖)
有冇發覺個舖位係升高咗一級?
其實呢層同地下嗰層都係咁, 呢度D通道又窄, 應該唔夠位加斜道, 都唔明點解15年前起嘅商場, 都會起成咁!?
再上多一層, 二樓呢層返而可以修正到, 冇問題喎
扶手電梯口第一檔, 日報社 (210號舖)
平田商場因為競爭不足, 連報紙都貴過人, 費事落樓下7仔買, 就要使多5毫子。話時話吖, 都好耐冇買過6蚊份嘅報紙咯!
玩具堡 (221號舖)
足之樂穴位保健中心 (228號舖)
淨係做街坊客, 平田商場唔需要顧客服務台, 只有個小小的保安崗位喺2樓
億林置業 (217號舖) 上下包抄, 下面啟田大廈轉角位一間, 呢度平田商場又一間, 包冇走雞啦
咸田燒臘茶餐廳 (202號舖), 我有幫襯過佢地嘅德田店
全場只有兩間茶餐廳, 一間連鎖快餐店都冇, 競爭唔大, 所以三文治餐要收$22/份, 老老實實, 我就嫌貴嘞! (晶彩餐廳．203-208號舖)
ATM機 (咸田燒臘茶餐廳．202號舖外)
ATM機位置外, 有行人天橋接通居屋康雅苑
商場內天窗
商場正門, 上落要行多級樓梯
商場門口有幾棵大樹, 遮住個入口, 情況同西灣河興東 & 耀東商場咁上下
商場外觀
商場指南 (1 of 2)
商場指南 (2 of 2)
＊＊＊
跟進：
2013-02-07 : 今日去領匯官網睇, 平田商場的樓面面積已更正為41,100呎, 咁都似樣D
2013-08-05 : Shop G04 & 101：美家超市 (前 惠康超市)
2013-08-27 : Shop 203, 205-208：百份百餐廳 (前 晶彩餐廳)
＊＊＊
沒有留言:
張貼留言