(from Yahoo Blog)
2012年9月8日下午5:49｜公開｜累積瀏覽 1125
今日去3個場, Last 一站係觀摩房署油麗商場。
論交通方便, 油麗商場絕對係排喺第一位, 一出咗油塘港鐵站B1出口就係。
喺油麗商場呢度, 搵唔到傳統街市, 又冇街坊茶餐廳, 甚至乎文具店都係集團式連鎖店, 唔使旨意想喺度搵到間所謂有人情味的街坊文具店。
裝潢方面, 同翻新完嘅領匯場差唔多, 以淺色為主, 咪又係「倒模式商場」一個, 冇咗房署最耍家的娘娘地間色圖案地下。商戶組合以連鎖店為主, 快餐店、日本餐廳、藥房、便利店、超市, 全部都係集團式經營, 同領匯一樣咁「單一化」, 一樣咁「冇人情味」。
油麗商場 (地址：油塘道9號), 面積 3,270平方米, 落成只有兩年, 完全冇房署舊場嘅噏耷味
靠近油塘港鐵站的商場入口, 係街坊必經之路, 佔盡地利
lady story (2號舖) 油麗店同鯉廣店都一樣有「買一送一」, 同一樣的貨式, 同一樣的折扣, 不過肯入去睇吓嘅, 都係得小貓3幾隻, 同鯉廣店差天共地。正所謂「一分錢, 一分貨」, 所以呢, 領匯夠膽收咁嘅租, 都係物有所值嘅!
嗱! 頭先喺鯉魚門廣場嗰間lady story 呀!
王老吉 (3號舖) 同房署一向關係良好, 俾佢霸到個頭位, 一D都唔出奇
商場內
蝴蝶裝飾
睇住領匯頭, 都搞得似模似樣
顧客服務台, 脫離晒房署嘅影子
好學唔學。(左至右) OK便利店 (7號舖); 大昌食品 (8號舖); 萬寧 (9號舖); 聖安娜 (10號舖), 全部都係連鎖店, 點解房署唔引進多D小商戶呢? 政府「免費」撥地俾房署起商場, 又唔需要平衡股東利益, 何解唔肩負起社會責任, 收留D小商戶呢? 會唔會有「良心記者」、「良心議員」去探討吓呢個議題呢??
上到1樓, 都係集團式連鎖店。日本城旗下的生活提案 (101號舖)
日本城旗下的文具世代 (104-105號舖)。想搵傳統街坊式文具店? 幾難咯!
蘋果皮鞋皮具 (106-107號舖) 都一樣係連鎖式經營, 只不過冇咁出名
上咗2樓, 富金軒酒家 (201號舖)
商場指南 (1 of 2)
商場指南 (2 of 2), 總共24間舖頭。租房署舖有一樣好, 就係商戶一日唔退租, 房署會租一世俾佢, 唔會搞「調整商戶組合」呢家野, 所以3年後、5年後再嚟, 都唔會有大分別
由油塘站遠眺港島東, 西灣河及太古城一帶。
沒有留言:
張貼留言