總瀏覽量

2012年9月15日 星期六

[領匯商場] 良景廣場 @2012-09-15

(from Yahoo Blog)
2012年9月15日

領匯將良景商場反轉大翻新, 到依家已經足足裝修咗兩年, 可想而知有幾大project吖!

6個月前, 有位Blog友留言, 佢好開心咁數咗幾間新開張嘅舖頭俾我知, 仲話好期待良景商場仲會有D乜野新舖頭添。

最近見領匯開始喺良景搞一連串的推廣活動, 即係話良景已經整得七七八八, 可以見得人嘞! 咁我咪嚟睇吓囉!

裝修期間, 四周圍搞到天翻地覆, 引來居民的種種抱怨, 隨著新良景商場逐漸成型, 開始聽到居民的讚嘆聲。我咁講法又確係幾鱔, 可能又有人會質疑我係領匯打手, 不過我今日又的確係親耳聽到D街坊讚嘆, 仲唔只聽到一次添。

唔知係咪搵神算子算過晒, 呢個場係利「金」呢? 場內有多間金字頭嘅舖頭:
.金水壽司 (L103號舖)
.金雋江南小館 (L103A號舖)
.金大班 (L205-L206號舖)
.金莎時裝 (L355號舖)
.金發麵包西餅店 (L405號舖)

交通:港鐵柴灣站 → 葵芳站 → 九巴58M 


良景商場已升呢為良景廣場 (地址:屯門田景路31號), 面積384,800呎, 於1988年落成 (即係樓齡24年)。兩年前開始資產提升工程, 到今日, 部份工程仍在進行中, 但已接近完工階段。

58M總站就正正係良景廣場, 一落車即刻睇吓個站長室拆咗未先...........哦, 依然健在

近良景巴士總站的商場入口, 有 "本地著名街頭派當代藝術家" (水蛇春咁長) Michael Lau 的「迎月、賞月、追月」藝術裝置。作者顛覆咗人賞月的傳統思維, 以新角度 "月賞人" 去演繹中秋文化, 不過我睇到嘅多數係玩二次創作的 "月食人" 全新角度俱多, 大部份街坊都係將位小朋友送入月亮口裡, 猛咁影相囉。

「環球美食盡在良景廣場」

「品味時尚盡在良景廣場」。因為實在太多舖頭喇, 唔影得咁多, 所以只係影低D商戶指南做記錄。

良景郵政局 (L105號舖)

診所專區, (左至右) 西醫何柏賢 (L204號舖), 西醫黎景成 (L203號舖), 西醫黃偉雄 (L202號舖), 牙醫鄭志榮 (L201號舖)

墾丁茶房 (L207號舖) 門口有架電單車, 任坐唔嬲, 係頗受歡迎的影相位

中國銀行 (L221-L222號舖) 外, 資產提升工程仍然進行得如火如荼

24小時營業的麥當勞 (L223號舖)

買野要排晒長龍, 但係現場又大把吉位喎?! 唔通多數人都係買返屋企慢慢嘆? (麥當勞內)

麥當勞外的休憩空間

(左) Pizza Box (L224號舖); (右) 麥當勞 (L223號舖)

呢一截係舊天花、新地磚 (大快活.L225號舖外)

重懷舊味的富豪公司 (L23?號舖), 門口有土地公幫手睇門口, 舖內最搶眼係大神檯裡的關Sir。為表尊重, 我梗係唔會對正關Sir嚟影啦!

(左) 嘉年華火鍋酒家 (L305-306號舖); (右)日本城 (L301-L304號舖)

既係開放式? 亦係封閉式? 唔知點講...

半年前有位Blog友話759阿信屋 (L312號舖) 啱啱新開張, 我應承過話遲D會嚟良景, 打聲招呼先, Hi, 我嚟咗喇....... 不過唔知佢仲有冇睇我唧 o.O?

名視眼鏡 (L346號舖) 對出的扶手電梯

良景有好多間金字頭嘅舖頭 (金莎時裝.L355號舖)

4樓的商戶

街坊力撐的祥景茶餐廳 (L402號舖) 已改頭換面。以水晶吊珠砌出 "祥景" 二字, 搶眼到極。

扶手電梯冇開都咁鬼旺, 第日開咗仲得了嘅?! (4樓)

金發麵包西餅店 (L405號舖)

5蚊兩個大饅頭, 買定多幾個上京赴考都好喎!! (金發麵包西餅店.L405號舖)

密鑼緊鼓籌備開張的多彩店文具玩具 (L411號舖)

福滿樓 (L415號舖)

百佳Superstore

City saloon 城市美髮廊 (L416號舖), 洗剪恤原價$88, 新張特價$68

Noble Hair Salon 名門髮舍 (L41?號舖) 洗剪恤 $86

美樂傢俬公司 (L41?號舖)

仲有好多間, 影唔晒~

落番地下, 向輕鐵良景站的商場入口

商場口的廣告位

商場內

時代電氣 (L114號舖)

時代電氣 (L114號舖) 對出的顧客服務台

疑似新版的顧客服務台

再睇番戶外, 工程仍進行得如火如荼, 領匯為良景廣場加裝多條扶手電梯, 打通任督二脈

上層封上玻璃, 裝冷氣

供街坊休憩的長凳

巡到街市。全街市最大嗰檔——藍地燒臘

(左) 良景街市門口; (右) 良景美食廣場。唔知D街霸問題搞掂未呢?

快將進駐良景廣場的商戶

(網上圖片) 有張良景商場舊相, 見到個鐵馬仲有房署logo, 應該嗰時仲未賣俾領匯。我估OK便利店位置, 應該係依家時代電氣位置, 請問有冇錯呀?


***


15 則留言:

  1. 墾丁茶房已結業,新租戶是薩莉亞

    回覆刪除
    回覆
    1. 小弟13/4/14巡過還未有新米飯班主出現, 薩莉亞進駐對此座飲食專區實實在在打了一枝強心針, O'Farm亦已進駐, 但有三間細舖被KO, 現在有那麼多領匯fans不停地報料, O2兄真是領導有方, 各位領匯fans放心揸貨啦!

      刪除
    2. 謝謝多位823粉絲不斷報料,O2無言感激 ^^

      刪除
    3. 墾丁茶房係大快活貴價版, 呢個價錢實在太多選擇, 次次經過都係小貓三四隻, 預左佢遲早執架喇
      薩莉亞一直都係人流保證, 以後又多一個穩定收租來源!

      btw, 文中講果個blog友係小弟, 我仲係周不時過黎睇架, 唔係點得知link最新消息先? ;)

      刪除
    4. 个人認為大家乐嘅一粥面比較成功,开始見多左系823开档。食物質量和價錢算合理。

      刪除
    5. ming,好耐冇見,多謝你的長期支持!

      LINK忠实粉丝,多個選擇絕對是好事。

      刪除
    6. 我反而想多d祥景金發呢類做得住的小商戶食肆,

      刪除
    7. 不同種類的食肆相輔相成,大家可以多個選擇

      刪除
  2. 這篇舊post冇啦啦在《本周熱門》跑出來,O2試下用"薩莉亞 良景"google下,果然是薩莉亞的威力,這就是領匯挑選租戶的眼光了。

    回覆刪除
  3. 琴日去良景 ,成個場有 3 個吉位 ,2 個已租出 。薩莉亞維緊板裝修緊 。

    不過個街市就 … 令人毛骨聳然 ,唔想逗留 。

    回覆刪除
    回覆
    1. 唔該晒!

      關於個街市...所以呢,當領匯因地制宜,將D舊街市翻新或重新規劃時,總會有人出嚟呱呱嘈,事實係D舊街市真係好嚇人,唔改點得呢。

      刪除
    2. 街市要加冷氣係一定要做既, 我呀媽都講過買豬肉唔會再去街市因為試過買過番黎臭既, 夏天熱屎辣辣冇冷氣D豬肉唔壞至奇, 所以自此去惠康百佳買豬肉。出嚟呱呱嘈果D人真係想知係咪end user黎

      刪除
    3. 呱呱嘈嗰D,多數都係傷春悲秋的文人雅士,識寫幾隻字,佢地就算自己唔會去街市買餸,總之就係唔畀領匯改改拆拆,一切要保留現狀,要懷念舊街市,邊會理得C9會嫌街市焗;邊會理得街市冇冷氣,D野容易壞;邊會理得舊街市濕立立,會容易跣親阿婆吖!

      刪除
  4. 放榜前夕,視察一下新界西的重點商場

    良景:薩莉亞已完成裝修,應快將開幕
    安定友愛:鴻福堂,以及一間叫經典廚房的食肆即將開幕
    頌富:商務印書館搬往一個更大的舖位,附設cafe
    天耀:十勝牛剛開幕,7時正人龍極長,另椰林閣已結業

    回覆刪除