(from Yahoo Blog)
2012年8月15日下午4:36｜公開｜累積瀏覽 314
小市民監察政府部門, 係理所當然。
柴灣青年廣場俾民政事務局搞到不知所謂, 我一路都好鬼爂!
見有報紙踼爆民政事務局篤數, 將市民一出一入當作兩個人計, 報大個使用率, 我以無聲抗議, 已經有一排冇上去。
今日心血來潮, 上去睇吓...
換咗畫
用扶手位嚟宣傳, 都幾好蹺, 領匯都可以借鏡吓。吖! 不過都係有風險, 嗰班食塞米議員一定會咋型, 話領匯賺到盡, 又話貼到條扶手電梯花喱花碌, "擔心"會影響D公公婆婆嘅視線, 容乜易跌親架!?......班食塞米要擔心好多野, 真係辛苦晒咯~
天時暑熱,呢度不失為柴灣街坊嘅避暑聖地。嘩! 涼浸浸, 爽呀! (唔係柴灣街坊嘅你, 唔恨得咁多架喇, 有份夾錢, 冇份嘆冷氣咯!)
Y生活館租戶指南
DICA已經撤走咗好耐, 但係個水牌仲未除名, 係咪佢一路都納緊空租呢?
DICA呢堆信件丟低咗好耐, 已經又濕又霉
人人要諗緊點樣善用資源, 青年廣場竟然好地地一笪地方, 間成一條條巷仔, 行又冇人行, 用又用唔到, 仲要開晒成排電燈, 浪費能源, 唉~~~
間到咁樣, 唔開燈又唔得, 好容易變罪案溫牀
廣場指南。唔好以為我咁好心幫佢promo, 其實我想睇吓D白色格仔, 會唔會愈來愈多咋! 不過, 我有個提議, 不如將Y生活館嗰層轉做健身中心啦, 你估 work唔 work呢?
沒有留言:
張貼留言