香港醫藥援助會牙科診所 @興民商場 2012-08-07

(from Yahoo Blog)

2012年8月7日

喺新翠天橋接咗張傳單, 係興民邨有間牙科診所搞開幕典禮。

其實都好想去八卦下,  但係興民邨實在太吊腳, 天氣又熱......(諸多藉口), 都係等遲少少, 冇咁熱至上去吧啦!

印象中, 上次上興民時, 嗰個舖位已經係牙科診所, 乜依家至開幕咩? 摷番篇舊網誌睇下, 張相都唔同樣嘅!? 再認真D睇, 依家叫「香港醫藥援助會牙科診所」, 同上次見嗰間唔同架喎!

我覺得, 因為地理位置關係, 興民商場較難吸到街外客, D舖頭唔夠生意做, 已墮入「執一間, 少一間」的局面, 繼而形成惡性循環, 舖頭少得連自己邨的邨民都留唔住。領匯引入協進會診所, 可能係想藉此帶來一點點的生客, 有了人流, 對正在挨打狀態的商戶, 應該有些少幫助, 再下一步, 才能招攬到新商戶加入, 而最終方便到邨民。

佢教人點樣去間診所, 服務對象係針對柴灣及筲箕灣附近居民

張相同上次我見嗰間唔同。有個網址：www.projectconcern.org.hk 

上次 (2012-01-13) 上興民, 間診所叫「香港醫藥協進會牙科診所」, 差中間嗰幾隻字...