總瀏覽量

2013年12月28日 星期六

巡視業務.領匯.南豐廣場商場 @2013-12-28

O2檔案室:
 
南豐廣場 (Nan Fung Plaza)
地址:新界將軍澳培成路8號
內部樓面面積:83,137呎
入伙:約1999年(樓齡14年)
年收益比較:南豐廣場  $59.9M / 83,137呎
      小西灣廣場 $71.1M / 100,892呎
巡視 (次數) 日期:(6) 2011-09-24, 2012-01-14, 2012-09-22, 2012-11-24, 2013-06-15, 2013-12-28
資產提升工程 (AEI):未
路線:港鐵柴灣站 → 坑口站
 
 
***
 
 
剛剛巡完海悅豪園商場, 第2站係南豐廣場...
 
 
1. 由G樓開始。新店, 大都匯款Metro Remittance (A35號舖)
 
2. eCosway特惠店 (A45-46號舖) 將於2014-01-06租約期滿
 
3. 心粥館被KO, 將會換上譚仔雲南米線 (A51號舖)
 
4. 隔籬的食之城亦會變成譚仔的Tam's Express (A52號舖)。賣雲南米線啫, 使唔使搞到咁型呀!
 
5. 中庭竟然冇展銷檔!? 豈有此理吖!!
 
6. 上咗P1。爭鮮回転壽司 (R1A號舖) 已開張
 
7. 就是這類等齊人至畀位的入座規矩激到領粉兄紮紮跳, 呢間仲要限時50分鐘添噃!
 
8. 近天橋口的AsteroIdea時裝店 (B18號舖) & 新開的Everlasting Accessories (B19-20號舖)
 
9. 陰功豬家品店的舊位, 已開咗間One Stop Beauty (B41A-42號舖)
 
10. 賣體育用品的小巨人101 (B59號舖) 也是新店吧
 
11. LaPalma髮型屋 (B90-93A號舖) 側
 
12. 早前揾人頂手的Phoenix時裝店已經轉咗做賣電訊產品的Call City新資訊 (B100號舖)
 
13. Rare Kids童裝 (B106號舖)。同場有另一間叫Rare的時裝店 (B111號舖), 賣女裝的, 是同一老闆吧
 
14. 玩の道場Game Mandala (B109號舖) 乃一眾kidult的浦窩
 
15. 廣良興 (B127號舖);F.L. fashion (B140號舖)
 
16. 新店, 福林燕窩參茸行 (B143A號舖)
 
17. 一連幾間童裝店。(左至右) Little Mine (B152號舖);Yoyogi 代代木 (B153號舖);不知名的童裝店 (B153A號舖);童真屋 (B155-156號舖)
 
18. 現代美容中心 (B185-232號舖) 現正裝修, 大概2014年2月完工, 此位置就是英皇教育的舊位了
 
19. G樓的商戶名單
 
20. P1樓的商戶名單
 
 
***
 
 
 
 

39 則留言:

  1. 1. 小弟不是紮紮跳, 而是高興到成個彈起, 差D識飛, 因為證明此間食肆收銀收唔切才有條件這樣做, 這類食肆從來不是我杯茶, 但他們是有存在的價值, 越多越能證明商場之價值, 顧客去食碗米線或去食幾件壽司從來都無大要求, 食完就走, 食肆為求生存而定立這些規則, 是無可厚非, 因為擺明車馬, 唔幫襯就罷, 反而值得支持, 因為他們旗幟鮮明定位正確.

    回覆刪除
    回覆
    1. 開心番,會講笑了,咁咪幾好!
      作為消費者,當然可以因應自己的口味及負擔能力來選擇光顧邊類食肆,但係領匯場從來都唔係ifc級數,要睇住目標顧客群的荷包,價錢必定要大眾化一點,只要我們的財神喜歡,食得過癮,又因符合他們的筆直而密密幫襯,咁就OK了。

      刪除
  2. 小弟同意。有生意才有條件這樣做。重要是公平对待每个顧客. 商场 生意好,对領匯是好事。

    回覆刪除
    回覆
    1. 這類以快打慢的生意模式,正好配合生活步伐急促的香港人,市面上也愈來愈普遍,這個3贏的局面,其實消費者、商戶、業主皆能受惠。
      再講,單邊著數晒的生意,一定不能持久,消費者、商戶、業主,3方的關係是唇齒相依的,只有互惠互利,各取所需,生意才長做長有,這正正是一直以來O2堅撐領匯的原因。

      刪除
  3. 小弟十分感谢02C兄分享他的报告 .我希望每一个領匯FANS 2014年,身体健康, 赚更多的钱.

    我觉得02C兄就像是我自己,都是沃倫·巴菲特 信徒.

    回覆刪除
  4. 我覺得好幸福,可以坐係度就有領匯監察訊息,祝福每一位領匯fans在2014身體健康 !

    回覆刪除
    回覆
    1. 講風涼話?
      咁O2祝你繼續風流快活,坐享其成啦!

      刪除
    2. 財務自由,被動收入,領匯信託個設計係比人坐享其成嫁, 我只係跟基金指引做 ^o^

      刪除
    3. 說得對,不愧係愚忠fans,reits的設計就係畀人坐享其成,你完全拿捏到持有823的精髓 ^^

      刪除
    4. 有個高人曾指點小弟, 一個人情緒太High便會亂講嘢, 一班人太High便會做錯嘢, 我諗食肆這個題目可暫時先放埋一邊稍後再吹過.
      因為O2兄發表了南豐廣場最新之狀況後, 使我突然間有個crazy idea 讓我吹吹水以故事形式與各位分享:

      刪除
    5. O2要抄低高人的金句,放入隨身錦囊備用了

      刪除
  5. 1. 差不多十年前, 大家樂前CEO光哥在加拿大與當地地胆合作經營一連鎖快餐店叫滿州鑊, 因年年虧損地胆將股權全部出讓, 大家樂獨自經營後至今仍未有貢獻, 我唸如果可以從頭再來, 光哥或會反過來邀請此加拿大地胆來本地合作開間香港鑊, 可能會出現雙贏之結局.

    回覆刪除
  6. 2. 太古洋行亦於十多年前與中資partner合作買地(不在內地)各佔50%, 起了一個又一城出來由太古管理, 之後太古以接近100億收購了中資之全部股權, 稍後再以接近200億放給一間星加坡房產基金, 太古與中資各袋了幾拾億走人. 太古這個地胆認真高章, 話同你合作其實自己話晒事, 不須睇你面色, 因此everything is under control, 結局是雙贏.

    回覆刪除
  7. 从互联网上的信息 :
    2006年1月, 太古以接近61.8億收購了中信泰富之全部股權 (50%) 。 2011年7月,太古地產宣佈以188億元出售又一城100%股權予新加坡豐樹產業。

    回覆刪除
    回覆
    1. 多謝你補充的資料, O2兄應記你頭功.
      這場遊戲太古最肥仔.

      刪除
  8. 3. 又是十多年前, 長江基建將所有股權轉讓給內地地胆, 交足學費然後無牽掛地返港, 總括以上三場遊戲, 皆是地胆獲勝.
    4. 至於我的crazy idea稍後補充.

    回覆刪除
    回覆
    1. 謝謝兩位的分享,好想聽下領粉兄的crazy idea喎 ^o^

      刪除
  9. 4. 亞龍哥有大志,想將領匯發展成為世界級之房產基金,要衝出香港,此為大忌也,天時地利人和缺一勝算皆不可,上面三個例子可借鏡。

    回覆刪除
  10. 5. 龍哥今次之合伙人出名利害,出手快狠準,是做大事之豪傑也。龍哥上去結局同上,地胆贏晒,反之自己做地胆做英雄之盲公竹,或可有双贏之局面出現。

    回覆刪除
  11. 我之crazy idea 如下 。A.就算冇萬科之參與,都要做一個小區域的霸主,有大志便唸辦法購入南豐廣場對面之連理街及東港城商場,學太古之做法,成功後協同效應非同小可。

    回覆刪除
  12. B. 龍哥以前講過……你估我唔想買靚嘢嗎,要人地肯賣至得呀。現在機會來了,放棄以前之舊觀念,再没有像房署那麽筍的嘢給你去拾,今次有個英雄与你拍住上,就放胆去馬出價,今年人話高價,過幾年就人人話係低價了,買貴了靚嘢守着一段時間便可以番身,做錯了嘢就像大家樂滿州鑊,到今天都甩唔到身

    回覆刪除
  13. C.就算將軍澳冇貨賣,你這枝盲公竹更顯出其價值出來,去上水執上水廣場,新都廣場。現今冇人同你去爭但亦不會平,正所謂靚貨唔會平,最緊要是方向正確,做上水之小覇主都唔差呀。

    回覆刪除
  14. 結語 正所謂寧為雞口莫為牛後,棄近取遠,智者不為也。小超人鉅哥及大家樂之光哥皆說……有早知就好囉。其實香港還有大把機會,領匯應將所有精力集中在本地,先做大做强自己,起碼能夠獨覇一方,到有足夠之實力才向外買嘢都未遲。

    回覆刪除
  15. C兄或有道理。不个新地卖出你提到的商场比領匯,我猜機會很低。

    回覆刪除
    回覆
    1. 唔賣無問題, 啲錢袋係自己的荷包, 將來你估無機會咩, 人哋知道香港地小人多, D靚場只有越來越值錢, 領匯在市區有大把物業, 即是越來越富有. 置富產業信託去到新界天水圍啃咗佢阿媽個場都要58億, 而領匯買嘢不需看人面色, 自己話晒事, 上面地大物博, 如果啲話事人做錯嘢, 你睇佢地能否像小超人啊鉅哥瀟灑地不帶走一片雲彩而離開呢. 而O2兄能否有能力單人匹馬上去拍嘢而安全地回來帶給我們看嗎?

      刪除
    2. 說實在,真是有點怕,領匯進軍大陸,就好像小超人10數年前把香港電訊一眾早以為財務自由,收息渡日的人仕推向大海,領匯一眾管理層切記三思,踏實定時分派利息,只行穩建一小步,勿急亂衝行大步,收息人仕是受不了被推入風高浪急的景况。

      刪除
    3. 先多謝幾位823戰友的觀點。總括而言,靚貨人人都攬住唔肯放,O2真係唔想見到領匯因急於求成而亂咁買野。時機呢家野,可遇不可求,大吉利是講句,或許要等下一輪的金融風暴/信心危機出現了。
      題外話,捕捉機會好考耐性,一定要沉得住氣,國浩集團的郭先生就是表表者。
      講到北上巡舖,O2老早已打定退堂鼓,我只會專注本地市場,大中華區就要交給其他有志之士了。「猛虎不及地頭蟲」是O2的隨身錦囊裡其中一句金句啊!

      刪除
  16. 巴菲特之前说, 最重要的,管理的公司,是你的信任的人。今天, 我想一定有很多的 電能實業 投资者不同意分拆港燈。IPO收集资金保留在電能,但没有分配给投资者。我没有投资任何李先生的公司股票.

    回覆刪除
  17. 最近又去過南丰,見連接車站連理街去南丰行人天橋有工程用布圍起,吾知做乜,亦吾知天橋业权系边个,有大師知悉請指点下?另外,南丰的賣時装小店好多,吉鋪不少,全部估計連其他有近20間。但食肆就相对少,每間生意都吾錯,要排隊等位。佢个中庭亦好少有展銷,吾知点解,几次都見吾到,相反厚德同尚德就好多好旺。呢个埸要做啲野,否則一定比同区其他埸跑過頭!

    回覆刪除
  18. 致富證券今個月進駐南豐廣場

    回覆刪除
  19. 已渐見到改善,地下A6連A12铺由thames culture租作教室。楼上亦有部分承租左。加油!

    回覆刪除
    回覆
    1. 在零售市道轉弱的現況下,每粒客都得來不易,算唔錯了!

      刪除
  20. 02似乎少去坑口,由我報料吧。南丰似乎多左教室補習美容开业,最新又会有《現代小学士》租左地下A45-46。場內还有些吉鋪,通常系細面稹在上層的。

    回覆刪除
    回覆
    1. 多謝報料,其實O2都好想跑多幾個場,奈何俗務依然纏身,實在分身乏術,慶幸有823戰友出手相助,O2無言感激!

      刪除
  21. 吾驶客氣,小弟只系盡小小綿力 :)

    回覆刪除
  22. 如果你再嚟南豐行下,肯定更加激到紮紮跳!(#7)

    回覆刪除