總瀏覽量

2015年6月30日 星期二

漢堡包走包

Link仔哥昨日出文話《茶餐廳倒閉 租金不是主因》, 這個題目O2當然認同到不得之了啦。
 
在一般人的腦海裡, 每逢有舖頭執笠, 就唔理三七廿一, 只懂賴租金貴, 賴地產霸權。
 

睇番《蘋果》提供的數字, 以大家樂為例, 租金佔了該餐飲集團收入的11.16%, 亦即是話, 當你每幫襯100蚊時, 真正食落肚的食材係$32.67, 出糧畀伙記係$27.18, 而你坐低食野嗰個位就收你$11.16。
 
O2倒覺得, 今時今日做食肆係難在「請人」囉, 自從實施「最低工資」後, 情況更加嚴峻, 原本肯收20蚊時薪送外賣的老伯被狠狠地摒諸門外, 被迫做公園阿伯。在食肆打工工時長, 在文憑量寬的世代, 讀飽書的人不愛投身這類工種 (除非自己做老闆);冇學歷的人又情願做大廈保安, 請個洗碗工的工資比大學生還要高。
 
每年總有人大聲疾呼要求檢討「最低工資」, 但快餐店加1-2蚊/餐, 就畀人鬧到九彩。
 
麥當勞剛試行的自助點餐機, 相信亦是衝著「請人難」這個問題而來, O2預計在不久的將來, 這部「點餐機」將會轉化成手機app, 當你走進餐廳的一刻, 你自選的「漢堡包走包」已剛好為你準備好, 既可大大縮短輪候時間, 同時亦可以卒先滿足了香港人「有得揀先至係老闆」的訴求啊!
 
 
麥當勞的自助點餐機 (網上圖片)
 

12 則留言:

  1. 係呀,將來會越來越多自助機,好似去日本食拉麵,已經係用自助收銀同落order, 香港而家D後生仔好多都唔番工,掛住打機,辛苦小小既工係冇興趣做,然後埋怨社會政府,浄係識得做憤青,怨制度,怨地産霸權.....我好似離左題?

    回覆刪除
    回覆
    1. 離題都冇所謂啦,反正大家都係借題發揮,吹下水啫
      講番,在有工冇人做的形勢下,將工序自動化/自助化是必然趨勢

      刪除
    2. 其實元氣壽司舊年已經開始用iPad自助點餐。 試過,好易用。 唔明點解其他餐廳跟得咁慢。

      刪除
    3. 估計係「服務對象」的關係,愈多年青人光顧的餐廳,愈容易推行

      刪除
  2. 翠林商場:
    領匯即將在短期內為街市部分進行 AEI 工程, 並預計將會重新命名為「匯翠坊」, 大型優化工程後將會主打大街市、生活百貨、魚市場、美食天地, 其中將會進駐商戶: 味皇餐廳、金仔米線。 現時街市內有部分商戶已經因租約期滿遷出

    南豐廣場:
    L1 場內兩間證券行已經開幕
    L1 SHOP 8-11 皇后媽媽 即將開幕

    回覆刪除
  3. 更正:
    領匯所出售商場項目之一:翠林商場經出售後,該集團將會為此商場進行大型翻新工程(商場及街市),包括大幅改變其商戶組合,現時場內大部分商戶均不獲續租。

    回覆刪除
    回覆
    1. 竟然冇居民/區議員出嚟嘈,咁好野!?

      刪除
    2. 其實有很多附近居民已經斥責,只不過錯誤地將矛頭指向領匯

      刪除
    3. 雖然D人係盲舂舂,亂咁鬧,不過領匯都係要硬食架喇

      刪除
    4. 華貴賣左宜家想改做超市,D人都仲係鬧領匯

      刪除