總瀏覽量

2014年2月22日 星期六

觀摩房署商場.油麗商場 @2014-02-22

房署於2005年將手頭上大部分的舊商場打包套現, 化名領匯。
 
呢8年幾以來, 領匯顛覆了屋邨商場固有的營運模式, 租上租的黑戶率先被迫離場, 其他既有利益者亦被領匯步步進逼.....由房署一手一腳孕育出來的領匯神獸, 漸漸踏上了成魔之路, 進化成一隻十惡不赦、張牙舞爪、到處殺戮的魔鬼, 人人得而誅之。

經此一役, 房署已經冇膽量再出售旗下的商場了, 唯有自己肩負起親生娘親的責任, 全部由房署親自餵奶。
 
2005年打後落成的公屋商場, 有兩個座落於油塘港鐵站旁, 位置靚到爆:
 
大本型   2012 (2年)  484,200呎
油麗商場  2010 (4年)    35,508呎
 
 
1. 油麗商場佔盡地利, 與油塘港鐵站只是一步之遙
 
2. 此乃居民搭港鐵必經之路, 油麗商場食到正, 可以話係冇得輸
 
3. 整個場絕大部份係連鎖集團, 冇諗過竟然會咁快就出現吉舖 (5號舖.前 快圖美)
 
4. 百家匯 (11號舖) 是後加舖位。房署班官曾經沾沾自喜, 自誇話油麗商場的出租率達100%, 而新加的舖位每年能增加30萬元收入
 
5. 生活提案已降呢為日本城 (101號舖)
 
6. 富田和食亭 (102-103號舖) 午市九折。係生意難做, 還是想回饋市民呢?
 
7. 撞鬼咯!! 做獨市生意的洗衣店都執埋 (301號舖.前 依莉夫洗衣)
 
8. 油麗商場水牌
 
 
好諷刺, 領匯不斷將D爛鬼公屋商場搞翻生, 讓居民可以留區消費, 相反地, 房署卻將新束束的商場玩死, 令街坊不便。
 
油麗商場佔盡地利, 直情係冇得輸的格局, 都竟然謝得咁快, 陰功!!
 
房署與領匯兩者之間, 高下立見啦!!
 
 
 
***
 
 
房署官網資料:
 
油麗商場於2010年12月落成,座落於油塘的中心點,直接連貫港鐵觀塘線及將軍澳線,是鄰近居民每天往返家居的必經之路。
 
商場樓高7層共25間商舖,出租面積約3300平方米,商舖主要位於地下至3樓樓層,舖位經營各式業務,當中包括中、日、西式美食、便利店、超級市場、美容店、文具店、藥房、理髮店及醫務所等,商場更設有不同的配套設施,包括停車場時租停車位內已安裝一台快速充電器及六個標準充電器供電動車充電的設施、兒童遊樂場及籃球場,使油麗商場成為鄰近居民購物消閒的新熱點。
 
 
 
9. 西醫及牙醫舖位 2010年中標價
 
302號舖 334 sq ft $19,000 (呎租$  57)
303號舖 366 sq ft $72,500 (呎租$198)
304號舖 495 sq ft $72,300 (呎租$146)
 
 
***
 
 
 
 
 

19 則留言:

  1. O2可以去下象山同梨木樹睇,象山係死到冇得再死

    回覆刪除
    回覆
    1. N年前去過象山,印象已模糊;
      大概9年前去過梨木樹,當時係新場,乜死咗嗱!?
      O2玩「巡視業務」係近呢2-3年的事,仲有多個領匯場未去,都好難抽到時間去房署的死場咯。
      但我會集中觀察以下幾個2005年後的房署場,睇下有咗領匯做benchmark之後,房署會否生生性性搞好D場。
      大本型  2012 (2年) 484,200呎
      油麗商場 2010 (4年) 35,508呎
      彩德商場 2010 (4年) 45,192呎
      彩盈坊  2008 (6年) 11,836呎
      晴朗商場 2013 (1年) 86,080呎

      刪除
    2. 我住梨木樹,我真係想梨木樹個商場係領匯,咁細個商場有2間酒樓,想食野得大家樂,另外幾間茶記同日本野真係食唔落口

      刪除
    3. 吓!? 情願樓下個商場係領匯? 第一次聽咋喎!?

      刪除
    4. kmwa3503 : 比個 like 你 :)
      O2 : 你勤力到做埋benchmarking ,連房署都巡埋,2個 like :)

      刪除
    5. 多謝~~~
      O2要鞭撻吓房署吖嘛!(多麼偉大的使命啊!)

      刪除
    6. O2,你都希望房署可以生生性性搞好以上嗰5個場,話曬呢5個場都係重點發展嘅商場嘛!(我個人應為)

      刪除
    7. 當然希望啦!
      O2的信念係「生意係做唔晒的」,所以最想見到不同級別的商場百花齊放,真心希望房署生生性性,將旗下商場搞得有聲有色架!

      p.s.房署下一個新場係水泉澳廣場,O2已密切留意

      刪除
    8. 水泉澳廣場!? 咁你快d去睇下lo!

      刪除
    9. 支持鞭撻一下你的高薪公僕, 為廣大巿民的稅金提升使用效率 XD

      刪除
    10. 愛.上尚德,目前水泉澳廣場尚在招商階段,未有野睇,遲D至去

      Henry,真的要大大力鞭撻一下我們薪高糧準的公僕,要佢地善用納稅人辛辛苦苦掙來的血汁錢呀

      刪除
  2. 找來油麗商場診所舖位2010年的中標紀錄(上面#9),O2既驚且喜。
    驚者,係油麗商場原來4年前已經咁貴,嘩嘩嘩!
    喜者,乃領匯仲有大把水位追加也,哈哈哈!
    (p.s. 2013年9月領匯的平均呎租為$40.2)

    回覆刪除
  3. 比较诊所, 牙医租金要低得多, 位置非常接近, 不明白房署怎么设定租金 ?

    回覆刪除
    回覆
    1. 1."行業"會影響叫價,一般來說,牙醫診所叫價較低
      2.看看水牌,2間西醫診所係集團式經營,出價可以更進取

      刪除
  4. 吾該哂。診費应該吾会平。我付近大埔领匯埸內有医生才收診金190元。

    回覆刪除
  5. 啊!我唔記得同你講,來油麗商場嘅時候,小心吉舖!!!依家你知道有幾撞鬼啦!

    回覆刪除
    回覆
    1. 嗰日完全冇心理準備,冇諗過洗衣店和快圖美會咁快game over =.="

      刪除
    2. 快圖美過舊鋪已經變成麥當勞嘅擴展鋪頭(即係加多左個雪糕站)
      至於嗰洗衣店暫時仲未有消息!

      刪除