總瀏覽量

2011年7月7日 星期四

公屋商場「領匯化」

(from Yahoo Blog)
2011年7月7日下午5:47|公開|累積瀏覽 250
 
今日去「小西灣廣場」巡視業務, 見到個肥仔, 廿零卅歲, 唔知佢點樣整親, 亦唔知佢整親邊度, 坐喺服務台前面, 個男保安問佢攞資料, 個肥仔好似見到殺父仇人咁話:「總之我唔知點解會喺度整親喇 ... 我唔會俾資料架 ... 」( 我係聽得咁多, 都唔知肥仔想點? ) 跟住有位女職員行埋嚟再問咗幾句, ( 佢太斯文, 好細聲, 我聽唔到佢講乜 ), 而個肥仔仍然repeat話:「我唔會俾資料架」。又再隔咗一陣, 見肥仔企喺身, 識行識走, 都唔知佢究竟整親邊一忽??


公屋商場「領匯化」之後, 居民的地位亦提升了, 如果仲係由「房委會」睇場, D人根本唔會對個場有要求, 你去投訴, 佢都係耍官腔;你鬧佢, 佢又軟皮蛇咁, 根本咬佢唔入, 點會咁樣發爛渣。不過有咗領匯之後就唔同晒咯, 商場間酒家做唔住執笠 ... 鬧領匯, 商場開老人院 ... 鬧領匯, 商場搞裝修要兜路行 ... 鬧領匯, 商場冇人氣 ... 鬧領匯 ... 充充都係證明居民覺得鬧「領匯」比鬧「房委會」有效益, 對領匯有期望, 如果唔係, 不如慳番啖氣好過喇 !
 
喺柴灣, 如果唔鍾意行領匯場, 其實仲有好多商場可以行...
 
 
柴灣人應該認得喇, 呢度係「宏德居商場」
 
呢D就係香港人口中的特色小店嗎 ? 唔想行「領匯」場, 咪嚟呢D場行囉, 咁有特色
 
上咗扶手電梯係「東區文化會館」, 之前係「XX創價學會」, 最輝煌時期應該係做「中國國貨公司」, 但係做咗冇幾耐就摺埋
 
另一個小商場「金源商場」, 不過條扶手電梯壞咗好耐, 最近拉咗banner話要整到 9月喎。已經十世冇行過呢個場, 唔知仲有冇人記得嗰間「天山百貨」呢?
 

沒有留言:

張貼留言