總瀏覽量

2016年6月29日 星期三

領展 vs 特首,應該撐邊個?

好少會同Link仔哥爭議題, 但既然香港特區政府的2位最高領導人爭住「砌領展」, 爭得不亦樂乎, O2都同Link仔爭下咯。

Link仔今日出文:《領展提出多項數據反擊

  
領展 vs 特首,應該撐邊個 ?
 
 

2016-06-29【dbc數碼電台】

領展 (00823)、特首CY,兩個民望低到不分上下的個體,今日終於對決了。

CY在南早專訪狂插領展不恤民困,甚至連領展管理層Performance-based的薪酬機制、都要中箭,最後放下一句「我們會做野的」。

突然遭遇政治打壓,領展今日唯有召開記者會,就特首批評逐點回應,場面異常尷尬;不過領展CFO翟迪強的回應卻值得一讚。

當CY批領展沒做到其獨有的企業社會責任,翟迪強今日就提出要分清CSR與「社會福利」,領展會資助老人活動、支持減排,回饋社會;但「提供廉價房屋給市民 (這類),就是社會福利,是商業公司所不能做到」。

當CY批領展是間REIT、而非地產商。必須指出的是,REIT房地產信託定義是公司會將接近全部利潤以股息方式分派單位持有者沒提過「不能賺錢」喎 ?

說到底,REIT與地產商,都要以股東利益為先;以「體恤民困」為首務的那些叫國企

對著這間逾千二億市值的龐形大物,CY近期想做野、林鄭也說要攻下這座大山。當年贊成放棄大多數股權,卻又想箝制公司盈利模式、對營運指指點點,這是選舉年的口水戰、也是有中國特色的輸打贏要


文:吳志南

 
***
 
 
有嘢爆!CY插「領展」 疑因為一個女人
 

2016-06-29【蘋果】

「領展(823)服務嘅係公屋居民,所以要特別有社會道德責任,好多租戶都畀唔起貴租。」

「政府有責任回應市民需要,特別係長者嘅購物需求。」

「政府對公屋居民要負責,因為政府係領展商場、街市嘅前業主。」

左一句講道德右一句講責任,幾咁正氣凜然,幾咁義憤填膺,幾咁似人話,但上面全部都係出自梁振英,冇錯係CY把口!

即係咁,CY好人好姐,無啦啦會插領展一刀,我諗你唔會天真到,覺得佢真係憂國憂民,掛心社稷草根啩…當然最直線一定係估「車!佢擺明舖路連任再選啦!」估我識估啦,佢講完又點幫到佢選先?

事實一:

消息人士爆料,CY狂抦「領展」,係因為一個女人,呢個人叫林鄭月娥。話說,消息指領展已約咗林鄭,喺7月5號開個會,見個面!事緣之前林鄭就以「三座大山」形容領展、港鐵(066)及強積金問題。於是,領展就主動搭路搵林鄭話開個會,見個面。留意,領展,係主動搵林鄭,唔係搵CY

啟示:

一:CY喺林鄭開會前,先開領展拖,咁樣如果會後有咩實質成果,佢就可以話「喺我英明領導下,領展已聽聽話話。」搶先邀功這回事,你懂的,林鄭呢?佢咪CY條o靚囉,就係咁?係呀!仲想點?又假如,林鄭搞唔掂,CY又可以施施然講:「廢物,咁都搞唔掂!你仲想做下任特首?」

二:「領展,你知唔知掟,個場,即係香港呀,知唔知邊個睇?係我呀!梁振英呀!你夠膽死走去搵林鄭唔搵我,你當我死呀!領展你個生殺大權仲喺我手呀!我回你個購都得呀!」(設計對白)

事實二:

CY狂插領展管理層,人工高定低,係同租金收人增長掛勾。事實係點,領展今日都撲出來話,「我哋唔係地產經紀!」至於CY又點呢,有測量界人士就報料,當CY仲係戴德梁行話事人時,因為戴德梁行有幫人收租,而當時CY嘅薪金,係真係好似經紀咁,同租金收入掛勾!不過,當戴德梁行做唔住後,新接手嘅人認為,咁樣計人工唔公道,所以就取消咗。

啟示:

點解佢會特別提到領展高層人工問題?因為佢自己係咁囉,可能佢一心諗住,「你班死嘢唔好以為我唔知你靠咩搵錢,我食佣多過你食米!」不過,事實係領展管理層人工,係真係有薪酬委員會去傾唔係好似經紀咁睇租金收入囉。

結論:

依家CY同領展嘈交,苦了市民,鬧邊個先好,媽呀!我唔識揀呀!


by千頌C@堆填區

 
***
 
 

2016-06-30 文匯報:領展負特殊社責 強調不回購
 
問題1: CY強調不回購, 係咪叫拉Banner嗰班友仔收聲, 唔好再嗌佢回購呢?
問題2: 點為之有需要時呢? 上任4年了, 仲未知有冇需要?
 

22 則留言:

  1. 原來如此,我其實都估到領展7月開會時,安排好晒方法下台階比林鄭,但估唔到有小氣方丈硬要先攞頭彩,可惡小人也

    回覆刪除
  2. Hubert一定好開心,因為佢仲未係CFO,不過佢有潛質,我睇好佢。

    回覆刪除
  3. 搞埋D小動作,合埋眼講埋D無常識既說話

    回覆刪除
  4. O2有個疑問,依家香港第一把膠椅攬咗「插領展」這議題上身,咁下面嗰D芝麻綠豆的垃圾會議員&/or街坊保長區議員仔,會唔會繼續插領展,同梁特搶議題,邀了梁特的功呢?

    回覆刪除
  5. 當然係齊齊插了,領展是即食議題,如果唔插會蝕底

    終於起東涌街市了
    ======
    林鄭梁特爭講領展 傳復建街市有眉目
    銳角 2016-06-30 DBC
    傳當局或在東涌逸東邨附近復建街市。
    繼政務司長林鄭月娥將領展形容為「三座大山」之一後,特首梁振英日前亦忽然大談領展的社會責任。
    林鄭早前指,領展行政總裁王國龍已提出與她會面,日期定在7月,《信報》余錦賢專欄今日指,梁振英此時揚言關注領展,那麼林鄭與王國龍會面後的進展,或多或少也可分一杯羹。
    林鄭曾指,可考慮復建公營市政街市,專欄引述消息指,復建街市已有眉目,很可能在東涌展開。食物及衛生局長高永文,上周約見離島區議會推動墟市工作小組,專欄引述小組召集人鄧家彪透露,聽聞議員指「墟市不能代替街市」,高永文隨即揭開地圖,詢問市政街市的選址建議。
    鄧家彪指,已向當局提交選址建議,包括東涌逸東邨附近兩幅土地,最希望選址可貼近基層區且鄰近港鐵站。

    回覆刪除
    回覆
    1. 天水圍呢?嘈得最厲害嗰位哥仔住天水圍喎

      刪除
    2. 天水圍最後一幅地已經賣俾新鴻基地產起樓

      刪除
    3. 你意思係冇地起街市?
      聽聞有位區議員建議「收回天水圍九巴車廠興建街市」喎

      刪除
    4. 九巴車廠位置都係方便嘉湖北、天慈人多。輕鐵出黎要過天橋,行5分鐘以上。
      要俾$4.4搭輕鐵相信個個寧願搭出去元朗/屯門買送。

      刪除
    5. 該地點是某區議員提議的,有冇民意基礎就唔知了,但任何一個選址,也不能滿足晒全世界人,總會有人近D,有人遠D,無論如何,如果能成事的話,也算是多個選擇吧

      刪除
    6. 人流少唔方便,使用率不高注定變死場
      慧景軒旁邊新商場可能變死場一個

      刪除
    7. 那位區議員要再想清楚選址問題了

      刪除
    8. nil 係咪住天水圍先? 天水圍仲有好多地方喎, 例如天秀路公園以北話起泳池啦, 天逸總站、酒店旁、天瑞輕鐵迴圈...仲有幾多地呢?

      grassroots, 你真係睇多D 書啦... 任何地方總不能滿足所有人, 但要揀D位要揀最多人行最少路既路段...

      例如天盛係天水圍既側邊(不是中心點(, 咁咪令天慈行好遠囉... 揀地方緊係要揀返該社區D中心位置! 小學生常識嚟咋喎

      刪除
    9. 輕鐵地段起野 問過港鐵先
      到時唔好有人話新街市遠,寧願搭車去第二度就得

      刪除
    10. Chi HO Fung, 求書名,請問是邊本書講架,第幾頁呀?

      刪除
    11. CHI HO,請問新元朗中心,YOHO 是不是元朗市中心?新鴻基為何不在元朗市中心起大型商場方便市民?

      刪除
    12. 人哋個重點明明係天慈行好遠,講乜鬼中心姐
      就算起響天榮站呢個天水圍市中心佢都會覺得遠啦

      刪除
  6. 各位LINK巴打,會唔會去27/7的股東會?

    回覆刪除
  7. 叫新地免費送個街市俾你咯
    係濕地公園隔離好唔好

    回覆刪除