總瀏覽量

2016年4月4日 星期一

翻新後的天耀街市不再賣濕貨,有沒有民意基礎呢?

只要在這草根Blog裡打滾一陣子, 就會知道Chi HO Fung的存在。

C君是天耀邨居民, 對領展恨之入骨, 早於2009年柴灣區的興華街市冚旗時, 已經剷緊領展, 依家輪到佢屋企樓下的天耀街市畀人搞, 燒到埋身, 更加生蝦咁跳啦。

回正題, 據報導, 今次天耀街市翻新完之後, 只提供售賣乾貨的檔位, 不會再賣濕貨, 其實這個安排有冇民意基礎呢?

眾所周知, 區議員是由民選產生, 代表著當區的民意, 居民對自己的社區有意見, 搵區議員反映/投訴是常識吧, 這是他們的職責, 納稅人出足糧畀佢地架。

 
O2找來元朗選區的選舉結果 : 梁志祥代表天耀 (M28); 陳思靜代表天盛 (M15)



兩年前, O2巡視天耀的時候, 發現這幅橫額 (原文), 當時都有點疑惑, 但卻沒有深究, 依家諗深一層, 天耀街市的命運原來早露玄機
  
 

近日O2反覆思量, 有以下頓悟 :

1. 兩年前梁志祥 (天耀) 建議「興建連接天耀商場及天盛商場的行人天橋」, 原來係講緊直接駁入天耀商場

2. 梁志祥是天耀區的, 卻由佢出面在天耀範圍掛Banner, 話天盛街市將會大裝修, 有點不尋常

3. 再睇番近期「天耀街市關注組」在2月最嗌破喉嚨的時候, 理應是政棍爭取曝光及邀功的好時機, 偏偏在這時候某議員卻顯得相對低調


經過抽絲剝繭, O2有理由相信領展一早已諮詢元朗區議會, 與上述兩位代表著民意的區議員做好妥善溝通。


再睇下陳思靜 (天盛) 的facebook, 佢對天盛街市的評價是正面的 :

2015-12-15 巡視開幕前的天盛街市
2016-01-08 天盛街市局部開業已一個月
2016-01-26 與田少巡視天盛街市
2016-03-13 去樂富市集了解究竟係咩黎
2016-03-14 跟手去樂富街市參觀
2016-03-25 在天盛街市的收穫


睇埋梁志祥 (天耀) 的facebook :

2015-12-08 要求興建天水圍食環署街市
2016-01-31 帶鍾樹根到天耀街市視察


金田O二 (註 : 與金田一沒親戚關係的) 已經為你解開咗天耀街市壽終正寢之謎了, 再要搵人找數的話, 請對準目標啊。

人地係區議員, 有幾千票在手, 佢講一句, 好過O2呢個小網民喺呢度講1千句, 快D去登記做選民, 善用你手上的一票!!!

 
***
   
 
埋嚟睇、埋嚟揀:

2015-12-10 : 全力支持天水圍街坊爭取興建食環街市
2015-12-26 : 原來「天耀街市關注組」在天水圍犯眾憎

 
  
【民建聯係養大領展既魔鬼.梁志祥就係鬼王】
 

35 則留言:

  1. 領展缺席區議會就天耀街市問題既會議, 所為何事?

    回覆刪除
    回覆
    1. 而家唔係要講, 係要有區議員同領展做個交流, 達成一個妥協

      點解基層市民命運要由有錢既領展股東決定? 街市真正既用家同區議員無得同領展討論同考慮意見?

      領展呢種由上而下既規劃模式不符理想既社區規劃

      刪除
    2. 你睇下人地條Banner,起碼兩年前已開始交流緊

      刪除
    3. 區議會無領展同區議會嘅會議紀錄喎

      咁領展幾時同居民交流過?領展搞居民大會有幾難?

      刪除
    4. 請問房署遺棄天耀時,有冇開居民大會呀?

      刪除
    5. 《以下是O2的個人意見,不代表領展公司的立場》

      開所謂的居民大會,只能接收到「嘈生晒」那撮人的聲音,該類「大聲當真理」的反對者會蓋過了「支持者」及「冇所謂」的人的聲音,世間上冇乜人會好似O2咁蠢,明知會畀人圍,還會企出嚟為領展護航。

      刪除
    6. 你睇人地天盛嗰邊幾開心,接受轉變,反之,天耀這邊呢樣又話唔得,嗰樣又話唔好,乜都媽叉一餐,這就是 Winner & Loser 的分別。

      刪除
    7. 再講,領展投放咁多資源落去翻新,如果做出來D野不乎合居民需要,就會蝕死佢,你睇領展年年賺大錢,已經說明領展做對了。

      刪除
    8. 你忍耐多一陣啦,依家鍾樹根和麥美娟幫你地爭取緊公營街市,搞掂之後咪可以砌低領展囉 :D

      刪除
    9. 但領展街市同商場應該俾用家而設, 並唔係開俾領展高層... 所以領展裝修, 加入地區聲音會好D喎, 齋齋傾好過領展一言堂

      而且天耀係首當其衝受害者(無咗個街市),你覺得無咗個街市係令居民生活好咗咩? 有好多腳痛既市民係咪領展俾醫藥費?

      //如果做出來D野不乎合居民需要,就會蝕死佢//
      10年前領匯都係講呢返說話...但事實呢?
      頌富有成8間珠寶店, 係咪真係居民需要? 非連鎖平嘢食? 一間都無啊! 領展可以租俾交得起租但需求少既舖頭(如珠寶店)... 就唔需要理會全部居民需要

      你話金飾毛利唔多, 但鑽石呢? 識人可以6折買... 咁可想言之賣鑽石毛利幾豐厚.. 只要有幾個人買,可以夠交租.. 除非真係需求細到一個人都無啦

      平價餐廳有需求, 點解唔開先?

      //忍耐多一陣啦
      天水圍20年前都話要有公營街市, 而家呢?

      刪除
    10. 1.領展街市同商場應該俾用家而設 <-- 不嬲都係
      2.天耀有好多腳痛既市民 <-- 點為之好多,請提供具體數字
      3.賣鑽石只要有幾個人買,可以夠交租 <-- 你講就易囉
      4.天水圍20年前都話要有公營街市,而家呢? <-- 問高永文、鍾樹根、麥美娟、梁志祥啦

      刪除
    11. 1. 平價茶餐廳呢?文具店呢4俾領展逼走晒喎

      刪除
    12. 2.腳痛嘅人一個都嫌多。領展利益可以凌駕市民健康?

      刪除
    13. 1.合規和經營狀況良好的平價茶餐廳和文具店,絕對歡迎。商戶結業可以有不同的原因,不一而足,如果你要賴晒領展才開心的話,隨便你

      2.咁祝你早D爭取到公營街市,砌低領展,那位腳痛的人就會自動痊愈了

      刪除
    14. 商戶結業好多原因, 但領展進場後, 玩具舖, 文具舖, 茶餐廳去晒邊?

      刪除
    15. 有時居民係要D平價店舖, 唔一定要華麗裝修, 點解領展要規定人裝修成點? 人哋裝修得唔靚, 但好多人客帶旺埋個場, 有錢俾領展, 點解又唔得?
      要靚裝修費只會反映喺物價度

      刪除
    16. 叫鍾樹根、麥美娟、梁志祥幫你爭取公營街市的時候,順便爭取多一個公營商場啦,最好係一個依照你個人喜惡的主題商場,要有售賣copy-book和補充練習的文具店;要有你童年回憶的玩具店;要有你喜愛的茶餐廳.....仲想有D咩舖頭添呀,快D落去梁志祥議員辦事處同佢講啦

      再唔係就申請調遷,要求調去天恩,天恩嗰邊有個你夢寐以求的房署商場呀

      刪除
    17. 本來有嘅天耀街市做乜要關閉?
      有議員要求天耀街市關閉咩?爭取食環街市同留返天耀街市係兩回事

      未裝修前天耀同天盛都有一定人流

      刪除
    18. 前幾日,張炳良這樣回應:「當年房委會將物業賣給領展,容許領展在業務上有自主權」

      為今之計,O2能做到的就只有幫你大大力「爭取公營街市」了

      刪除
    19. 各團體都可以向領展爭取保留天耀街市...
      因為領展在情係唔可以為所欲為, 賺錢係要, 但都要顧及居民感受

      刪除
    20. 你咪爭取飽佢囉,領展是一間與時並進的公司,發展步伐不斷向前,永不停步...

      刪除
    21. 與時並進就係cut 街市, 剝削市民權益, 浪費居民時間? 講咩連繫生活?

      刪除
    22. 天耀街市翻新後會否賣濕貨,除了與時並進,亦是因地制宜

      刪除
    23. 削減服務就係與時並進,因地制宜?天耀天盛居民從無抱怨呢到太多街市。領展亦無公開數據同資料點解會太多街市。

      領展說服到居民便可

      刪除
    24. 這表述太過不盡不實,恕O2未能苟同
      首先,天盛街市的室內樓面面積(IFA)由翻新前的8,000呎,增加到17,000呎,足足係一個double有多
      其次,根據目前的訊息,都冇人話天耀街市翻新完之後會縮細喎
      況且,張炳良已經講得一清二楚,領展在業務上有自主權囉

      刪除
    25. 我幾時講面積?

      而家係2個街市變1個街市, 天耀、天祐、天慈、天麗既居民要花更多時間先可以去街市買嘢, 唔係削減服務? 行多咗路, 要市民付出更多時間, 浪費居民時間唔通叫提升服務?

      而且, 你唔好玩弄數據, 天盛8000呎變17000呎, 部份係來自天盛商場既空間同小商店。仲有, 而家天耀街市面積係0, 天盛增加幾多倍同天耀有咩關係? 你唔係好計埋樂富, 本灣, 旺角工貿大廈?!

      仲有, 領展話會增加無障礙設施, 方便輪椅人士, 行人通道闊咗喎, 喺原有空間面積不變情況下, 相信店舖總面積一定細咗...

      領展最鍾意講大話, 之前話有既特價區而家變咗特價時段, 之前話有既送餸服務而家直頭無咗, 話現時而家有志願團體搞喎... 而家有傳聞係,個街市唔會變市集, 係變做商場..即管放長雙眼睇

      刪除
    26. 個人覺得,如果該傳聞能成真的話,咁就好咯,其實O2一早已經覺得夾硬搞個甚麼市集,只會害苦了進場的檔戶。好,希望承你貴言,就大家一齊放長雙眼睇吧。

      刪除
  2. I like this ^^ :

    陳思靜
    3月25日
    美國桶蠔55
    本地肥牛100
    大隻花蟹200 1點4斤
    沙蜆40
    韮菜花12
    西生菜7
    雜丸20
    蟹柳27
    5位用節日海鮮肥牛邊爐唔使500蚊— 在天盛街市 · 觉得幸福

    回覆刪除
    回覆
    1. O2好想搬去天盛,下一屆做佢的選民 :D

      刪除
  3. 鯉魚門廣場:
    L1 SHOP 141 名創優品 將於8/4進駐

    黃大仙中心南館:
    LG SHOP G9 佳利燒臘餐廳 租約期滿 已經遷出

    天盛商場:
    L1 SHOP L103 JHC日本城 現已開幕

    廣源商場:
    第五座 LG SHOP G1-3 JHC日本城 現已開幕

    回覆刪除
  4. 加短片【民建聯係養大領展既魔鬼.梁志祥就係鬼王】

    回覆刪除