[猜猜猜] Which Is 公營街市 ?

 

 
  
剛看過【now新聞台】長發街市罷市的啟示 (一), (二), (三) & (四), 才留意到本港有個組織叫「監察公營街市發展聯盟」, 唔知佢地對「公營街市」的認識有幾深呢?


O2想帶出幾點 :

1. 其實「房署街市」和「食環街市」才是公營街市, 算, 呢樣都費事同佢計較了

2. 發言人話「政府不應再將新屋邨街市外判，令領展獨大」, 其實佢地知唔知房署已經冇將旗下的街市交予領展足足十年呢?

3. 外判街市並不是甚麼新生事物, 房署一向都有做開, 例如以下的新屋邨 : 荃灣 - 梨木樹街市, 啟德發展區 - 晴朗街市, 沙田 - 水泉澳街市, 天水圍 - 天恩街市, 洪水橋 - 洪福街市

4. 該組織「建議當局覓地設立食環署街市，與領展街市抗衡」, O2舉腳贊成!!

5. 該組織「建議領展應仿效食環署設立規則規限承租者身分，限制商販要以個人身分承租，避免單一商販租多個商舖做獨市生意」, 唉, 真係講多錯多, 自曝其短, 究竟佢地知唔知食環街市內的「租上租」、「頂租」現象非常普遍, 一個老板租幾個檔口做獨市生意, 閒過立秋啦!!!