總瀏覽量

2014年5月3日 星期六

巡視業務.領匯.天慈商場 @2014-05-03

O2檔案室:
 
天慈商場 (Tin Tsz Shopping Centre)
地址:新界元朗天水圍天喜街9號
內部樓面面積:36,880呎
入伙:約1997年(樓齡17年)
年收益比較:天慈商場  $17.3M / 36,880呎
      小西灣廣場 $71.1M / 100,892呎
巡視 (次數) 日期:(1) 2014-05-03
資產提升工程 (AEI):未
路線:港鐵柴灣站 → 天水圍站 ($25.3)
 
 
***
 
 
巡完天耀廣場, 穿過天耀邨, 向天慈商場進發...
 
 
1. 途經香港潮陽小學, 望到一張原以為平平無奇的告示, 集會期間保持安靜, 好正常啫。睇真D, 原來唔係訓示學生們集會時傾偈唔專心, 而係呼籲D家長安靜D喎, 太攪笑了
 
2. 上星期去運頭塘, 咪話過房署將D水池剷走或者填平嘅, 嗱嗱嗱, 呢度又一個喇。
 
3. 一路行一路諸事八卦, 行下行下, 見到天慈商場了
 
4. 天慈商場有兩層高, 地方相當寬敞, 全開放式的, 不設空調
 
5. 商場外有巴士總站
 
6. 惠康超級市場 (1號舖)
 
7. 寶發乾濕洗衣公司 (3號舖);雄記單車堡 (4號舖)
 
8. 廣溢中西藥行 (5號舖) 門口堆滿晒人, 究竟係賣乜野, 咁受歡迎呢? 留畀你慢慢估...
 
9. 滙豐ATM (7號舖側)
 
10. 7-11便利店 (8號舖) 及對出的顧客服務台
 
11. 銀龍粉麵茶餐廳 (9號舖)
 
12. 慈屏樓地下呢幾間舖都係領匯的
 
13. 上咗商場1樓。客家好廚 (102號舖);迪斯琴行 (103號舖)
 
14. 社企便利店, 家園 Home Market (104號舖) 以超特惠價格出售糧油食品
 
15. 唔係人人都可以幫襯家園 (104號舖) 架, 有入息限制的, 經審批後成為會員, 至有資格幫襯
 
16. 興業五金及家庭用品 (106號舖)
 
17. 魔髮 Magic Hair Salon (107號舖), 洗剪吹$88
 
18. 剛執笠的iStar 龍星科技 (108號舖), 咁天澤嗰間分店係咪同一命運呢?
 
19. 日本城 (110號舖)
 
20. 日本城隔籬, 5,887呎的大吉舖 (111號舖)
 
21. 創興銀行ATM (101號舖, 大家樂側)
 
22. 為咗體察民情, O2入咗嚟大家樂 (101號舖) 近距離觀察。O2乃草根一名, 感受到甚麼叫粒粒皆辛苦, 絕對係「惜食」之人, 一定唔會做「大嘥鬼」, 見到有人食剩咁多野, 非常之肉赤。曾幾何時, 天水圍被標籤為「悲情城市」, 講到住在天水圍好似好慘咁, 因而獲得各方有心人的特別關顧, 又開社企賣平貨, 政府 (納稅人付鈔的) 又提供交通津貼, 又搞些乜乜墟市等, 但當O2望住這碟將會送去堆填區的廚餘, 眼前的景象都幾諷刺囉。O2又諗, 小朋友們自小在「悲情城市」這個負面到極的標籤下成長, 一直認為自己比其他人悲慘, 對他們的成長發展會有咩影響呢? 我們的主流媒體又是否有須要為天水圍區洗底, 替她重新定位呢?
 
23. 天慈邨巴士總站
 
24. 天慈商場外觀
 
 
*** 
 
 
 
天慈商場.商戶名單 @2014-05-03
1 惠康超級市場
2 7-11便利店
3 寶發乾濕洗衣公司
4 雄記單車堡
5 廣溢中西藥行
6 廸斯麵包餅店
7 (招租 - 699呎)
8 7-11便利店
9 銀龍粉麵茶餐廳
滙豐ATM (7號舖側)
101 大家樂 
102 客家好廚 
103 迪斯琴行
104 家園 Home Market
105 (招租 - 914呎)
106 興業五金及家庭用品
107 魔髮 Magic Hair Salon
108 iStar 龍星科技 (剛結業)
109 尚進天地
110 日本城
111 (招租 - 5,887呎)
創興銀行ATM (101號舖, 大家樂側)
慈屏樓地下
5 (招租 - 302呎)
6 天慈醫務所-西醫李福基
7 天慈商場管理處
 
 
***
 
 
 
2014-03-06舊文:O2眼中的天水圍
 
 
 
 

19 則留言:

  1. 天澤iStar一樣, 將貨物取走雜物留低, 害到領匯暫時不能將單位租出. 這樣不負責任的租戶, O2兄請將其記錄在案, 永不錄用.

    回覆刪除
    回覆
    1. 記錄在案都冇用,租畀小商戶都預咗有咁嘅情況,財政出現問題時,會靜雞雞走佬,累業主要搞一大餐法律手續,至收得番間舖,係好煩架!
      好彩我地係揸REIT,有領匯手足幫手搞,唔使自己煩。
      算啦!反正呢個場都咁多吉舖,多佢一間唔多啦 ^^"

      刪除
    2. 照計开鋪前,应要先付按金。沒理由連按金都吾要就走左?我自己極少見糸823場有贴出租告示但还未清場店鋪。

      刪除
    3. 未必一定係欠租至會走佬嘅,比方說,有人本身已拖欠1個月租金,另外又欠下一大筆貨款,該數額比租金按金不知大多少倍,債主臨頭,想一走了之,咪連按金都唔要囉。(嚴正聲明:以上純為虛構例子,與上述商戶無關)

      刪除
  2. 22. 咁大碟二手飯冇人接手,證明天水圍實際生活唔係咁苦

    回覆刪除
    回覆
    1. 地球資源非常珍貴,苦與唔苦都唔應該做大嘥鬼囉 =.=

      刪除
  3. 同意。碟反未必系当区街坊食剩,可能系外区或自由行人士,好難講。

    回覆刪除
    回覆
    1. 所以我都冇賴落天水圍街坊身上,只係見到咁大嘥,有感而發啫 ^^'

      刪除
  4. Link哥哥仔啲新idea十分正, 可創造財富億萬, 林老板真要贈佢終身享用759零食, 而小弟因此而有新的靈感如下:
    111号吉舖面積巨大, 但因出入口只得一個, 很多行業都不能做, 而長此刁空下去不是辦法, 小弟建議將其租給傢俬舖或迷你倉營辦商, 每呎租金收10.5元, 每月都可有6萬元收入, 部份收入撥作設立一個領匯員工創意基金, 鼓勵員工創新, 不論任何職級, 若有good idea提供, 一經肯定可以實行, 立即發放獎金, 請問O2兄及Link哥哥仔意下如何.

    回覆刪除
    回覆
    1. 1.想了解多少少111號舖的歷史先,請問知唔知之前係做開乜野生意呢?
      2.仲想知$10.5是如何釐定的?

      刪除
    2. 抗議呀,$10.5係社企價,其他要收正價,最小30蚊起錶,我分小左頼領匯fans你架

      刪除
  5. 為了解答兩位之疑問, 長江1, 2號探子立刻主動出擊, 1號探子去了天慈邨搵到個揸住3,000股領匯IPO嘅街坊套料, 此街坊A君對此商場都有些小認識, 佢話由06年開始, 當領匯接收此場時, 111號舖一直刁空直至今天, 前身用作為房署之寫字樓, 隔離110號舖前身為廖創興銀行, 今天則為日本城.
    該物業與葵芳, 沙角, 友愛, 安定, 元洲, 天瑞等等商場皆列為政府租契及公契待定的表2物業.

    至於小弟為何將111號舖之租金定為10.5元/呎, 見解如下:

    回覆刪除
  6. 1. 首先看看A君之見解, 佢話領匯由始至今都未有打算將此場做AEI工程, 可能覺得此商場無足夠之回報, 投資落去都嘥料, 因為屋邨座數少居民人口不足, 故此醫番都無用, 現今此場已變為孤兒仔, 咁大間舖5千幾呎, 唔計租金淨係裝修費都攞你命, 但若10.5元/呎租來做貨倉擺嘢就唔同, 好過去元朗爛地租10個8個貨柜, 除笨有精.
    2. 明天續......早呌goodnight!

    回覆刪除
  7. 2. 小弟之想法就是領匯有精明之團隊, 將寶貴之資源集中放在可持續發展之物業上, 為股東及租戶創富, 幸好沒有為天慈做任何AEI工程, 因為這筆發展資金已在另一更合適的物業上發揮得更好, 所收到的回報已超出預期, 因此這間5,887呎的大舖這幾年之租金損失已可以不屑一顧.

    回覆刪除
  8. 3. 10.5元/呎係粥水價, 但請O2兄及Link哥哥仔放心, 長江2號探子剛帶來好消息, 置富產業信託之銀座商場已將YLK KO, eCosway亦要起身, 旅行社, 補習社等等相繼要離場, 除了幼稚園租金雙陪上升外, 其他租約到期之租戶如果不能應付租金之升幅, 到時便要去新北江或領匯之商場搵地方落腳, 到時粥水價可能變為鮑魚粥價.

    回覆刪除
  9. 多謝領匯fans的分析,這真是水漲船高了,但我懷疑這舖就是在上市文件指定 的67項要租合社企的鋪位,真是10.5冇走鸡了

    回覆刪除
  10. 小弟亦感謝Link哥哥仔這兩天提供那麼多關於社企租戶的資料給我們參考, 對所有關心領匯租戶組合之小股東都有所俾益.

    同一時間諗起O2兄這兩天於傾盆大雨下可能正為我們奔走巡場, 內心亦感激不盡.

    幸好小弟有兩個幫得手嘅探子長江1, 2號為我效力, 正担心天慈會否變為死場, 長江1號二話不說, 今天一早約了天慈街坊A君飲茶為小弟帶返來很多正面的資料, 現在為各位領匯fans分享, A君所提供最新之資料如下:
    (1) 此商場為獨立式二層高之建築物, 有很大嘅重建價值, 如果同巴士站合併重建的話, 屋邨人口將會急急倍數上升.
    (2) 商場內有24小時經營之銀龍茶餐廳, 大家樂快餐店, 兩間生意都好好, 客家好厨提供到老人家飲早茶的地方, 舊式的藥房, 麵包店及惠康解決到居民日常嘅需要, 而李兆基之乖仔李家誠所經營嘅Home market對弱勢社群嘅生活需要亦有一定幫助. 政棍亦無得埋身. 你想此商場變為死場都難.

    回覆刪除
  11. (3) 現在半生不死的情况各路人馬都得益, 居民若想要麥記, 日本料理, Itamomo, Saizeriya, 肯德基, 翠華等等就要期望政府肯做嘢, 有大胸襟及抱負與領匯一同合作去重建社區啦! - 大結局 -

    回覆刪除
  12. 謝,很有用的資料,也請代O2多謝探子長江1、2號 ^^

    回覆刪除