總瀏覽量

2013年11月16日 星期六

[領匯商場] 興田商場 @2013-11-16

O2檔案室:

興田商場 (Hing Tin Commercial Centre)
地址:九龍觀塘藍田連德道8號
內部樓面面積:28,313呎
入伙:約1987年(樓齡26年)
年收益比較:興田商場  $8.6M / 28,313呎
      小西灣廣場 $71.1M / 100,892 呎
巡視 (次數) 日期:(1) 2013-11-16
資產提升工程 (AEI):未
路線:港鐵柴灣站 → 藍田站


***


藍田區有5個叫乜田物田領匯場, 只剩番興田商場未巡視過。

地理上, 興田 & 德田相當接近, 基於房署以前的 "一邨一商場街市" 的硬膠政策, 係又起, 唔係又起, 所以興田邨都有一個自己邨的街市仔。

咁咪死得囉, 街市細自然選擇少, 除非係懶得行, 否則都情願行多兩步落德田, 起碼貨品流量大D, 咁D野都新鮮D, 選擇多D。久而久之, 興田個街市愈做愈縮, 剩番D懶懶閒、過日辰的檔口, 失晒競爭力。


1. 對區外人來說, 興田商場並不好找。沿途只有呢個毫不起眼的指示牌

2. 終於找到了, 原來係夾係恩田樓 & 美田樓中間

3. 商戶指南, 一眼睇晒

4. 入門口左手邊, 惠康超級市場 (101號舖) & HSBC櫃員機

5. 右邊, 街市 & 有上冇落的單向扶手電梯

6. 興田街市外。留意下D啡色櫈, 長時間有狀似街坊保長嘅地膽打躉, 昅到實, 令生面人如O2者不敢走近, 更遑論要影相呢!? (O2膽小如鼠, 好驚畀人打呀!!) 於是等咗好耐至影到呢張冇人嘅相。街市內堆滿雜物, 完全唔似係做生意的格局

7. 惠康 (101號舖) 對出的顧客服務台 & 樓梯

8. 上到2樓。味皇茶餐廳 (201號舖) 已經係全場最有睇頭的舖頭

9. 陳汶堅區議員辦事處 (210號舖) 外, 直行到尾係洗手間

10. 估唔到呢個奀豬場都養到2間藥房噃。長成中西藥行 (211號舖);興田中西葯行 (216號舖)

11. 西醫盧兆發 (213號舖);興田商場辦事處 (214號舖)

12. 2樓平面圖

13. 興田商場外

14. 除咗商場主座之外, 恩田樓 & 美田樓地下仲有幾間舖頭。馬來亞麵包 (恩田樓102號舖), 7-11便利店 (101A號舖)。見唔見到, 又有位街坊保長睥實我呀? 好驚呀!!

15. 興田邨業主立案法團長者休憩室 (恩田樓104號舖)。感覺上呢個法團似乎好大勢力, 邨內四處佈滿著法團的基地, 四周圍廣佈線眼, 令O2今日之行, 增加咗幾分緊張刺激, 富有挑戰性 (用富挑戰性來形容其實係O2美化咗, 事實係籠罩著一股令人不安的氣氛至真)

16. 美田樓地下。藍天工作坊 (美田樓101B號舖)

17. 富城傢俬設計公司 (美田樓102-103號舖)

18. 彩虹專業乾洗 (美田樓104號舖)。興田邨呢間分店大到無倫, 同柴灣樂軒臺嗰間超蚊型舖相比, 簡直係蚊髀同牛髀, 好明顯呢個場係叫唔起租啦

19. 彩田樓樓下。興田邨四周圍都有好多櫈 (包括房署提供的 & 街坊們自備的), 怕且係呢度嘅街坊太易攰喇

20. 興田邨有2個冬菇亭, 以金源乜乜、金源物物為大戶

21. 駕空的冬菇亭。冬菇亭係全場最有人氣的地方

22. 落晒閘的坤記麵家 (4號檔), 係咪即是德田廣場嗰檔呢!?

23. 新興田居 (7號檔)。熟食檔指南未加佢個寶號, 應該係新租戶吧

24. 一日到黑要求呢樣嗰樣的區議員

25. 興田邨外望

***

■林子峰傳再拆售領匯資產,擬賣藍田興田停車場百多個車位,圖為地產代理向車主派發的宣傳單張。(2015-01-02 蘋果)


2015-01-02【蘋果】昨日有讀者報料,指有地產代理向藍田區車主派發有關興田商場拆售車位的宣傳單張,業主正正就是林子峰,他於去年中是以2.1億元由領匯手中投得項目。他昨承認會於下周公佈有關拆售車位事宜,該車場約有330個車位,未有透露意向價,只表示會拆售其中一半,另部份留作配合商場發展之用。

記者根據該宣傳單張上的聯絡電話,向有關代理查詢並獲回覆指,每個車位定價約50萬至約85萬元,目前車位月租近2,100元,預期回報率4厘。

對於車位能否予非屋苑住戶使用,該名代理則指「份契寫明要租返畀附近居民,但附近的定義係乜,大業主仲研究緊。」

按林子峰及該代理所述說法,出售該車場一半車位,即大約165個,定價50萬至85萬元,估計套現金額由0.8億至1.4億元,相當於買入價2.1億元的一半現金。相比同區私樓滙景花園平均車位成交價120萬至150萬元計,約有三至四成差距,但興田本身為公營房屋,而且位置偏遠,租戶客路相對狹窄。


***

大班叫人買領匯股票 (網上圖片)

***

2015-01-12跟進:租置公屋興田邨於過去180天的成交個案 (來源:中原)

2015-01-19 : 東方日報廣告

2015-01-24蘋果:興田邨車位一晚沽清


 

興田商場.商戶名單 @2013-11-16
101惠康超級市場
HSBC 櫃員機
201味皇茶餐廳
202-205(吉舖 - 2,508呎)
206(吉舖 - 302呎)( 康華物業代理)
207詩雅店
208威娜髮集
209章記水電工程
210陳汶堅區議員辦事處
211長成中西藥行
212西醫張敏華
213西醫盧兆發
214興田商場辦事處
215美之美髮廊
216興田中西葯行
217(吉舖 - 270呎)
218明智教育中心
恩田樓
101藍田街坊盂蘭勝會辦事處
101A7-11便利店
102馬來亞麵包
美田樓
101A興田邨業主立案法團
101B藍天工作坊
102-103富城傢俬設計公司
104彩虹專業乾洗
105(吉舖)( 永興家庭用品)
106-107潘兆文區議員服務處
108美田樓互助委員會居民聯絡服務處
熟食檔
1-3 & 6金源菜館
4
5啟成食館
7新興田居( 八號冰室 ?)
8
 

***






17 則留言:

  1. 先睇收入真係眼突,再睇D相,人都唔多個,街市内D長椅應係方便街仿打橫伸一伸,經典房署設計

    回覆刪除
    回覆
    1. 唔係房署設計,嗰D木櫈係街坊保長們自備的,方便打躉吹水,以及義務監察閒雜人等(即是O2之流也)出入,其實領匯可以請少1個保安,每個月慳番成皮野。
      巡完興田之後,我再上網search下,都滴晒汗,原來嗰班街坊保長唔惹得架,我嗰日算執番身彩 ><'

      刪除
  2. 峰Gor再出招,蘋果話有讀者報料,指有地產代理向藍田區車主派發有關興田商場拆售車位的宣傳單張

    回覆刪除
    回覆
    1. 我住在該區十五年,眼見人口正老化,車場空置率 (now 約 20%-30%) ,有上升 trend,只是新年オ滿 。況且公屋賣50餘萬,無理由車位亦賣50餘萬。這區六座樓有三個車場,供多過求,拆售後一起加租,車主會轉泊康華苑和德田邨的車場。昨日眼見有地産狂 sell,相信是高佣所致。而且車場轉彎位設計有問題,新手易撞。總之,興田車位不値50餘萬, this price賣家最得益。

      刪除
    2. 我已覆CCEL http://link823.blogspot.hk/2014/06/blog-post.html

      刪除
    3. CCEL,謝謝你的留言。

      橫掂得閒,大家討論下吧,O2認為「人口老化」這個現象,不是興田邨獨有,全香港的老人邨多的是,興田邨並不算特別嚴重。

      至於D車位,其實市場很現實,如果潛在買家認為唔值50萬,就自然唔會買,咁咪等林生自己攬住D車位過世囉。但只要在自由市場一買一賣,做出來的成交價就是MARKET VALUE,呢樣野唔使拗。O2敢寫包單,市場價必定準繩過測量師行的「專業估價」千百萬倍。今次的拆售成績如何,好快便知曉,我們拭目以待吧。

      另外,恕O2直言,雖然大家初相識,但直覺告訴我,你都似係「食米唔知價」族群的成員,事關O2找來興田邨公屋單位的最新買賣個案,成交價係2球以上,足足係你所講的50幾萬嘅4倍喎(見上圖)

      刪除
  3. 鄭大班亦在信報出文鬧吸血鬼,重話系賤賣資產,俾炒家巨利,利益輸送。最后佢話如果無可奈何,只有去買些823做佢股東。哈哈!

    回覆刪除
  4. https://plus.google.com/112429255282162959857/posts/cpsVZ7oauPL

    鄭經翰 大班人語
    領匯賤賣資產明益炒家
    ......
    去年12月,東熹苑的交易正式完成,林子峰已經急不及待分拆商場停車場的車位出售,每個售價介乎80萬至120萬,平均售價約100萬元。投資者買入東熹苑商場連停車場的價格只是7290萬元,但停車場有129個車位,光賣車位已可套現1.33億元,有本有利之餘,還平白賺了一個商場。單是一個東熹苑,炒家已經獲利甚豐,以林子峰購入的六個領匯商場連停車場合共2600個車位,以每個車位平均售價100萬元計,已可套現26億元,不但有利,還「免費」獲得六個商場,以目前每個商場售價動輒以億元計,暴利之深,令人咋舌,而領匯賤售資產,彰彰明甚,路人皆見。
    .......
    不過,亡羊補牢,未為晚也,立法會議員一定要全力阻止領匯拆骨賤賣資產,並且尋求司法覆核,要求法院裁決領匯出售資產是否違反:一、《房屋條例》第4(1)條;二、當年司法覆核夏正民大法官的指引;三、影響公共屋邨居民原來可使用的環境和設施,以確保公眾權益。
    ......
    可悲的是,社會大眾和理應為民請命的議員政客及傳媒輿論對領匯公然損害股東和公眾利益的行徑視若無睹,默不作聲,任由領匯管理層胡作妄為,完全罔顧社會責任和公眾利益。我們一介草民,無能為力,眼看領匯巧取豪奪,勢必謀取暴利,惟有「同流合污」,買入領匯股票,分一杯羹可也。

    回覆刪除
    回覆
    1. 大班轉做財演了嗎? 開始為大家推介領匯了... 我覺得佢文章最尾應該作持有基金單金的利益申報囉...

      刪除
    2. 大班依家至推介,我地一早已經同領匯「同流合污」啦 XD

      刪除
    3. 唔係喎! 我諗著一直增加我的持單位數量, 直至入佢個董事會, 行使我的影響力, 去為廣大巿民服務架喎!

      刪除
    4. 咦?!都好喎!想請問要揸幾多貨至有資格入董事會架?O2都想入去玩下 o.O?

      刪除
  5. 你做在董事,呢个blog就系發表股價敏感資料,点算?你不多過4.9999%就吾驶申报。

    回覆刪除
  6. 如果呢個blog有幾個小股東各有4.99%,咁算唔算一致行動人仕呀 ?

    回覆刪除
  7. 粉丝应该吾箅掛?雖然我们一致会去帮親823旗下商场。*^_^*

    回覆刪除
  8. 魚與熊掌不可兼得,既然兩個身份有衝突,而O2又真心希望為廣大市民服務,咁唯有犧牲小我,摺咗呢個草根blog吧啦 =.='

    回覆刪除
  9. 今日 21:22|信報網站|地產新聞
    藍田興田邨停車場藍天新城拆售100個車位,迅即於半小時內沽清,並隨即加推200個車位,預料全晚亦可售罄,期望可帶來2.1億元收入,其中興田邨的租客和住客所佔買家比例逾半數。
    中原(工商舖)商舖部高級區域營業董事黃東雄表示,藍天新城正式開賣,於不足半小時已沽出100個車位,售價由50萬至80萬元不等。

    回覆刪除