總瀏覽量

2013年1月31日 星期四

我係死窮鬼

(from Yahoo Blog)
2013年1月31日下午4:54
 
某些政治團體經常將公屋人與窮人劃上等號, 這點我是從來都唔認同的。
 
見到領匯將D商場翻新得靚少少, 就話公屋人消費唔起, 簡直係荒天下之大謬。
 
老實講, 有多少公屋人係禾稈冚珍珠, 會有人話你咩?
 
依家D大學生呱呱嘈話買唔起樓, 但係有公屋戶主會出首期以仔女名義買樓 (自用或收租都有), 咁究竟邊個至係窮鬼先?

你話我窮咪窮囉, 我冇所謂喎, 反正可以乾政府「為民紓困」的著數, 冇必要爭住認係有錢人吧。
 
經領匯翻新後的商場人頭湧湧, 就足以證明只要keep得住班公屋客, 已經唔憂做了。
 
公屋人的消費層面屬於中游地帶, 雖則唔係高檔客, 但係亦唔會比普通私樓客低, 公屋人「食」 可以好捨得,「衣」唔一定要身光頸靚 (因為要冚珍珠吖嘛)。我睇居民「購買力」, 唔會單單睇甚麼「收入中位數」, 我會覺得睇「可支配收入 Disposable Income」會更合適。
 
行去地產舖睇吓, 一個柴灣區的二三百呎蚊型單位的租金, 閒閒地都八九千蚊, 同公屋戶相比, 每戶的可支配收入會每月相差五六千蚊, 係每個月喎!
 
仲有一個可能性, 就係嗰層樓嘅業主分分鐘就係附近公共屋邨的公屋人呢!
 
 
地產舖的私樓租盤
 
 
       面積   月租
永利中心  371/266  $9,200
金源樓   365/245  $8,300
建業樓   350/257  $8,800
 

7 則留言:

  1. 我好肯定有好多私樓租客交緊租比公屋戶業主,到底有冇天理

    回覆刪除
    回覆
    1. O2 我冇數據架,靠估直覺

      刪除
    2. 哈哈,咁我估你一定係估緊O2就是你講嗰類人了 :D

      刪除
    3. 唔同,O2咁勤力週圍巡,就算有10層樓都好正常,不過如果可以有機會就租者自置,心安理得也

      刪除
    4. 心安理得可以有多種方法,若果自己條邨屬於「租置公屋」,便可以直接買番自己住緊的單位,如果不是「租置公屋」的話,就用綠表資格買其他租置公屋或居屋,或者抽綠置居,再有多餘錢才買樓收租

      刪除
    5. 另一個最最最簡單的方法,就是將筆錢買823,既符合「沒有樓」的資格,而又可以「有租收」

      刪除