(from Yahoo Blog)
2012年12月1日
今日去參觀一條剛剛完成重建工程, 膾炙人口, 無人不曉, 滿載著港人集體回憶的小村落——天神村。
天神村 (地址：九龍橫頭磡聯合道198號樂富廣場B區), 面積超過10,000平方呎, 由本港著名上市公司領匯房地產投資信託基金 (股票代號823) 耗資千萬元重新打造而成, 於2012-11-22開村, 為全港市民免費提供拍攝場地, 回味昔日天真爛漫的日子。
身處天神村現場, 強烈地感受到飲TVB奶水大的爸爸 (拖住個幾歲大的小朋友) 帶著興奮無比的心情, 滔滔不絕地向下一代解說......粉紅色的"啪"是甚麼, 黃色綠色嗰兩嚿野其實係"pat pat", 又一路行一路唱歌 (唔係個細路唱, 係個老豆唱)。
《IQ 博士》的角色, 深入民心。我夠膽寫包單, 一家大細嚟到, 一定可以玩得好開心, 盡興而返。
話咁快, 已經由柴灣嚟到樂富港鐵站B出口
樂富廣場B區入口。跟住天神村的村民飛奔上去。
入到中庭。一見到「領匯」兩個大字, 我已經發晒茅, 仆崩鼻咁樁埋去, 第一時間影低先。
樂富廣場B區中庭
某D時段會有飄雪&煙火環節, 想睇的話, 要留意吓。(由UG2直上L2的扶手電梯)
呢排天氣唔穩定, 所以D戶外場景都冇開放。失望!!
超多人排隊等玩攤位遊戲。好虛冚, 梗係想訓練小朋友耐性。
我冇份排呀, 過咗去美食坊 (A區)
天神村影院正在播放《IQ博士》。領匯有提供長凳任坐, 可以坐低慢慢欣賞, 周圍又有多款場景佈置, 任影唔嬲, 十足十一個主題樂園。
我順便巡舖。泰昌餅家 (A區 1105號舖), 套餐價：招牌蛋撻 + 沙翁 + 紙包飲品 = $10, 蛋撻 + 沙翁 + 鮮豆漿 = $12, 我覺得超抵喎! 邊個話領匯引入嘅品牌賣埋晒D貴野架? 邊個? 邊個?
ME,N,U 360° (A區1112號舖)
老字號劉裕發茶莊 (A區 2113號舖)
鯉魚門紹香園合桃果子專門店 (A區 2119號舖) 外, 連接UNY生活創庫的通道。
八方社 (A區 3133B號店舖) 外
可可潔衣中心 (A區 3153C號舖) 對出, 擺放咗一D有關樂富區的懷舊展品, 成個小型博物館咁
樂富醫務中心現有的租戶
已經停咗雨, 返過去B區睇吓。大小雲已經出場, 不過D戶外場景仍然係唔開放。
領匯嘅範圍裡面, 到處都咁虛冚, 反觀房署嘅地方, 空空如也, 有凳冇人座。邊個嘅設施係比較受居民歡迎呢? 邊個更加照顧到居民嘅需要呢? 唔使多講啦!
領匯認真無微不至, 喺茅廁會聽到以下背景音樂, 鍾意可以跟住唱...
靈感ＩＱ稱得上
十分之高超
創作力量同幻想
會嚇你一跳
小雲同小吉好重要
美夢如炸彈
開心的轟炸
天空朗日也偷笑
白豬仔來啦！
無愁無慮似天使
天天帶著笑
浮浮沉沉天空裡
自在像小鳥
古怪事情
多得很想講也講不了
人人朝著那方向
心中帶著笑
浮浮沉沉天空裡
熱烈地呼叫
興奮事情
嘻嘻哈開心到不得了
仲有一個覺覺豬的小吉。活得開心, 睡得香甜, 這便是人生的最高境界了~
＊＊＊
沒有留言:
張貼留言