(from Yahoo Blog)
2012年11月3日
當面臨轉變時, 每個人的應對策略及適應能力, 也不盡相同。有人適應力強, 無懼轉變; 有人見步行步, 睇定D先再算; 有人唔想接受挑戰, 選擇悄然引退。
前幾個月, 華貴街市轉換承辦商, 因為從前未合作過, 所以檔戶心生疑慮, 又或者係唔認同新承辦商的經營策略 (可能係唔鍾意著制服, 講笑咋!), 亦有某D檔戶本身已經喺其他街市 (例如華富街市 / 石排灣街市) 另有檔口, 因有退路可走, 會選擇放棄華貴。
當然亦有部份檔戶選擇留下來, 繼續服務華貴邨街坊啦!
今日重臨, 華貴街市已經以新面目示人
連拜神香都有「今日至抵」
遍地開花的厚興瑜記 (8號檔), 買手撕雞有臘腸送
全個街市最大改動係熟食檔部份。其中一家選擇留下來的檔戶「永發快餐」轉咗位置, 依家喺入門口的右手邊。為咗答謝永發留下來支持華貴街市, 我幫襯番碗車仔麵嚟支持佢先, 禮尚往來吖嘛。今次想試多幾款餸, 叫咗碗雜麵 ($26), 我冇叫野飲, 留番個quota, 一陣去日日鮮豆漿 (S13號舖) 買豆漿飲。
永發個舊檔位依家轉咗做「粥麵世家」
熟食檔口每日4次收集垃圾及餿水的時間, 亦清楚列明, 大家方便配合
街市內其中一截撥作華貴跳蚤市場
跳蚤市場內主要係for臨時展銷檔。就今日所見, 跳蚤市場暫時未成氣候, 建華仍須努力, 要吸引多D檔戶進駐。
華貴街市有多項推廣計劃, 以益街坊招數吸引附近居民。靠近嘉隆苑的街巿入口, 頭一檔熟食檔係有座位供應, 可以坐低慢慢食的包點先生。
巡完華貴街市, 再巡華貴商場。新店凱施餅店 (S18號舖) 經已開業
超群西餅 (S3號舖)
大家樂 (S20+S21號舖)
俱街坊色彩的金冠零食 (S2號舖)
有人傷春悲秋, 講到好似所有傳統文具店已經被趕盡殺絕咁, 其實都係想當然, 我去過多個領匯商場, 類似的街坊式文具店, 一D都唔難搵到。(華貴文具．S7號舖)
富貴水晶玉石精品店 (S12號舖) 也算是坊間所形容的特色小店吧~
食完車仔麵, 喺日日鮮豆漿 (S13號舖) 買咗樽鮮豆漿 ($9) 試吓
差D唔記得睇吓阿莫小姐話嗰個乾塘水池
「租平」係咪大晒呢? 領匯做乜都俾人吠, 房署就做乜都得。今日上過華富商場觀摩, 遇啱佢地洗地, 倒到一地梘水, 隨時跣親人, 有人揸住條水喉四圍射, 清潔工都好唔客氣咁驅趕途人, 街坊要左閃右避, 一副見慣不怪的模樣。唔係喎, 俾著係領匯咁樣洗地法, 唔俾人插爆至奇!! 唔通舖租平真係大晒? D街坊乜野要求都冇晒? 要逆來順受!?
＊＊＊
沒有留言:
張貼留言