總瀏覽量

2011年6月23日 星期四

柴灣.環翠商場.回味

(from Yahoo Blog)
2011年6月23日下午3:59|公開|累積瀏覽 244
 
回憶總是美好的, 許多過去了的片段都與「環翠商場」有關。從中一開始, 因為要一大清早起床, 乘搭那中巴年代的巴士返學, (要晨咁早去總站排隊等車, 仲要班班車都迫到爆兼冇冷氣架, 所以顏成坤好賺過新世界好多), 自始之後見識過外面的花花世界, 便開始覺得公屋商場 "冇乜好行" 了。在我心目中, 柴灣亦只成為 "回家睡覺" 的地方, 像客棧的功能一般, 吃喝玩樂都多數會在區外搞掂, 正因如此, 很多柴灣的變遷過程, 我係miss咗的。

直至近年, 多咗時間留在柴灣, (有D落葉歸根嘅感覺添), 便有意無意間很想追回那些在不知不覺間失去了的片段, 亦希望由現在開始用相機記下現存的景物, 好等腦退化後便大派用場了。
 
 
「環翠商場」向新翠迴旋處的入口, 左邊原先有位「麥當勞叔叔」全天候守著的, 上年尾忽然間人間蒸發了
 
環翠商場門外的「臨時天橋」, 臨吓臨吓.....都臨咗起碼 20年了
 
當佢仲係「臨時」天橋時, 梯級與梯級之間是有空隙的, 每次上落都好驚會差錯腳, 或者唔小心跌咗隻拖鞋落去...
 
呢度就似原本嘅顏色喇, 仲見到個門口曾經被改動過嘅痕跡添
 
G/F的「華興傢俬」。呢個舖位曾經做過「歡樂天地」or「冒險樂園」之類嘅野, 不過已經唔啱我玩嘞
 
因為某年某公屋商場跌過玻璃, 自始之後呢個欄河就多咗D野撐住喇!
 
記憶中, 呢兩個舖位, 其中一個係賣文具的, 唔係賣中華牌鉛筆嗰種喎, 係D印晒公仔嘅文具, 嘩, 簡直係兒童恩物, 不過.....執咗幾世耐咯
 
樓上的「華興傢俬」。全柴灣第一間的快餐連鎖店「大家樂」就喺呢個位, 有大品牌進駐柴灣, 都不知幾興奮, 好多柴灣人嚟朝聖, 唔似得依家, 個個飲慣食慣, 又話唔鍾意「大x樂」、「 大x活」咯喎
 
呢度都好似冇變過??
 
呢個出口可以通往停車場, 不過我都係第一次行出嚟
 
傻呼呼的避雨亭
 
環翠商場外貌。除咗嗰3條圓柱形樓梯, 仲用咗好多圓形圖案, 互相呼應
 
呢條樓梯都係圓形
 
仲有呢條
 

沒有留言:

張貼留言