總瀏覽量

2016年2月20日 星期六

長發街市 @2016-02-20

丙申年剛剛開始, 旺角、良景、長發紛紛出事, 亂過亂世佳人, 雖然不是置身其中, 但隔住個mon都覺攰。

長發街市罷市呢壇野, 媒體已有不少報導和評論, 有留意事態發展的你, 相信已食飽花生了。

縱觀坊間的各種言論, O2發現幾篇載於TAKE5的文章比較言之有物和中肯, 估計作者梓峰定是長發邨的資深居民吧。

TAKE5 正好生活 區區報:
2016-02-16 : 抗爭。保衛 - 長發街市(一) by 梓峰
2016-02-17 : 抗爭。保衛 - 長發街市(二) by 梓峰
2016-02-19 : 抗爭。保衛 - 長發街市(三)[拆局] by 梓峰

當中提到:

 『據悉部分檔主都不同意罷市行動,認為策略出現問題,但是商會沒有與全體商戶商討,獨斷獨行,把小商戶與領展、建華推向對立面,完全無助解決事情。』



O2覺得這說法非常接近事實的真相。

今早, O2抱著大無畏的精神深入虎穴, 見街市內的氣氛已比前幾天在電視上/網上睇到的畫面平靜得多。

介紹番先, 有幾位靈魂人物大家要留意的:
  1. 李錦源 - 長發商會主席 (李生亦是全港雞販代表, 戰績彪炳, 當年曾替雞販們自政府/納稅人的口袋裡爭取到不少好處, 俱豐富談判經驗)
  2. 林永章 - 長發商會副主席 (人稱叔公, 在青衣/荃灣一帶經營多間燒臘食肆)
  3. 潘小屏 - 前區議員 (留意番, 不是現屆的)
  
   

1. 穿過青衣美食城, 準備由大昌食品這邊入街市


2. 指定動作當然係在大昌旁的港鐵特惠站拍一拍咭先啦


3. 街市的另一個入口


4. 千字長文


5. 警察哥哥一早已standby


6. 臨時檔口就在呢條巷的中央位置


7. 在商會主席的「強勢領導」下, 絕大部分檔口都有參與罷市


8. 無罷市的檔口只是小數


9. 收晒檔時的通道, 都已經係擺滿晒野, 咁開齊檔時就更加唔使行啦


10. 小西灣「本灣市場」的豬肉價格是3字頭的


11. 街市通道


12. 商會副主席的檔口 (應該係, 除非唔係)


13. 商會副主席的檔口 (肯定係)


14. 廁所外


15. 廁所外


16. 街市天井位


17. 街市內


18. 商會主席開始召集他的追隨者去請願


19. 準備出發去政府總部


20. 主席也動身了


21. 等緊上旅遊巴


22. 一共book咗2架車, 但據O2目測係坐唔滿的 (按 : 後來電視新聞話約30人出席)


23. 重組車牌號碼, 係咪有D隱喻呢? 佢地想 "媽" 邊個呢? MA 7689!?


24. 送完主席之後, O2再在街市兜圈


25. 街市入口, 向敬發樓


26. 街市入口, 向青雅苑


27. 街市入口, 向亮發樓


28. 街市內


29. 有人開檔


30. 有人開半邊閘做生意 (O2懷疑有人唔想得罪某人, 所以低調地做生意, 我估)


31. 咁啱經過某一檔時, 有人想推個貨架出嚟做生意, O2聽到佢驚驚青青地同個拍檔講「推住一個先啦, 唔怕啩」, 其實都幾慘, 感覺上佢地係驚畀人指責唔夠齊心 (註 : 為保護該檔戶的私隱, 此照片與該檔口無關)


32. Last一張


33. 被「商會主席」劃清界線的「商會副主席」, 人稱「叔公」的林永章先生, 曾於星島地區報見報。其實林記在長發有好幾個檔口, 講明先, O2並非針對林生 (反而認為佢係「不主張罷市」的一群), 只不過係想帶出一點, 千祈唔好好似嗰位甚麼「監察公營街市發展聯盟」的「天真姐」咁, 現實係「一主多檔」根本係閒過立秋囉。


 ***


 

 <巡視日程表>
 

22 則留言:

  1. 謝O2深入虎穴,長發應慢慢掉淡,然後傾傾解决,因歷史往績,商會每次同領展都攞到好處,所以領展外判長發,用真正街市人同檔主傾更有效率。

    回覆刪除
  2. #1 右方 SHOP 130 商戶閘門上貼上了「領展無良 慘慘慘」標語

    回覆刪除
  3. 逾四成街市交六大承包商 領展外判街市 多魚檔肉檔無牌
    http://news.mingpao.com/pns/dailynews/web_tc/article/20160223/s00001/1456163447205

    回覆刪除
    回覆
    1. 謝Kenneth,也多謝明報幫手監察,O2未有時間詳細睇,不過Link仔哥好快手,已出文,歡迎留言討論

      刪除
  4. 有領展, 無窮人囉
    http://www.tvmost.com.hk/201602191815_video_mostnews_cheungfatlakais

    回覆刪除
    回覆
    1. 所以話,領展信錯左建華,結果搞到遺臭萬年,長發罷市我是理解的。以下是小弟的論據:

      1) 建華入場後通常會大幅加租,扼殺了經濟能力及條件有限的小商戶的生存空間。(個人覺得租金及人情味是可以兼顧的,不必要處於對立面)

      2) 巧立名目,意在盤滿砵滿: 例如八達通機要抽佣、交易金額不達標要扣手續費、若未經建華批准請假就要罰錢等等。(當原本租金巳經加了一至兩倍時,這些名目只會令街市檔販的經濟及心理負擔增加)

      3) 任意妄為: 先是以自己公司旗下肉檔及菜檔壟斷街市大部分生意,然後請一班「管理員」(兼干擾居民) 驅趕良景市集外面的小販,但用的是「以黑制黑」,並非合法方式。

      個人希望領展若有來日,不要好了傷疤忘了痛。

      Sources:
      http://hk.apple.nextmedia.com/realtime/news/20160213/54756155

      https://www.facebook.com/100most/photos/a.292832474177740.66479.273813022746352/836289156498733/?type=3&theater

      利申: 唔係反對領展

      刪除
    2. 又唔使特登declare「唔係反對領展」嘅,你睇咗敝Blog咁耐,都知道O2係唔鍾意搞對立架啦!

      無可否認,良景單野係對領展有負面影響,但話分兩頭,建華又的確係幫領展啃咗兩大嚿豬頭骨喎,作為823小股東的O2其實應該要多謝建華。

      先講良景嗰單,其實受影響的當區居民已被小販問題困擾了多年,小販阻路及衛生問題唔在講,以石油氣/明火煮食帶來的消防隱患此其二,最大劑係引來了第三勢力在邨內盤踞,勒索小販,2013年就有小販因為拒交保護費而被斬斷手筋,個小販係手無寸鐵喎,咁你估當區居民驚唔驚先。該區的區議員、業主立案法團,聯同房署及警方出動多次,多年來搞到頭都大,也無法解決這個歷史遺留下來的問題。或者你會覺得「以黑制黑」係唔啱,好唔光采,唔應該黐埋去,但你有冇諗過,其實你買一串魚蛋,背後係供養緊一股黑勢力呢?你搭幾蚊紅VAN,司機個個月要交入線費呢?即是你間接幫佢地座大,其實黑勢力係與你的生活息息相關的。講遠少少,某周刊的江湖故事,都係向嗰D人攞料,但大家又睇得津津有味喎;仲有就係,警方向線人收風破案,唔通向你同我收咩,咪又係向D古惑仔收風。

      至於長發嗰單,其實唔係每個檔戶想罷市的,只係受制於「強勢領導」之下,唔敢唔跟而已。有人以「居民」及「小商販」作籌碼,每隔3年就嚟一劑,食過翻尋味,領展仲要在2019、2022、2025、2028、2031、2034.....長此以往咁畀人要脅落去嗎,如果領展咁都忍落去,O2一定會在股東大會提出質詢,甚至乎動議炒咗情願畀人要脅,主張「忍落去」嗰條友囉。

      刪除
    3. 多謝O2總結,大家千其唔好以為良景小販係白兔仔,良景小販背後根本也不是好人,警察當然不會幫手,好多時两方黑幫開片,正常情况警察都係等佢地打完先清理後事,因為警察係唔可以幫任何一方,如果幫小販即是幫屯門坨地xxx,但幫外援xx,又係於理不合,點解大眾唔明。

      刪除
    4. 關於八達通機要抽佣、交易金額不達標要扣手續費 : 根本同建華無關, 八達通手續費月費安排完全是港鐵子公司八達通安排

      刪除
    5. 同街邊魚蛋, 紅van 唔同, 領匯街市係集團式營運, 有收租, 管理費, 唔可以認同「以黑制黑」

      刪除
    6. 所以而家要正式向法庭申請禁制令,良景小販見冇管理員,最近又開始係三不管地方擺檔,好似以前九龍城寨,彩你都儍,坨地至大

      刪除
    7. Keith, 是O2語焉不詳,以無牌小販/紅van作例,其實係想指出坊間有人以浪漫的眼光/心態看無牌小販,卻沒料到自己已間接與黑道扯上了關係,每次的光顧就等如以金錢向黑勢力投下一票。O2絕對支持奉公守法,贊成向法庭申請禁制令,禁止無牌小販在邨內擺賣。

      刪除
    8. 市民光顧小販只是市民解決對食物的慾望, 並不是因為支持黑道。 做小販的人亦只是為謀生, 亦不等於支持黑道, 兩者都是受害者。
      雖然市民的消費最後可能去到黑道手上, 但不代表市民就是支持黑道。
      話"光顧無牌小販已間接與黑道扯上了關係" 實在實在太誇張
      打個比喻, 我們是香港人, 喜愛香港, 亦有工作, 有交稅, 但唔代表支持行政長官
      有一點值得深思, 點解市民會光顧小販, 近來可能牽涉政治, 但一定有其他原因。
      我唔係話小販無問題, 小販有一定衛生, 安全問題, 但其實, 商家值得思考, 而家飲食界有咩未能滿足當中一群人。

      刪除
    9. 政府的小販政策取向亦是問題所在

      刪除
    10. 咁係因為咪搭紅van都助長緊黑社會收入而唔搭紅van?
      每次搭小巴都係以金錢向黑勢力投下一票?

      咁多人支持小販,一定係有箇中原因

      刪除
    11. O2表達能力差,依家嘗試再講清楚D,O2並冇叫人不搭紅van/不幫襯小販之意,純粹只想講出背後係有一股黑勢力啫,就係咁多,如以上言論為各位帶來誤會,O2非常抱歉

      刪除
    12. 哈哈, 你叫人唔好搭紅van, 我都驚你個page 會俾人淋紅油...
      拿, 我就唔建議人地搭紅van, 哈哈哈哈

      刪除
    13. 重申:O2從來沒有叫人搭,亦沒有叫人唔搭,謝謝

      刪除
    14. O2: 我講笑而已, 唔好認真, 紅van 問題, 同本版無關的

      刪除
  5. 作者已經移除這則留言。

    回覆刪除