總瀏覽量

2015年11月10日 星期二

[領展十年] 渣斗BANKER發爛渣

原來領展的舖位咁搶手架!!!

不枉823手足們忍辱負重了足足十年, 為領展省靚個招牌。

 
2015-09-15蘋果 : 銀行界傳出對領展不滿的聲音, 有人話租唔到領展商場喎, 懶可憐咁。根據李華華的hints, O2覺得那家發爛渣的大銀行實在太「渣斗」了


 
以前的銀行界, 門口又高狗又大, 專注做存貸業務, 已是一項穩賺不賠的生意, 單係賺取息差已經夠晒和味。在屋邨開分行主力做吸存, 幾乎每條屋邨都有銀行分行, 名副其實係「銀行多過米鋪」。
 
轉捩點在「取消存款利息協議」之後, 息差收窄, 存貸業務由雞髀變成雞肋。銀行賺唔到Interest Income, 就轉向Fee Income打主意, 率先向小存戶開刀, 戶口結餘太少要收手續費、唱散銀又要收、用櫃位服務都話要收, 總之要迫到你Close Account或者轉用「自助銀行服務」為止。
 
銀行整合分行網絡, 不斷關閉低檔次的屋邨分行, 轉攻中高端理財客戶, 那些甚麼「優越、卓越、晉星、Treasures」的理財戶口, 要求高高, 根本就唔將紅簿仔存戶放在眼內。
 
出得嚟行, 預咗要還, 一場雷曼風暴吹開了銀行遮醜的面紗, 所謂的「理財產品」原來是糖衣毒藥。
 
近年銀行因違規銷售, 而被判罰款賠償已時有所聞, 叱咤一時的銀行業風光不再了, 依家想在豆泥屋邨商場租個舖位都話租唔到, 折墮咯!
 
說遠了, 回正題, 據O2所知, 房署手上的屋邨商場仍然有預留舖位畀銀行的, 那家渣斗銀行那會有租唔到公屋商場的道理? 唔通領展D舖零舍香D咩!?
 
講開, O2想借此機會多謝各位823手足 (特別係前線的手足), 十年來忍辱負重、排除萬難、緊守崗位, 為街坊、為公司、為我們這班823小股東的荷包盡心盡力, O2實在感激不盡, 多謝!! 多謝!!!
 
作為納稅人, O2亦希望房署商場的銀行舖位有人吼, 現綜合O2手上的資料, 緊急呼籲各Banker盡快向房署入標, 早日為屋邨街坊提供全方位的銀行服務。
 
海麗商場112號舖
葵涌商場111號舖
水泉澳廣場G03號舖
安達商場G08號舖
晴朗商場A022號舖 (現租客: 759阿信屋)*
兆康苑商場226號舖 (現租客: 萬寧)*
 
* 因為冇銀行肯承租, 於是房署租予上述連鎖店, 如Banker們有心服務街坊的話, 請向房署查詢此舖可否轉番做銀行。
 
上述資料乃O2土炮地收集而來, 一概以房署公告為準。
 
 
2015-11-09《星島》
 
 
***
 
 
 

28 則留言:

  1. 房署場有位又點,冇人行,平平都冇用,領展埸人氣旺,有得揀一定係領展

    回覆刪除
    回覆
    1. 旺場嘅賣晒畀領展啦,新嘅場冇乜邊個真係好旺

      刪除
    2. 房署賣仔時,果D場唔算旺,係領展搞番生
      新嘅場冇乜邊個真係好旺,係房署暴殄天物

      刪除
  2. 黃大仙中心 北館:
    - Krush 即將開幕
    - 海馬 即將開幕
    - 上海商業銀行 現已開幕
    - 一品螞蟻 現已開幕
    - 翠華 現已開幕

    黃大仙中心 南館:
    - Maxcare 租約期滿 即將遷出

    回覆刪除
  3. 晴朗果間舖,有心租嘅租前DSC舖位都得啦
    至於虛擬銀行,yoho mall果間東亞好似玩緊呢樣嘢,兩個櫃位前面好似有個芒,不過對於唔少人嚟講,銀行除咗存錢、買股票、兌換外匯,租保險箱都係其中一個主要用途,呢樣就唔係虛擬銀行可以做到啦(可能迷你倉可以做到部分功能,但在下唔知法理上(尤其處理遺產時)迷你倉可唔可以取代到保險箱功能

    回覆刪除
    回覆
    1. 銀行擇肥而噬,對保險箱呢D蝕本生意,已經冇咩興趣

      刪除
  4. 有結果了
    http://www.hkexnews.hk/listedco/listconews/SEHK/2015/1111/LTN20151111150_C.pdf

    回覆刪除
  5. 每基金單位中期分派為98.99 港仙(截至2014 年9 月30 日止六個月:89.56 港仙)。每基金單位
    中期分派按年增長10.5%。

    回覆刪除
  6. 今次超多AEI
    歐美匯表現非常好

    回覆刪除
    回覆
    1. 整體表現十分滿意。 一如以往唯是"教育╱福利及配套設施"表現不如其他資產類型。希望龍哥睇下可唔可以真係用"商業模式"想下辦法。

      刪除
  7. 《經濟通通訊社11日專訊》領展(00823)執行董事兼行政總裁王國龍於中期業績記
    者會表示,香港零售市道中官方數據有下滑跡象,但領展不非走高檔路線,而是銷售生活必需品
    ,雖然留意到有租戶的營業額增長放緩,但香港就業情況維持良好水平,零售疲弱對領展商場影
    響輕微。
      他續指,集團並沒有減租壓力,租金下調個案純粹為個別商舖,商戶大多簽三年期租約,商
    戶續租加上新租戶都反映領展受商戶支持。
      被問到街市和熟食檔的租金增長只有約1%,王氏回應指,有很多因素影響,旗下街市有些
    由領展營運轉為外判,因此營業額有所影響,但承包商代為營運可減低集團成本,因此淨收入有
    所提升,未來仍然會繼續調整街市營運模式。
      至於優化天水圍街市計劃,王氏強調,有適當諮詢市民,在開始工程前有做過調查。而食物
    及衛生局局長高永文亦表示改裝天盛街市符合條例,因此,王氏認為可以實踐集團連繫「好生活
    」的目標,令市民有更多選擇,完成工程後街市面積變得更大。(cr)

    回覆刪除
  8. 《經濟通通訊社11日專訊》領展(00823)執行董事兼行政總裁王國龍於中期業績記者會表示,近月集團不斷有回購股份,但並非由借貸以進行回購,他預料未來或會以出售物業所得的現金繼續進行股份回購。
      王氏又提到,內地新增了一項折舊,是由於內地與香港的會計方法不同,本港投資物業每年都會重估一次,但不影響派息;而內地需要按地契年份攤分折舊,因此帳面盈利較低,但不會影響現金流,所以派息政策會補回折舊項目的調整。
      對於主席蘇兆明即將離任,他表示,絕對不會重回已往的公司,例如香港置地。至於繼任人選,他表示,集團在這幾個月來不斷尋找適合的人選。
      蘇氏又提到,領展上市10年以來,外在環境經歷很多轉變,例如政治因素和經歷「金融海嘯」等,但領展收入仍然穩定上升,反映集團能夠快速回應轉變,以及抵擋風浪。(cr)

    回覆刪除
  9. "...渣打銀行(香港)將於周四推出全港首間流動分行。" XD
    http://news.sina.com.hk/news/20151123/-19-4409985/1.html?cf=news-contentLatest

    回覆刪除
    回覆
    1. 咁咪幾好,唔使再受業主(包括領展)氣了 XDD

      刪除