總瀏覽量

2014年3月6日 星期四

O2眼中的天水圍

也不知甚麼時候開始, 「悲情城市」這個超級負能量的名詞與天水圍掛了鈎。

未持有823之前, O2只踏足過天水圍一次, 是N年前的事了, 印象已有點模糊, 只記得是由銅鑼灣摩頓台上車, 一路遊車河去到天水圍, 並曾經在天耀商場的外圍蹓躂。

若果要再追溯到O2與天水圍的淵源, 可能要數番19XX年到中環和記大廈排隊交票, 抽嘉湖山莊的時候了, so crazy.....事關O2當時對天水圍全無概念, 之不過那時的樓市氣氛令到發錢寒的草根, 即O2是也, 會挖盡棺材本來抽籤!!!

事隔多年, 再到天水圍時, 身份已經唔同晒咯, 騎騎騎, O2已經貴為全亞洲首屈一指的房地產信託基金的單位持有人了。

自2012-05-11起, 去過天水圍5次, 玩「巡視業務」時會留意居民的衣著談吐, 言行舉止, 亦觀察一下佢地的面部表情, 睇下係咪傳說中咁悲情。與此同時, O2亦有特別留意同區的租務市場及成交個案的報導, 因關乎自己的荷包也。

據O2的個人觀察, 從表面看是找不到悲情的 (可能那些悲情人物是宅在家中吧, 這點真不得而知, 留待專業社工去發掘好了)。

近日與一位已退役的銀行經理 (非天水圍人) 閒聊, 話題扯到天水圍, O2發覺他對天水圍是帶著有色眼鏡的, 應該是從媒體得來的印象吧 (佢覺得被調職去天水圍分行猶如被放逐, 好冇面喎!) O2只好有氣沒氣地向他解釋, 叫佢唔好睇少天水圍, 並向他舉出兩個近期的真實個案:
1) 某創業者做網購生意, 當她分享創業經驗時, 佢話估唔到大部分生意是來自天水圍區
2) 老牌百貨先施公司也有類似的經驗, 話天水圍的生意好到「嚇死佢」

天水圍畀領匯壟斷晒喎? 這個話題經常被有心人借題發揮。試想想, 這是領匯的錯嗎? 那些公屋商場是由房署一手一腳規劃及興建, 嗰時領匯都未出世。到房署要分拆商業資產套現, 邊個場要賣, 邊個場唔賣, 都係由房署決定的, 因為領匯仍然未出世。點解房署唔賣天恩呢? 點解房署唔留起頌富呢? 究竟係用咩準則去決定? 天曉得了。只知道主動權全在房署手裡, 領匯是冇say的, 領匯只係被動地哽晒房署自己唔要的商場。

說到領匯租貴? 請比較一下同區的零售物業租值後再說吧! (寫到呢度, 漸漸變了千字長文, O2又有點暈佗佗了, 就此打住。)


***


 

18 則留言:

  1. O2你越來越勁(長氣)啦,唔計附號都有892字,夠字數,可以交比老師啦。
    天水圍係我地個金庫,頌富只係排樂富後面,唔野小,不如搵位長租比先施互利

    回覆刪除
    回覆
    1. 先施已經話咗"無意在該區開舖",事實係短租好搵過長短架 $$$

      刪除
  2. 原來先施有系领匯开特賣,我要留意下。每天租金收入吾錯。LINK 仔你真系数每个字,真細心!

    回覆刪除
    回覆
    1. 佢呢D叫細心咩?佢傻傻地架,哈哈哈!

      刪除
    2. 你話成千字,咁我用MS Word數下,仲爭100字 :)
      我係傻架,因為有小小傻(童真)先會成功呀
      例子有Steve Jobs都對住班史丹佛仔話 : Stay Hungry. Stay Foolish. And I have always wished that for myself. And now, as you graduate to begin anew, I wish that for you.

      刪除
    3. 得喇,得喇,知你成功喇!
      O2一早知你係有股傻勁,又講得笑,我係話畀忠实粉丝知啫。

      刪除
    4. 支持LINK仔哥繼續數O2字數! XD

      刪除
    5. Link仔哥與O2交情深厚,唔怕你挑撥離間架 XD

      刪除
  3. 各位領匯fans, 置富產業與領匯在天水圍正在惡鬥中, 先施在銀座二期Lower G/F每二個月開一次散貨場, 佔地二萬呎以上, 而在領匯天澤則佔地最多二千呎, 一年最多開二次, 在頌富最多開過一次, 佔地同天澤一樣, 因為置富產業近期十分進取, 食肆越開越多, 頌富商場正在捱打中, 先施就算來天水圍開鋪, 置富產業中獎的機會最大.

    回覆刪除
    回覆
    1. 多謝匯報!
      生意係做唔晒嘅,領匯又唔係要壟斷市場,咪一齊做大個餅囉!多D競爭,著數的一定是消費者。
      又話說回來,既然置富開始發力,領匯要keep住有危機感,迎接挑戰了。

      刪除
    2. 今日小弟見到先施系大埔運頭塘中庭开展銷,去到20号。未見過!第一,首次用盡整條長廊,以往只有约150呎面積的小型埸。第二,無想過先施会去的甘細既領匯埸。生意角度,双方都是突破,好事!O2兄,你朱龍入水呀,恭喜!

      刪除
    3. 恭喜!恭喜!大家都有份豬籠入水啦!

      其實這是3贏的局面,你數少咗1瓣...
      1.正如你所講,領匯有租收,我地有錢分 win
      2.先施移船就磡,可以做多D生意 win win
      3.最後,亦都係最重要的,就係街坊多了購物選擇,可以留區消費,慳番D搭車錢/時間,唔使舟車勞頓 win win win

      刪除
    4. 有無比較過 置富產業信託 vs 0823 ? 好似置富都幾好息喎!

      刪除
    5. 買齊2隻,咁就可以做香港大地主了 :D

      刪除
  4. 呢的系咪叫: 大智若愚 ~_~
    兩位都系大師级!

    回覆刪除
    回覆
    1. 唔好以為我同Link仔哥不和,我地慣咗咁溝通,都係搞下氣氛啫

      刪除
  5. 領匯去年宣布耗資6億元進行停車場翻新計劃,吸引不少租客繼續使用。停車場及物業支援總經理許志杰表示,受使用率增加推動,今年1月停車場收入同比增長17.2%,其中月租車位收入同比增長13%,時租車位收入同比增長31%。

    回覆刪除