總瀏覽量

2012年5月26日 星期六

巡視業務.領匯.彩園廣場 @2012-05-26

(from Yahoo Blog)
2012年5月26日 

由柴灣港鐵站起程, 搭咗23個站去上水港鐵站 (車資$18.9)。上水站附近超多商場, 包括上水廣場、上水中心、上水名都、新都廣場, 當然仲有我今日嘅目的地「彩園廣場」啦!


彩園廣場 (地址:上水彩園路8號), 面積233,700呎, 1982年落成, 資產提升工程於2011年完成

 
到咗上水, 先去上水廣場, 新發街, 新財街, 巡撫街一帶兜咗一圈, 瞄一瞄, 再掉頭返去港鐵站A1出口, 跟住路牌指示去彩園廣場

天橋末端就係彩園廣場入口, 呢個位超多人出入, 好有潛質做小販黑點, 為咗解決小販問題, 依家間開咗兩邊, 唔知成效如何?

入到商場, 一車車手推車掃貨的場面, 隨處可見 (找換店.R17A號舖外)

商場通道 (Arnold Palmer.R4號舖外)

商場連接附近幾座公屋, 醫務所集中在彩屏樓

彩玉樓以志願機構為主

奧莎中華包點 (彩華樓 307-308號舖)

彩珠樓對出的平台花園, 經過領匯悉心打造後, 個人最欣賞那弧形的線條, 連貫著商場主座與鄰近公屋住宅, 將周圍正正方方的公屋設計柔化了

天文台有雷暴警告, 雨愈落愈大, 公園的遊人都散去了

有位髮廊哥哥仔望著雨景, 倚著欄河, 忽然歌興大發, 唱起一首與他年齡不符的老歌, 唱著:「滂沱大雨中, 像千針穿我心......」

冇佢咁好雅興, 我經呢條有蓋通道, 入番商場繼續巡視

4樓全層係麗都讌客 (R401-402號舖)

店舖集中喺地下, 3樓, 4樓。我依家喺3樓扶手電梯位

超鍾意呢個位。商場中庭設計係我今日嚟彩園廣場巡視的驚喜位, 一個彎彎的設計, 遠看像一個大鼓。 那弧形的線條正好與平台花園的設計互相呼應

即刻搭扶手梯落樓下, 影多張, 可惜....手震, Sorry!

影完又上番3樓巡舖, 蘇寧鐳射 (R42-43號舖)

蘇寧對面的奧莎麵包 (R38-R41 & R45號舖), 記得彩華樓有間奧莎中華包點嘛!

御品味直銷批發中心 (19號舖), 同場另外仲有兩間零食專門店, 新台陽 (G4號舖) & 優之良品 (R34號舖), 竟然冇阿信屋!

(右) 三興麵飽餅店 (G01號舖), 係大集團 (左) 美心西餅 (G03A號舖) 以外的選擇

相對於隔離那個烏燈黑火的巴士總站, 顯得呢個商場入口零舍突出, 好eye-catching。右邊係乾貨市場, 裡面只有十個八個檔口, 睇嚟係舊街市留下來的舖頭

要搵舊式鋪頭, 也可以到彩珠樓地下, 對正巴士總站。



領匯官方網頁對彩園廣場資產提升工程(AEI)的描述:

彩園廣場的資產提升項目已於2011年9月間完成。此優化工程為彩園廣場的顧客和居民打造一個舒適且悠閒的購物及休憩環境,其中更包括一個全新的戶外花園平台,融合了繁茂綠化園境,木製枱階和新的公用座椅,沐浴於陽光和清新的空氣中。商場內部以及全新的中庭部份亦使用相同的概念, 工程大量採用自然色調建材,例如米色地磚、洗水花崗石牆和仿木天花,營造出既簡約又和大自然協調的超逸風格。接駁港鐵上水站的行人天橋亦採用相近的設計,以逹致連貫和諧的效果。


***


22 則留言:

  1. 蘇寧已退出, 屈臣氏代入營運中, 屈臣氏舊址可能會出現數個米飯班主, O2兄今次你發達啦! 商場外之平台鋪以前無人吼, 現在亦靜雞雞有新血加入, 一堆堆之自由行同胞聚集, 進行商業活動十分熱鬧, 總之黃大仙中心及此商場最有生氣, 是領匯其中兩個會生金蛋之寶貝.

    回覆刪除
    回覆
    1. 將大舖間細,為顧客增加購物選擇,好事。對823粉絲來就,細細粒容易食,好好事。

      刪除
  2. 屈臣氏旧鋪吉位其中R19由脑博仕在装修中,3月17日完成。未知系咪佔用全部吉鋪連R20同R21,外面看不到。呢个系黄金巨鋪,行人一定会行經過。

    回覆刪除
  3. 吾驶客氣。未知WISHH个彩园新鋪系边?我会留意再報告。02好耐無去呢度,有空去睇下,付近有不少LINK 的物业呵。

    回覆刪除
    回覆
    1. http://www.wishh.com.hk/html/shop_list.htm

      7間新店,3間屬於823 ,長和系和恒基系商場各2間

      刪除
    2. 謝謝2位幫忙,O2都好想再去彩園,不過原來做大業主一點也不輕鬆,我唔想開空頭支票,盡量安排吧!

      刪除
  4. WISHH 已在R19开业。R18在招租中,R20-21还不知去向,未見招租告示。本來R19装修告示系寫VIDEOCOM, 但后來是賣化妆品的WISHH.

    回覆刪除
  5. R22A 由Dr Kong 健康鞋 租左,R20+R21由一间叫LEGEND WINWAY 租左,都系装修中。後者吾知賣乜,藥房?而家只剩下R18等待貴客。外面还有个吉鋪以前系地產代理摺左一排。整体是不錯的。

    回覆刪除
    回覆
    1. 謝謝,我都想知LEGEND WINWAY係賣咩?

      刪除
  6. 最快到4月20号左近就知啦,到時再報料。

    回覆刪除
    回覆
    1. 開估了,R20-21係叫isai,已開張,賣時裝的,與Maple同系

      刪除
  7. 吾該哂,你消息好凌通。住柴湾重比大埔友快知道。希望再系823埸开枝散葉。

    回覆刪除
    回覆
    1. 見笑了,O2邊有咁神通廣大,只不過係去天平商場巡視業務時,順便在彩園兜咗個圈罷了。

      天平商場遊記剛整理好,有得睇喇
      http://o2and00823.blogspot.hk/2014/04/2014-04-18.html

      刪除
  8. 呢个星期,你好勤力,辛苦你啦!下次我会留意見有人影相,我会問对方系咪由柴湾来的大師!

    回覆刪除
    回覆
    1. 為了保持真身的神秘感,O2一定會話:「你認錯人」。

      所以呢,當某某人答你:「你認錯人」時,嗰位便是O2了 :D

      刪除
  9. 美心西餅已经俾《开心厨房》取代。似為賣食物,原来系賣入廚用具同洗衣服用品。最近又开左系天耀和好快会开到HANDS. 似乎好進取,鋪面積不大。

    回覆刪除
    回覆
    1. 唔該晒!有時D舖頭名都幾難估,試過有間叫「綠色生活」的,O2一心以為係賣健康食品/有機產品啦,點知原來係電器舖

      刪除
  10. 759 Toysland 臨時売り場 (快將開幕)
    地址:上水彩園廣場3樓R9號舖

    回覆刪除
  11. 以前是日式餐厅,連埋大快活走了,由其他零售接手,食肆少左2間。

    回覆刪除