總瀏覽量

2015年1月14日 星期三

連鎖快餐店的社會功能

曾在此地盤declare過O2對連鎖快餐店並不抗拒。
 
有人對小店情有獨鍾, 對連鎖店則嗤之以鼻, 踩到一文不值, 將「人情味」3個字煲大幾千倍, 並將此情懷化作文字/圖象, 充斥於社交平台/網上食評/主流媒體中。
 
講到尾, 其實O2最喜歡百花齊放, 理得佢係街坊小店還是倒模式的連鎖店, 總之係啱畢直、啱胃口, 就一時幫襯呢間, 一時又試下第間, 不分彼此, 各適其適。

況且, O2認為連鎖店的存在, 更能突顯出小店的自家本色, 令市場更多元, 咁又何必搞到樣樣野都要勢不兩立呢?!
 
 
快餐店內有人打躉吹水, 亦有人只係片刻短聚, 位位都係零幫襯, 大家藉此空間交流情報, 建立鄰里友誼, 這是那些識上網、識打字的「有識之士」未必領略到的「快餐店之社會功能」
 

7 則留言:

  1. 有一樣東西係小店絕不提供人情味的,就係做功課,溫習同瞓覺,有一次我早起身出外工作,完成工作後,我在附近的KFC吃了一份小食後,係個清靜角落,义左半個鐘電,期間完全冇工作人員打擾,但如果在充滿人情味的小店可以嗎?

    回覆刪除
    回覆
    1. O2唔係要爭拗邊樣好,其實每位老闆都想自己的生意愈做愈好,有本事+機會的話,都想開分店,舉例說,土炮的添好運、凱施、佳寶、太興、翠華...,都係由細做大,番鬼佬的麥當勞都唔係嘭一聲就變出100間分店啦!

      你估「倒模式」、「單一化」咁易做呀?!諗唔掂「品質控制」的話,都咪鬼學人開分店添呀!

      扯遠了,總之一句啦,O2還是喜歡百花齊放,溫情小店又好,冷冰冰的連鎖店又好,各自有自己的客路!

      刪除
  2. 我認为商场內快餐店有特别功能,会俾人一个聚会点,增加商场人氣。

    回覆刪除
    回覆
    1. 除咗匯聚人氣之外,連鎖快餐店仲有牙籤呀、獨立包裝的調味醬料任攞唔嬲,年中都幫O2慳番唔少架 :D

      刪除
  3. 問題係領匯唔想小商戶生存啊....
    人地裝修唔靚但做到生意都要趕絕人.要人裝修得靚

    你話領匯咁做係幫商戶, 點解即使有錢賺, 裝修唔靚都要格硬要人裝修?

    回覆刪除
    回覆
    1. 好開心再次見到你,冇咗你好悶呀!

      你錯了,O2可以大膽地代表領匯說句:領匯都好想小商戶生存到啊!

      以O2愚見,「有生意」與「好生意」是兩碼子的事,領匯不停鞭策,就係想將「有生意」的層次提升至「好生意」,而好生意的商戶必定比有生意的商戶有更好盈利,咁都係想佢地好啫。

      再講,想在823場內繼續搵食,幾時都要處於「精益求精」的作戰狀態,預咗要畀O2這類發錢寒的卑鄙小人大大力鞭策。

      但人各有志,總會有人甘於平淡,只求hea做過日辰、搵兩餐就算。得!去房署場吧,房署唔會迫人裝修,可以一勞永逸。

      最後,O2誠意送條link畀唔甘心畀領匯作賤的店東:https://www.housingauthority.gov.hk/tc/commercial-properties/tender-notices-and-awards/index.html

      房署有大把吉舖等人租,每逢星期五就出一次招標通告。甘於平淡的店東啊,要走就快D,唔好漏漏氣氣喇,GOGOGO!

      刪除
    2. Chi Ho,我都要送「份」link俾你,等你感受下那些年人情味的感覺:
      http://www.asiasign.com.hk/chi/project05.html
      http://www.socam.com/html/chi/business/project_details.asp?id=2
      假如有時光機比你返去以前就好!
      (以上圖片都係房署年代拍攝)

      刪除