1.
2.
3.
4.
5.
6.
7.
8.
9.
10.
11.
12.
13.
14.
15.
16.
~~~
有意入場的檔戶要留意01周報送給你們的錦囊：「根據商戶守則，本司有權在合理情況下要求商戶調整商品價錢，如商戶無理拒絕，本司有權向商戶發出口頭警告或警告信。」
圖片來源：2016-03-17｜01周報｜密件揭領展承包商建華 涉強制街市檔主調整價格 (原文)
2016-07-23｜香港01｜【告別長發】退守舊屋邨 殺入街舖 罷市小商戶各奔前程 (原文)
見到長發有好多公用地方比檔主罷住，所以大翻新洗牌好緊要，固有利益者唔可以賴死唔走罷住公家地方
回覆刪除善用空間從來都係生活智慧！
刪除人哋都識 think out of the box. 點解要俾框框限制住？
人係識靈活嘅！
@Chi Ho Fung
刪除雖然唔係經常完全認同領匯, 但侵佔公共空間唔單是利益問題, 更是環境衛生, 消防安全問題
好想知佢係咪會將屋企雜物放響門外
刪除將屋企同舖頭比? 舖頭門外物有人看管，屋企係無
刪除我覺得擺得唔太過份就可以啦.. 因為真係有咁多貨賣，而空間不足... 我諗檔主有得揀，都唔想將貨搬嚟搬去... 如果放得一吋半吋，唔影響居民出入,點解唔得? 超市夠成日將貨品擺出走廊..
超市俾，點解街市唔俾?
另外，而家新街市唔俾懸掛貨物... 呢個又一個唔合理既限制啦.. 租又俾咁貴，但唔俾人善用空間喎
刪除講真, 好多時如果唔管, 你間舖幾大, 商戶都會放野出去, 甚至入面有幾多位, 都唔會用, 都要放出公家地方
至於"唔過份", 大家都定義唔到幾多先叫"過份", 最後, 有人放出一點, 另一檔又再出一點
其實最好都係大家跟著一個rule 做, 就最公平
"超市夠成日將貨品擺出走廊", 從來都唔準
大商場管理處從來唔會批准, 甚至消防處都經常巡查執法
你試下響街市臨收工前入去兜個圈，睇下有幾多檔口收工後照樣放嘢出嚟，乜呢Ｄ又係有人看管？
刪除超市放嘢出嚟係因為冇人嚴格執行，你去Ｄ良好管理嘅商場就唔會見到
唔畀懸掛係唔想阻擋消防花灑頭，同埋唔想有意外整親人
其實懸掛先可以用盡空間.... 而家建華連照雞蛋既紅燈罩都唔俾掛喎... 你叫人點照雞蛋?
刪除唔通有驚燈罩跌落嚟整親人?
keith loo, 如果真係阻到人去到唔合理程度, 街坊都會同檔主講返... 小社區就係靠互相遷就而形成, 唔一定要有咁多rule既
我只可以講, 你完全無安全意識, 同埋, 我真係未聽過, 有市民會出聲, 管理處都理唔到, 普通人理到?
刪除照蛋? 今時今日仲有幾多人識睇? 超市早就一盒盒, 大把人買啦
如果只用舊果套, 以前XXX, 而家都可以, 呢個世界就唔會有進步
原來而家人類可以進化到唔使睇蛋?
刪除咁點解唔俾裝紅燈罩? 真係驚燈罩跌落嚟? 識睇咪俾佢睇囉...而家無晒燈罩, 識睇都唔俾人睇喎
咩叫進步? 扼殺小商戶就係進步? 而前啲人要呼吸, 你而家一樣都要呼吸! 有好多嘢無因為時代進步而被取代...只不過有人從中作梗
走廊放雜物安全，我無說話好說
刪除去街市買蛋，你問後生一代，有幾多人識睇？而家好多人都已經去超市買，有幾多可以任你選？
我都明白有人對美感無要求，但都要實事求事
小商戶俾業主取代，定俾消費者取代，你自己想清楚，但事實小商戶係整個supply Chaim 都已經輸，成本唔夠平，唔止係租務層面。我係市民好多時都選擇大集團，最起碼心目中知道，水平去到咩層面。
投降了
你見我都唔係句句支持領匯，佢做生意手法我唔係絕對認同，老實我唔係完全認同，版主比較多報喜不報憂的方法，但做人要持平，領匯亦有佢帶動進步的地方，唔可以單睇一面
刪除O2比較多報喜不報憂，這點完全同意，個人覺得現時已處處充斥著負能量，令人喘不過氣，多我一個唔多，所以O2不打算再添愁添亂，只抱著玩耍的心態寫Blog。
刪除亦正如之前講過，敝Blog不是主流媒體，O2只是無邊無際的網路上的一粒小小灰塵，再講，敝Blog亦開宗明義，雞乸咁大隻字交代清楚「此網誌內容存有偏頗信息」，從沒有扮中肯。
正所謂道不同不相為謀，啱傾就傾，唔啱傾咪算囉，不過既然公開得這個平台，O2不會拒絕任何相反意見，會任人講，更加阻不了有人喜歡磨爛蓆，死纏爛打囉。
實不相瞞，O2本身是寡言之人，不愛與人爭拗，為了這個草根Blog所惹來的是是非非，已死了很多細胞 ^^'
刪除網誌內容一定要偏頗才好看^^
刪除你就好睇得過，弊在O2畀人煩到嘔呢 ^^'
刪除通常你睇劇集都鐘意有火花架^^
刪除原來你當係睇劇集，咁O2無言了 =.='
刪除有謂寓工作於娛樂，現寓投資於娛樂，在沉悶中找樂趣
刪除長發商場入面百佳，華潤超市都冇放野出黎，街市入面大昌都冇放。
回覆刪除係D檔口先放野出黎，有時行過都迫到死，依家叫好D。
D野又唔係特別平，$14一杯奶茶，出面普通餐廳都係$16，但你D租平人咁多。
有D兩,三個舖都係同一個檔主，其中有個長X商會XX席係出面美食亭重有幾個檔口。
天耀百佳, D 嘢放到出商場平台呀
刪除有D重利用門口附近,側邊空位或對面牆位租比其他人，根本D空間係霸返黎。
回覆刪除原來長發街市霸權是另有其人，賊喊捉賊，霸權者喊打倒霸權，真是有趣
刪除貴價街市捱批 領展聘主婦格價助製參考指標 (on.cc)
回覆刪除http://hk.on.cc/hk/bkn/cnt/news/20160301/bkn-20160301000121745-0301_00822_001.html
其實自從小西灣的本灣市場開幕以來，O2也有在小西灣區富欣/富怡/富景的舖頭比較價錢，亦有在柴灣區的漁灣街市及柴灣街行格價，老實講，事實上本灣市場的價格從不貴，個別貨品更比上述地點便宜。但人們總是先入為主，認為乾淨整齊的新款街市，必貴無疑，這情況發生在毋須自己親手買餸煮飯，好日都唔行下街市的人，尤其嚴重
刪除仲有係關於租金與物價的關聯性，坊間好自然會認為本灣市場租金貴，便一定物價貴，某個星期一，某檔販正要補貨，O2親眼見證送貨來的批發商哥哥向該檔販表示，話佢地補貨補咁多，幾犀利喎，這就是薄利多銷了，貨品流量快，代表更新鮮；貨品新鮮，消費者更樂意選購，檔販便貨如輪轉，環環緊扣，周而復始
刪除認同,在街市翻新後人們覺得必貴無疑其實這是一般人的認知心理反應,不過細心看街市內的貨品價格仍是相當合理,並不貴,反而貨品種類更多元化、新鮮和優質,在早前「暖DD食平D」節目中已經看到,有人只會有負面想法,但並無向其帶來的優點去想
刪除領展街市翻新大改造 (Topick)
回覆刪除http://topick.hket.com/article/1379670
古往今來，改革之路從不平坦
刪除有關供應鏈方面，很久以前，供應鏈會包括 1.生產者 > 2.代理商 > 3.批發商 > 4.零售商 > 5.消費者，這樣一層一層的市場生態現已變得模糊，即市場所謂的「免除中間利潤」，今時今日生產者與消費者之間的接觸已直接得多，當免除了中間利潤後，便會比一般的小型零售商有更大的優勢，如果小型零售商只是提供一般的貨式/行貨，沒有自家特色，或 added value 的話，生存空間就只會愈來愈窄。
刪除呢D 只係領展一廂情願既諗法
刪除時間過去, 點解幾十年前有既熟食小販而家仲有人幫襯?
//於隆亨街市售賣飾物20多年的陳女士指，租約原本2017年到期，領展單方面通知要提前結束租約翻新街市，一分賠償也得不到//
領展作為上市公司都毀約?
//燒臘店不准賣雞、豆腐店不准賣丸等；所有豬肉檔則一律「無得留低」，由管理公司關連豬肉檔包辦。租戶叫苦連天，但敢怒不敢言。//
呢D 係市民所樂見?
O2以上言論只代表一位吹水唔抹咀的小股東的立場，謝謝
刪除得到你青睞的759連鎖集團，就是以直接向生産商入貨，繞過了代理商/批發商，狂開分店，以六折、七折益街坊，折合零售價比小商店的入貨價更低
刪除不如你又問下食環，點解燒臘店唔可以賣燒臘飯
刪除佢應該唔知食環街市的燒臘店，是規定不准賣燒臘飯
刪除領匯之前都唔俾, 而家領展就唔知
刪除燒臘店唔俾賣飯, 應該涉及牌照問題...
點解燒臘店唔俾賣雞.. 豆腐同丸都係同類貨品都唔得, 領展/建華有無刻薄D 呀?
你一句：牌照問題，解答哂所有野，配服
刪除大埔大元街市燒臘店俾賣飯
刪除房署和領展街市都可以賣，唯獨是食環街市唔畀
刪除https://www.facebook.com/bmchannelhk/videos/460622560775978/
回覆刪除喺建華租檔仲慘過打工，遲到，缺席，唔依訂價表賣嘢都要俾建華警告。被警告三次就吊銷牌照。
建華當 啲檔主係小學生？人哋賣幾多錢又要管，幾時病又要你管！商戶遲到自然會承擔生意額損失，建華唔應該話事。檔主俾緊錢建華洗，都仲要受建華氣。而家檔主幫建華打工咩？
睇新聞都睇得多啦，在領展場搵食就係咁PK，都唔明D人，好地地有自由奔放的食環檔口唔去租，月租一千蚊之嘛，仲要係連續18年凍租呢，係18年喎，而且可以租一世，唔怕被迫遷，但D人係都要爭住送錢畀領展，明知領展D檔口租又貴過人，每3年續約又話加租，兼夾規矩多籮籮，真係唔明佢地諗乜。
刪除問心講，O2真係好想多D人租食環街市，一來檔主可享受便宜租金，二來可以幫食環街市提升出租率，三來可以制衡領展，唔好畀佢懶巴閉，令市場生態更平衡，結局當然是市民可以多個選擇啦，絶對是一個多贏的局面囉。
http://www.hk01.com/%E6%B8%AF%E8%81%9E/12223/-01%E5%81%B5%E6%9F%A5-%E5%AF%86%E4%BB%B6%E6%8F%AD%E9%A0%98%E5%B1%95%E6%89%BF%E5%8C%85%E5%95%86%E5%BB%BA%E8%8F%AF-%E6%B6%89%E5%BC%B7%E5%88%B6%E8%A1%97%E5%B8%82%E6%AA%94%E4%B8%BB%E8%AA%BF%E6%95%B4%E5%83%B9%E6%A0%BC?utm_content=buffer6d111&utm_medium=social&utm_source=facebook.com&utm_campaign=buffer
回覆刪除點解明明檔主係老闆, 都要受建華氣, 好似幫建華打工咁
唔可以自由訂價? 唔啱建華價錢就要被警告?
你太單純了，做老闆幾時都比打工的受氣，除了要受業主氣；又要受員工氣，驚請唔到人，驚伙記突然擘炮唔撈；要受奄奄尖尖的消費者氣；又要與競爭者爭生意，又驚入錯貨賣唔出，做生意從來也不是一般人想像中咁浪漫架。當生意不足時，仍然要出糧畀伙記，仍然要交租畀業主，燈油火蠟等等的開支，樣樣殺到埋身，你話幾惨呀！
刪除但係連價錢唔跟建華都要被警告喎
刪除以前業主唔規管商戶價格, 商戶會承擔訂價後風險
而家要俾「業主」規範喎....
你去租樓, 業主會唔會規管你洗幾多錢, 賺幾多錢?
以前吖嘛，你都識講係以前啦，樣樣跟番以前，就唔叫做改革啦。
刪除再講，如果接受不了遊戲規則，大可以唔租，天下之大，那會無處容身，大可以去租「自由奔放、無拘無束」的公營街市，貪領展/建華的街市有寶嗎？
若站在消費者的立場來說，貨價便宜點，是好事；而站在檔戶的立場，以薄利多銷吸引多些顧客幫襯，貨品流量快咗，自然會新鮮D/損耗少D，更能吸引顧客回頭幫襯，循環不息，環環緊扣，最終大家都是贏家。
刪除鬼唔知平可以增大turnover, 貨如輪轉, 但要有錢交租先得架! 係咪平咗可以收少D租?
刪除又收貴租戶租, 但檔主又唔可以自由定價... 即係又要馬兒好,又要馬兒不吃草喎
天瑞街市所有檔主價格要中央處理.... 就算店主想主動減價,都要建華果邊批, 用返建華既價錢牌, 唔可以自己整喎...
睇嚟你的econ幾差
刪除提議你嘗試競投一個年宵攤位玩幾日，就當是人生經驗吧，感受一下做生意是甚麼的一回事，試下「薄利多銷」和「厚利少銷」兩者之間，那一項策略能賺夠錢交租
刪除但檔主賣幾多錢, 建華點解要擔心?
刪除檔主定價失誤, 自然要做唔住執笠喎....
我認為建華無權干涉檔主商品售價, 檔主有自由定價既權利
好的，明白你的意思。以O2的個人解讀，這可能是拆解某些組織恆常地聲大夾惡咁批評在領展街市買餸貴而作出的相應措施，「賣得貴」又有人話，「賣得平」又有人話，很矛盾，左右做人難，順得哥情失嫂意，如果兩害取其輕的話，咁始終「賣得平」益下街坊好過了
刪除租金不變下，要求賣得平，就係剝削檔主。
刪除如果要求賣得平，顧客當然開心，但要減租囉
算啦，你沒有做生意的概念，再講落去你都係唔明
刪除領展/建華學下謝先生啦
刪除http://m.mingpao.com/ins/instantnews/web_tc/article/20160321/s00001/1458533505452
一定要收市值租金㗎咩？
少年你太可愛了
刪除係呀，一定要收市值租金，領展已經有8%收社福租金(雖然賣左D),如果唔收市值租金，你地果D MPF 何來有息派幫你地退休呀
刪除做善事可以有不同的形式，唔一定話收低於市值租金就等如做善事，比方說，納稅人投放在公營街市的資源，已彷如掉落咸水海。
刪除領展給社福機構的租金優惠，直接幫助受惠人，在資源運用方面更有效。
除此之外，領展有個「愛．匯聚」計劃，贊助社區內有意義的活動，就個人來說，O2近期最喜歡的是「領展第一代大學生獎學金」，資助家庭三代中第一個大學生入學，一點心意以作鼓勵。
再講，在「授人以漁」與「授人以魚」兩者之中，O2必定是選前者
刪除係呀，我舉脚贊成比有需要學生讀大學，好過比錢社區人仕$17去旅行，投放教育是永遠最上算及對社会最有回報的
刪除降低租金可以俾返 利潤不多，但地區有需求嘅小店，例如文具店，玩具店經營
刪除你唔好話而家世界變，學校網上學習，細路話ipad呀！而家大中小學生都需要文具，補充練習，寫字簿，細路仔都需要玩具
領展精品店雖然都有文具買，但無補充練習，copybook 賣喎
你去問下老細2樣野
刪除1.佢地一個月可以賣出幾多本補充練習和copybook
2.該銷售額佔每月總銷售額多少個百份比
正正因為領匯/展入侵後, 搞到租金貴, 所以經營唔到
刪除同埋... 點解以前有需求, 有文具舖賣, 而家無? 個個用晒ebook咩?
因為租貴, 賣copybook 賺唔到錢, 要賣金飾賣珠寶先賺錢.... 你睇頌富商場有成7間珠寶行就知領展只係關心收唔收到租, 唔關心居民有無需要
領展係咪覺得, 舖頭一個月賣到2隻鑽石戒指夠俾錢交租, 就可以唔理民生嘢, 可以謀殺文具舖?
營業額小代表無需求? 唔通以前買補充樓下就有得賣, 今時今日真係要去大書局先買得? 原來領展入場係降低生活質素, 講咩連繫好生活?
刪除你去問下老細，嗰D「補充練習」入咗貨有冇人買先啦
刪除其實你係咪「古裝人」，成日都見你話「以前」點點點
刪除以前冇「上網」架，與外地聯絡要特登搭車去大東電報局「打電報」，點解以前有需求，依家冇
刪除以前申請電話線要寫信去電話公司申請架，亦唔係家家戶戶都有電話，依家就一屋人有幾個電話，仲可以帶住個電話四圍走添
刪除以前影相要買相機、買菲林，影完又要攞去影相舖度，曬出嚟至有得睇，唉吔，依家一個電話就搞掂喎
刪除吖，唔係呀，「打電報」太先進了，以前係飛鴿傳書架
刪除而家小學唔使做功課咩? 你憑咩話而家小學唔使做補充練習? 2010年代唔使學寫字, 個個用ipad? 買到copybook既地方越嚟越少... 只係因為領匯迫走小商舖
刪除1.你首先問下依家D家長會去邊度買補充練習
刪除2.你又憑咩話我話「而家小學唔使做補充練習」呢？
我係家長, 都唔知邊度買好... 天水圍咪要去商務囉, 再唔係元朗
刪除你上面講咗咁多慢慢式微既例子, 電報, 電話呢D日新月異.... 乜而家學生唔使做補充練習, 唔使寫字咩, 唔使玩玩具? 就係領展不斷將文具店書局趕走晒, 唔只一個商場係咁喎
1.很佩服你，你自己鍾意就叫日新月異，唔鍾意就乜乜乜
刪除2.多謝你咁關照領展，乜天水圍唔係仲有天恩商場、天晴、俊宏軒、天秀墟、新北江、置富嘉湖咩
http://news.mingpao.com/ins/instantnews/web_tc/article/20160330/s00001/1459269203539
回覆刪除領展同建華都唔肯同商戶溝通... 點解好地地要商戶全部遷出?
裝修啩，如果你有興趣跟進長發，可留意「長發街市關注組」fb群組，等傳媒的二手報導已經慢咗
刪除https://www.facebook.com/cheungfatmarket/?fref=ts
原長發街市商戶積累大量對領展及建華的不滿，裂痕已經存在，雙方不適宜共存，全面更換願意接受建華管理模式的新商戶，實在是有利長發街市的長遠發展，是一個很好的安排。
刪除商場上沒有永遠的敵人，唔太同意籠統地以「裂痕已經存在」來涵蓋所有檔主，據O2觀察，其實並非每一位檔主也心甘情願地罷市的，奈何在某人的強勢領導之下，不敢不跟大隊而已。
刪除另，以六個月時間通知終止租約，應該不是長發獨有，小西灣嗰陣都好似係咁，因每份租約的到期日都不同，要全個場大裝修的話，定出一個 cut-off date 一次過清場，很正路。
再講，人各有志，做生意各有各的算盤，唔係每位檔主都睇好新的街市模式，就算你肯畀佢入場，人地都未必騷你。
O2說得對，並非每一位長發檔主都攪對抗，當然歡迎舊長發檔主回歸，主題是願意接受建華管理模式。六個月時間通知期應該在領展合約是很普遍的。
刪除長發今日 31/3 update
刪除http://www.passiontimes.hk/article/03-31-2016/29678
2016-07-23｜香港01｜【告別長發】退守舊屋邨 殺入街舖 罷市小商戶各奔前程
回覆刪除文中提及幾位長發街市檔戶的最新動向...
＜商戶聯會主席李錦源＞
去馬灣東村的地舖開迷你街市
舖位將於8月交吉，自己或會提早離開長發，到新舖打點
＜凍肉店豪哥＞
決定退休，子女已投身社會，認為自己「冇必要捱落去」，索性於9月底與長發街市一同落幕
豪哥認為長發人口老化問題嚴重，人流已大不如前
豪哥仲話：「咪話我睇死，裝修之後一定做唔住！」
＜金錢文具玩具店＞
金錢哥坦言街市文具店逐漸式微
已成功覓得葵盛西邨商場作新落腳點，租金僅2000多元
邨內的店舖大多只營業3小時
李主席都有D眼光，馬灣有珀麗灣客源，可能有得做，祝佢成功
刪除真心希望李生的迷你街市生意興隆，業務蒸蒸日上，藉此帶出正面的訊息，讓其他檔戶知道「轉變」並不一定是壞事，可以是另一新機遇的開始
刪除