曾在此地盤declare過O2對連鎖快餐店並不抗拒。
有人對小店情有獨鍾, 對連鎖店則嗤之以鼻, 踩到一文不值, 將「人情味」3個字煲大幾千倍, 並將此情懷化作文字/圖象, 充斥於社交平台/網上食評/主流媒體中。
講到尾, 其實O2最喜歡百花齊放, 理得佢係街坊小店還是倒模式的連鎖店, 總之係啱畢直、啱胃口, 就一時幫襯呢間, 一時又試下第間, 不分彼此, 各適其適。
況且, O2認為連鎖店的存在, 更能突顯出小店的自家本色, 令市場更多元, 咁又何必搞到樣樣野都要勢不兩立呢?!
快餐店內有人打躉吹水, 亦有人只係片刻短聚, 位位都係零幫襯, 大家藉此空間交流情報, 建立鄰里友誼, 這是那些識上網、識打字的「有識之士」未必領略到的「快餐店之社會功能」
有一樣東西係小店絕不提供人情味的，就係做功課，溫習同瞓覺，有一次我早起身出外工作，完成工作後，我在附近的KFC吃了一份小食後，係個清靜角落，义左半個鐘電，期間完全冇工作人員打擾，但如果在充滿人情味的小店可以嗎？
回覆刪除O2唔係要爭拗邊樣好，其實每位老闆都想自己的生意愈做愈好，有本事+機會的話，都想開分店，舉例說，土炮的添好運、凱施、佳寶、太興、翠華...，都係由細做大，番鬼佬的麥當勞都唔係嘭一聲就變出100間分店啦！
刪除你估「倒模式」、「單一化」咁易做呀？！諗唔掂「品質控制」的話，都咪鬼學人開分店添呀！
扯遠了，總之一句啦，O2還是喜歡百花齊放，溫情小店又好，冷冰冰的連鎖店又好，各自有自己的客路！
我認为商场內快餐店有特别功能，会俾人一个聚会点，增加商场人氣。
回覆刪除除咗匯聚人氣之外，連鎖快餐店仲有牙籤呀、獨立包裝的調味醬料任攞唔嬲，年中都幫O2慳番唔少架 :D
刪除問題係領匯唔想小商戶生存啊....
回覆刪除人地裝修唔靚但做到生意都要趕絕人.要人裝修得靚
你話領匯咁做係幫商戶, 點解即使有錢賺, 裝修唔靚都要格硬要人裝修?
好開心再次見到你，冇咗你好悶呀！
刪除你錯了，O2可以大膽地代表領匯說句：領匯都好想小商戶生存到啊！
以O2愚見，「有生意」與「好生意」是兩碼子的事，領匯不停鞭策，就係想將「有生意」的層次提升至「好生意」，而好生意的商戶必定比有生意的商戶有更好盈利，咁都係想佢地好啫。
再講，想在823場內繼續搵食，幾時都要處於「精益求精」的作戰狀態，預咗要畀O2這類發錢寒的卑鄙小人大大力鞭策。
但人各有志，總會有人甘於平淡，只求hea做過日辰、搵兩餐就算。得！去房署場吧，房署唔會迫人裝修，可以一勞永逸。
最後，O2誠意送條link畀唔甘心畀領匯作賤的店東：https://www.housingauthority.gov.hk/tc/commercial-properties/tender-notices-and-awards/index.html
房署有大把吉舖等人租，每逢星期五就出一次招標通告。甘於平淡的店東啊，要走就快D，唔好漏漏氣氣喇，GOGOGO！
Chi Ho，我都要送「份」link俾你，等你感受下那些年人情味的感覺：
刪除http://www.asiasign.com.hk/chi/project05.html
http://www.socam.com/html/chi/business/project_details.asp?id=2
假如有時光機比你返去以前就好！
(以上圖片都係房署年代拍攝)