總瀏覽量

2022年2月12日 星期六

赤柱廣場獲洽購

2014年領展首次出售旗下的屋邨商場, 而最近期嗰次已經係2019年, 一共售出57個項目。

至於赤柱廣場, 2011年完成翻新工程後, 好歹也算是領展的旗艦場, 知名度較其他場高, 但遺憾的是, 呢個場根本就好睇唔好食, 年收益比O2成日去的環頭環尾小西灣廣場差幾皮。




昨日得知有客主動搵領展, 想洽購赤柱廣場, O2有種「終於等到了」的感覺。

Link仔問, 點解O2咁想賣走赤柱廣場呀?理由好簡單, O2亦多次在巡視赤柱廣場的網誌提及過, 原因不外乎「收入差」和「吃力不討好」, 領展出盡力谷旺個場, 收益卻強差人意, 每年搞一次聖誕巿集, 得嗰幾日叫做旺D, 卻引來附近居民的怨言, 何苦呢?

若果今次傾得成, 衷心希望新業主能為赤柱廣場帶來新局面, O2拭目以待。