睇睇下份報紙, 駭然發現一則前所未見的「招標通告」, 個嘜頭竟然係「領匯」?
2014-08-07《經濟日報》
舖位：大興商場1樓13號舖
面積：420呎
行業：糧油雜貨
月租：基本租金$11,400, 或每月營業總收入5%, 以較高者為準
(不包括差餉、水電費及其他費用)
租期：3年
好奇怪, 點解會咁嘅呢? 完全唔似領匯的一貫做法, 為咗一個月租$11.4K的舖位, 搞咁大壇野??
O2素來疑心大, 覺得事有蹊蹺, 個人推斷呢段廣告的背後, 必定係另有企圖。
一般人已經認定領匯勢兇夾狼、食人唔(舌累)骨、做埋都唔夠交租... (下刪數千字)。
以759阿信屋為例, 林老闆曾向報章表示, 阿信屋在領匯場的租約屬於營業額分成租金制, 底租以外仲要畀額業額的10%。
O2模擬了以下2個例子：
| 【例1 - 阿信屋】 | |||
| 營業額： | 100,000 | 200,000 | 300,000 |
| 基本租金： | 11,400 | 11,400 | 11,400 |
| 10%分成： | 10,000 | 20,000 | 30,000 |
| 每月租金： | 21,400 | 31,400 | 41,400 |
| 租金佔營業額： | 21% | 16% | 14% |
| 【例2 - 乜記糧油雜貨】 | |||
| 營業額： | 100,000 | 200,000 | 300,000 |
| 基本租金： | 11,400 | 11,400 | 11,400 |
| 5%分成： | 5,000 | 10,000 | 15,000 |
| 每月租金： | 11,400 | 11,400 | 15,000 |
| 租金佔營業額： | 11% | 6% | 5% |
點解分別咁大? 你懂的!!
得出來的結論係... (1)「乜記糧油雜貨」的租約條款, 比集團式經營的759阿信屋優厚; (2) 商戶做得生意愈多, 租金佔營業額的比例愈低。
唔知呢間大發糧食公司是否健在
- - -
2012-08-28 [太陽報] : 房署旗下的大本型商場會參照私人市場的「租金分成」制度，即按租戶的營業額收取租金
小舖是較優惠的，基本租金"或"每月營業總收入5%, 以較高者為準
回覆刪除但759是基本租金"及"每月營業總收入10%
對呀！這就是領匯對待大公司與小商戶的分別
刪除大公司：底租 + 分成 10%
小商戶：底租 or 分成 5%, whichever is higher
說明了領匯特別關照小商戶
招標可能因為同埸快有其他舖約滿，領匯想試下水温，為跟着的舖定價
回覆刪除唔似咁簡單囉！
刪除O2有一陰謀論的想法，呢次招標其實係公關技倆，旨在提醒某些人，呢個世界有樣野叫「分成租金」，教識佢地，等佢地以後唔使大驚小怪囉
我都相信系試水，因為而家街市档应無《分成》的租約。如果成功，好可能会扩大去其他埸。
回覆刪除「分成租金制」並非甚麼新生事物，但一般人可能比較少接觸，會以為領匯又搞新花臣嚟吸血。
刪除我始終覺得呢則廣告係別有用心，係想話畀D烏啄啄嘅人知，呢個世界有「分成租金制」這回事。
O2以「房委會」的油塘大本型商場為例，有報導話佔7成租戶都係採用「分成租金制」，所以呢，以後見到領匯的「分成租金制」租約條款，奉勸嗰D烏啄啄的人，唔使懶咁大驚小怪了。