民主 vs 地主

大元關注組的努力沒有白費, 終於將壇野推上《蘋果》, 更獲得李慧玲小姐的寵幸, 在《壹錘定音》中發聲, 是關注組一個大大的鼓舞啊。該話題後來被黎智英先生扯到去長實的新盤而斷了尾。

仲記得事件初發酵時, 因為《蘋果》出了幾篇與關注組理念相反的文章, 那群醉心於社運的有識之士在fb專頁中咬牙切齒的模樣, 更隨即在網絡平台上咆哮反斥。

社會就係咁現實, 依家咪又係要靠《蘋果》煲大件事。之前《東方太陽》谷極都谷唔上, 今鋪《蘋果》又勝一仗了。

黎先生是成功商人, 對推動民主亦不遺餘力, 這點是無容置疑的。O2乃市井之徒, 讀得書少, 對「民主」的概念是尊重法治、尊重私有產權、尊重不同聲音...

O2在沉思中...

思索良久, 但還是覺得一方面要「爭取民主」, 另一方面卻發動群眾「鬥地主」, 委實是有點弔詭啊! 此刻, O2有點迷茫, 再一次翻閱了施永青先生於2007-01-30發表的C觀點《領匯有權揀租客嗎?》, 試圖找點頭緒。

說回實在的情況, 據O2觀察, 大元邨並非位處半山、出入不便的山旮旯屋邨, 當區居民的流動性很高, 會隨時溜到鄰近屋苑的餐廳搵食, 這正正就是大元街市平台須要提高競爭力的原因啊!

再講, 大家都有選擇不同生活方式的權利, 有識之士對生活質素要求高一點, 食野要食人情味; 但凡夫俗子的O2, 生活但求簡簡單單填飽肚, 我冇介意幫襯連鎖店喎。最好就係百花齊放啦, 各有各選擇, 讓顧客自己歸邊囉。算嘞, 算嘞, 中間落墨吧, 一半做茶記, 另一半做連鎖店啦!


後記：其實O2唔覺得領匯收回大元街市平台的舖位後, 只係想開大快活、大家樂、美心咁簡單囉。


又要出disclaimer：以上只反映Grassroots O2之個人意見, 並不代表領匯公司的立場

 

今日《太陽報》的應景標題：領匯揸住唔願放