總瀏覽量

2014年5月30日 星期五

敗家星

因為領匯臭名遠播, 政府已經唔會再賣商場畀領匯了。房署自己管番咪幾好, 租金愈來愈平。
 
彩德商場係新場, 2010年落成, 做獨市生意的麵包舖 (503號舖) 在2013年已經極速執笠。房署招標咗幾次, 一路降價, 但係又一直都租唔出喎, 個舖位由起初$88,000月租, 一路跌, 一路跌, 今日的招標公告仲誇張...

 
房署大劈價, 彩德商場503號舖, 由$88,000減到去$26,000。唉~~ 納稅人又要做冤大頭了
 
 
***
 
 
彩德商場503號舖, 2014年7月簽約, 月租$45,080.-
 
彩德商場507號舖, 2014年8月簽約, 月租$20,000.-
 
 
***
 

  
 
2013-10-18:該煨咯! (re: 半年前503號舖仍然值HK$88,000.-)
 
 
O2觀摩過彩德商場幾次:
 

5 則留言:

  1. 如果上手面包店系用成9萬幾元租用成本(連冷氣+差餉),常理分析都知做吾住。合约有三个月通知就走得。管理商埸应大有學問,連一間面包店都冇,边有人去行呀?由政府搅生意,死得!基本上,佢地連合理租金几多都吾知,亦吾会理。

    回覆刪除
    回覆
    1. 嗰間麵包舖叫「車厘子餅店」,係連鎖式經營,有營商經驗,佢入標時應該已經計過數,以$88,000做獨市生意係有得諗,至會入標啫。咁即是話$88,000係市場價,而房署依家以$26,000再度招標,少咗一大截,我覺政府/房署/納稅人好蝕底囉,所以至話佢敗家。

      如果房署係識得營運購物商場,當年就唔使「棄車保帥」,要將D商業資產打包套現啦!佢仲死性不改,搞個甚麼油塘「大本型」出嚟,擺明係好大喜功,黑心D講,我依家就放長雙眼睇佢點死!

      刪除
    2. 天耀都有間車厘子,7時左右仍有不少人光顧...

      刪除
  2. 車厘子系天水圍823埸內还有颂富,天澤。就連鎖店都系彩德做吾住,一系租金成本太貴(相对收入),或商埸管理失敗,冇足夠人流。我認為开店風險系香港是不少的。凱施在823遍地开花,但佢都吾去彩德,一定有理由。

    回覆刪除
  3. 車厘子係連鎖店,佢有本事開咁多間分店,O2當然唔敢質疑佢唔識做生意啦,咁唯一可以賴嘅就係房署唔識營運商場,累到人地要執笠囉。

    再畀D資料大家參考,車厘子在房署晴朗商場A010號舖(面積796呎)的分店,係以月租$133,000投得,即呎租$167,貴唔貴真的見仁見智了。

    回覆刪除