O2檔案室：
地址：香港柴灣大潭道188號
內部樓面面積：33,915呎
入伙：約1982年（樓齡32年）
年收益比較：興民商場 $3.0M / 33,915呎
小西灣廣場 $71.1M / 100,892呎
巡視 (次數) 日期：(6) 2011-05-14, 2011-07-23, 2012-01-13, 2012-08-07, 2012-11-16, 2014-05-27
資產提升工程 (AEI)：未
＊＊＊
商戶的存亡取決於顧客的支持度, 如果連住附近的街坊都唔幫襯的話, 咪等執笠囉!
但係在某些熱血人士眼中, 每逢有所謂的街坊小店結業, 就唔理三七廿一, 總是算到領匯頭上, O2好唔順氣。
聞說「百份百餐廳」將會進駐山旮旯的興民商場, O2知道消息之後, 心情很激動, 大熱天時也義無反顧地跑上興民邨去看過究竟。
1. 上到興民邨, 第一眼先見到區議員的banner。嗱, 佢好開心咁話向領匯爭取到間連鎖食肆架, 唔該嗰D好事之徒唔好賴甚麼「領匯化」呀!「倒模式」呀!「單一化」呀!!
2. 鬼咁多字, 慢慢睇下佢講乜先。嘩嘩嘩, 收集到1000多個簽名喎, 咁若果呢1000多人真係坐言起行, 個個都嚟捧場就已經夠做啦!
3. 那間所謂街坊小店不見了。圍板上只貼上新租戶係「亞洲國際餐飲集團」, 但冇講明係「百份百餐廳」
4. 老實講, 興民商場這類冇冷氣、冇野睇、冇野食、位置又吊腳的兜踎商場仔, 莫講話邨外人, 甚至乎自己邨的街坊都甚少幫襯
5. 展銷檔, 面積108呎, 日租$1,300 (平日); $1,500 (六、日及假期)
6. 百佳超市旁的HSBC ATM。如果可以的話, 不如搵多間Jetco機的銀行上嚟裝機啦
7. 離開興民商場, 落番柴灣道。又有banner, 係行人天橋加裝升降機喎, 各位823戰友請放心, 公家的, 唔使領匯畀錢。
－ － －
2014-06-09 : 裝修中的百份百餐廳
2014-08-04 : 百份百餐廳 (405-407號舖) 已開張
2014-08-04 : 個場終於都有番少少生氣了
2014-08-04 : 橫跨柴灣道的行人天橋
2014-08-04 : 樓梯位置將會改成升降機
ATV亞視 我愛香港 I love HongKong 130 柴灣興民邨全港最高屋邨
~~~
| 興民商場．商戶名單 @2014-05-27 | |
| 401 | 天生法維中西藥行 |
| 402-404 | 萬寧 |
| 405-407 | 百份百餐廳 (裝修中) |
| 408 | 香港醫藥援助會牙科診所 |
| 409 | 劉慶揚議員服務處 |
| 410 | 松柏餅廊 |
| 411 | 興民商場管理處 |
| 412-414 | 7-11便利店 |
| 420-423 | 百佳超市 |
| HSBC ATM (百佳超市側) | |
| 501 | 葉苗補習學校 |
| 502 | 耀天香燭舖 |
| 503 | （招租 - 442呎） |
| 504 | 銀輝乾濕洗衣公司 |
| 505 | （招租 - 442呎） |
| 506 | 鑫藝髮廊 |
| 507 | （招租 - 442呎） |
| 508-515 | 恒福護老院 |
| L6 | （招租 - 3,929呎） |
| 1樓SCHK | 地政總署港島及鯉魚門寮屋管制辦事處 |
＊＊＊
- 呢個場真係離哂譜，單計226個車位，年收入都應過$3M，即舖位全部免費，真係異象。
回覆刪除- 聞說「百份百餐廳」將會進駐山旮旯的興民商場, O2知道消息之後, 心情很激動 : 我查左字典九日，先知道山gala係應寫作"山旮旯" :D
- 「亞洲國際餐飲集團」就係「百份百餐廳」:
http://channel823.thelinkreit.com/201302/tenants-corner.html
選址貼近社區 堅守營運理念
如此花心思製作的一流麵包，卻能維持以平民價售賣，柯鎮平坦言並不容易：「我們只能微中取利，但仍十分滿足，因為我們的信念是要把好東西帶給普羅大眾。看見他們吃得開心，就是我們最大的推動力。」「亞洲國際餐飲集團」還有好幾個品牌的餐廳開設於領匯的商場，柯鎮平說：「我們和領匯都有共同目標，就是努力為社區提供高質素的環境和服務。」
呢個場咁吊腳，咁都仲有百佳、萬寧、７仔，呢類連鎖店肯上去提供服務，呢D咪叫有社會責任囉。
刪除百份百開張之後，個場應該會生猛番D，O2都會多D上去呢個「山旮旯」場，旺下佢 :D
「亞洲國際餐飲集團」旗下仲有好多品牌：
http://www.tasteofasia.com.hk/zh-hk/brands/index
百佳、萬寧、７仔，呢類連鎖店肯上去提供服務，可能唔係社會責任，係合約精神，因為領匯有梱綁租約，佢地租左樂富頌富，就要租埋興民豬頭骨喇。
刪除咁唔知「百份百餐廳」係咪都係綑綁式租約呢？我上次有提議過架 :D
刪除http://o2and00823.blogspot.hk/2012/11/2012-11-16.html
車位未必全部租出，可能得一半租出，因為無街外客。營運支出也不少。
刪除O2: 我信有架，「百份百餐廳」可能係綑綁式租約，亦可以講係win-win租約，因為死場租一定平
刪除LINK 忠实粉丝: 但係$3M租就係水皮了
其實O2對Cafe 100%係有所期望的，除咗能夠方便興民邨街坊之餘，亦能為商場帶來一點點的生氣，順便帶歇其他吉舖可以快點租出，阿門！
刪除应該考虑下次賣左佢，投資者有多的靈活空間同手段做旺个埸。823自己有不少限制会吾同做法。
回覆刪除O2會傾向有得救的場，便盡量救，不輕言賣仔。
刪除個人立場嚟講，除咗藍田衰仔包之外，O2唔太恨賣其他囝囝。至於日後賣仔與否，隨緣吧！敞若領匯找到更好的投資項目，需要資金換馬，則另在別論。
今次出售「領匯４小福」，俱多重意義，當中有「表態」成份，823本身有融資能力，唔使賣仔都有錢買野。
再講，賣還賣，未賣之前都要自己盡力搞好個場，到真係要賣時，才可以叫得起價啊！
同意，「表態」一次就夠
刪除有間餐厅会对人流有大幫助。香港人在外面用餐比較多和肯用钱，最重要物有所值。希望对興民系一个好的轉机啦！
回覆刪除大轉機就唔敢講，始終個場位置吊腳，不過Cafe 100%點都會好過以前嗰間噏耷野。
刪除商戶的存亡也取決於業主是否瘋狂加租, 或者係咪硬性要人裝修。
回覆刪除人地做得好好地, 格硬要人裝修,都唔知咩道理
好似一個人咁, 著得普普通通, 可以生存健康, 都唔一定要著到身光頸挸先係活得健康
Chi Ho仔，你講得好似好有道理咁喎，不過消費者好現實架。唔好再憑空想像，坐井觀天了，你見識過嗰間連街坊都嫌棄的噏耷野如何不濟至同我講啦。
刪除