《蘋果》真有號召力, 其他報紙拍馬都追唔上。2014-04-25已經有報章報導領匯賣仔的消息, 到2014-05-12《蘋果》執人口水尾, 好畀面地以《領匯賣殘舊商場洗底》為題, 喺財經版用咗差不多全頁的版面報導, 咁就即刻有班後知後覺的政棍出嚟做show嘞。
班食塞米抗議示威, 講嚟講去都係三幅被, 淨係識得叫政府用民脂民膏嚟回購領匯5小子。OPM之嘛! 講得幾口響都得啦! 廢噏! 可以不理。
最可憐係嗰班小商戶, 明明對領匯恨之入骨架嘛, 咁家陣領匯肯同佢地分手咯, 應該係開心都嚟唔切啦!
點不知, 從報紙或者電視新聞的訪問所見, 小商戶係驚「新業主」加租仲狼死過領匯喎! 有D仲話擔心會畀「新業主」踢走添!
嗱嗱嗱, 呢D咪叫身在福中不知福囉! 終於知道領匯呢隻吸血鬼已經係手下留情呢!!
吸血鬼領匯
＊＊＊
2014-05-12 蘋果：領匯賣殘舊商場洗底（唔睇就笨版）
當阿仔係屋企時，老豆就係最惡，成日用藤條打，阿仔話慘無人道。好喇，而家老豆放你出街，油尖旺，你先至發現原來出便D人仲惡，佢地係用西瓜刀架，呢個時候，你開始覺得老豆好。
回覆刪除對對對，形容得好貼切 ^^
刪除惡人呀惡人, 點解你要用西瓜刀呢? 你係咪想抹殺我對藤條的集體回憶?
刪除對住一班「畀個良心佢當狗肺」的衰仔包，一定要出動西瓜刀，藤條唔夠力架！
刪除其實應該話, 本來幸福既家庭, 俾個惡毒後母踢走生母...
刪除而家惡毒後母就嫌個仔無出息, 就賣俾人
你話個仔可唔可憐吖
Logic錯晒，生母唔係畀人踢走，係佢自己棄糊咋。當年係生母持家無道，荷包乾硬化，賣仔求榮呀！2005年，個衰婆袋走幾百億真金白銀，丟低一班親生仔置諸不理。
刪除正所謂慈母「多敗兒」，班囝囝後來多得「惡毒後母」連番鞭策，多位囝囝亦脫胎換骨，修成正果。當然，亦有些衰仔包是無出息的，在教而不善之下，唯有賣之哉也，始終，親生仔不如近身錢啊！更何況都唔係自己親生呢！
其實一句到尾以家能領匯係上市公司，香港係自由經驗，如果誠哥賣佢其下資產，邊個有權阻止佢？私有公司本來就係要為股東追求盈利。私有財產任何人任何公司有權利去賣買
回覆刪除所言甚是，尊重法治精神的人當然係咁諗，只可惜，這個曾經令香港人引以為榮的核心價值，已在不知不覺間悄悄地溜走。依家D人最鍾意搵傳媒和政黨炒大件事（小商戶老板多數都係政黨的樁腳）。今天的主流傳媒，已經沒有客觀報導這回事，總喜歡以偏蓋全，所有角色已預先設定...
刪除地產＝霸權；
超市＝壟斷；
領匯＝魔鬼；
商家＝吸血鬼；
小店＝有人情味；
無牌小販＝自力更身；
加租＝瘋狂加租；
集體回憶也可以凌駕私有產權；
舖頭執笠一定賴租貴....
這就是今天的香港了。
連私有產權也保不了，爭取民主來幹啥！！！
私有產權? 領匯之不過係官商勾結既產物
刪除官商勾結？你諗清楚自己想講乜先啦！
刪除領匯由未上市就比人嘈越鬧股價越升，業績盈利股息越來越高。好多人只係一面倒，唔係用公司創造價值能力去睇。佢地就繼續不滿啦，我地就繼續收集。如果真係無良，早就同外面租金水平看齊了。如果咁講，我地領匯股東更可理直氣壯嘈管理層啦。以家好多人根本唔知外面街舖業主更加係吸血鬼
回覆刪除有時真係唔介意得咁多，誰人背後無人說，公司同事、家族親戚之間都會互說不是啦，這是無可避免的。
刪除作為一間與居民息息相關的本地上市公司，「有人鬧」可以視作一種鞭策。
以領匯咁大間公司來說，應該要有虛懷的胸襟，接受批評，抱著「有則改之、無則加勉」的態度。
而以O2呢類小小小股東的角度來看，「多唔多人鬧」係是否繼續持有的指標。
多人鬧＝租金水平仍有追加的空間
少人鬧＝租金已接近市值水平
冇人鬧＝租金與市場睇齊
有人讚＝即是領匯做緊大慈善家，租金超低水，對股東唔住了
對股東唔住好過與全港人為敵
刪除有你呢句，O2可以放心繼續持有823了。你的出現，即是話領匯仍然位於「多人鬧」和「少人鬧」的category，唔使放住咯 ^^
刪除