總瀏覽量

2014年5月21日 星期三

大踏步神情確威武

領匯認真體貼, 唔想我地再估估下, 成日籮籮攣, 琴晚漏夜失驚無神咁公佈「領匯5小子」的招標成績單, 結果確是有點出人意表, 同報紙貼嗰D有好大出入。
 
Anyway, 領匯已經踏進新里程, O2望住份成績單, 其實是挺開心的...

開心一, 原來領匯的所謂「籮底橙」咁搶手, 證明領匯的資產是有價有市的 (唔好忘記依家香港物業市場仲有辣招護體喎);
 
開心二, 領匯唔係不問價賣仔, 係聽晒O2話, 少個崩都唔賣嗰隻, 臨尾扣起SSP寶熙苑地舖, 收住租先, 靜待善價而沽 (O2覺得, 測量師估值未必能夠充分反映長沙灣區重建的長線潛力, 而且寶baby可以與附近的領匯囝囝發揮協同效應);
 
開心三, 本來都幾驚筲箕灣東熹苑會冇人吼, 最後竟然爆大冷係溢價最高嗰個喎;
 
最最最開心硬係賣得甩O2最鬼憎的藍田衰仔包啦, 雖然溢價係最少, 不過假假地都叫做高於估值吖。
 
依家領匯已經打開咗個缺口, 跨出了歷史性的一大步, 從此可以隨時掃走嗰D唔聽話的忤逆仔了, 哈哈哈, 睇下以後仲敢唔敢係又鬧, 唔係又鬧, 哈哈哈哈~~~
 
 
《星島》一直將「興東商場」張相當咗係「東熹苑商場」, 今日仲放到咁大張添, 太大意了
 
 
***
 
 
 
 
 

10 則留言:

  1. 2014-05-21《經濟日報》:「......以深水埗寶熙苑商場最受歡迎......據消息指,出價最高的集團為紀惠集團,估計出價達2.5億至2.6億元,高出估值130%,出價極為進取。
    紀惠集團副主席廖偉麟接受本報查詢時指,原本該財團屬最高標價,及後要求賣方把成交期延遲至4個月,方便銀行借貸安排,而賣方要求在7月底前須完成交易,故在條款不合之下決定放棄,而業主料亦收回物業。」

    回覆刪除
  2. 呢个就系出色企业管治的演示!不负大家期望,做得好好,系股價同媒体方面反应就知道。02兄以后可以集中精力巡视业務,吾驶卑衰仔拖住啦!:)

    回覆刪除
  3. 籮底橙部賣到12億幾,領匯被市場低估了,我地領匯股東就最開心!

    回覆刪除
  4. 今次賣出4小福,真是一天大好事,怪不得基金要求賣舖制造流動性,原來流動性是那麼重要的,它立即將領匯的市場價值顯示出來,因為之前都是所謂估值,沒有真金白銀成交,人們都對領匯真實價值充滿疑惑,但現在有真實成交,領匯的市場值立即確立了,正 !

    回覆刪除
  5. 資產管理、AEI、收購、出售、重建...領匯好多野玩o既

    回覆刪除
  6. 今次賣仔會對領匯的估值有巔覆性的改變! 從前大家只可以對著被低估的估值報告作參考, 宜家賣過一次仔仔, 大家可以用巿場出價作為估值參考, 唔洗再睇估值報告! 以仔仔成交價推算, 巿場接受停車場租金回報率4.6%及商場租金回報率3.67%黎計, NAV 現值 $59.55!!

    回覆刪除
  7. 其實筲箕灣東熹苑係一個奇盤: 146個車位及6340尺的一間幼稚園! 就以$2140一個月租車位計, 算只計八成出租率, 每年租金為約三百萬, 現以7290萬賣出, 單以車位收入已收4.1%! 未計果6340尺的地方!

    回覆刪除
    回覆
    1. $2140 資料來源http://paper.wenweipo.com/2013/05/21/HK1305210041.htm

      刪除
  8. 1.估價是以13年3月計算,現今估價應否更高.
    2.以售價最高的華貴為例,有413車位,以每個價值20萬計算,值8260萬,商場樓平均尺價=(5.18億-8260萬)/41878呎=10396元,便宜嗎?
    3.推算日後買家將商舖拆細出租,提升更多舖位數目,應可收取更多租金.
    領匯的價值如何?拭目以待.日後買家賺大錢,領匯亦可受益.

    回覆刪除
  9. 證明香港物業-實樓及reits 只宜持有自用/收租, 不能立亂沽出

    回覆刪除