總瀏覽量

2014年5月20日 星期二

改英文招牌的小商戶 @興華廣場

今日步入柴灣興華廣場, 眼前一亮, 活力電訊 (111號舖) 剛剛換上新招牌, 無可否認係醒神咗, 不過唔知佢係屬於自我提升, 還是畀領匯逼嘅呢?!
 
 
Powerful Telecom Co. 活力電訊 (興華廣場111號舖)

2011-05-31時的模樣
 
 
***
 
 
2014-05-20|蘋果日報|逼改英文招牌 玩殘小商戶
 
馬鞍山頌安商場小商戶被逼走,街坊日後要捱貴貨。同樣是商場開荒牛的鞋店信發公司,也不獲領匯續約,最離譜是三年前續約時,領匯用盡方法玩殘小商戶,要求他自費將中英文招牌,改為只有英文招牌,「改招牌都使咗兩、三萬蚊,到頭來依家連做都冇得做啦!」
 
鞋店老闆陳先生入行30多年,單是在頌安也做了十幾年,專賣平價返學鞋、波鞋、工人鞋,一對鞋百幾元就有交易,吸引不少街坊幫襯,街坊情由此累積下來,「好多睇住佢哋出世,細細嗰幫襯買返學鞋,到佢哋拍拖結婚生仔,再帶仔女嚟!」
 
要經營鞋店從不容易,他坦言自領匯接手後,租金由房署年代約7,000多元,加租至萬幾元,「有時捱到只係夠交租,有時租都賺唔到惟有自己倒貼」。他堅持做下去,只為服務一班街坊。但領匯卻用盡各種手段玩殘小商戶,三年前鞋店續租,領匯要求他將招牌改做英文名,「以前中英文招牌,依家全部改晒英文名,仲要嘥萬幾二萬蚊,送貨嚟唔知,試過送錯貨」。鞋店下月結業,陳先生不捨得一班街坊,「街坊都話唔方便,又話冇咁平」。
 
 
■領匯用盡方法玩死小商戶,要求鞋店老闆將招牌改做英文名。
 
 
***
 
 
興華廣場 @2011-05-31 (re: 三年前的舊相)
興華廣場 @2014-04-07 (re: 商戶名單)
 
  

17 則留言:

  1. 生果報話廣誠租金由98年8千加至16年后嘅现時壹萬4千元,我估計都系比市場偏低!呢个租金租个市区私人屋村住宅单位都不易。

    回覆刪除
    回覆
    1. 1998 8,000
      1999 8,288
      2000 8,586
      2001 8,895
      2002 9,216
      2003 9,547
      2004 9,891
      2005 10,247
      2006 10,616
      2007 10,998
      2008 11,394
      2009 11,804
      2010 12,229
      2011 12,670
      2012 13,126
      2013 13,598
      2014 14,088

      計完,係平均每年加3.6%

      內部面積360呎,即呎租$39,再強調係內部面積,唔係建築面積

      刪除
    2. 我要向你敬礼,多謝!事實反映呢个每年加幅連通賬都未夠!08年重做左AEI, 即系話,可以吾搬,真系吾想走。

      刪除
    3. 這亦解釋了點解有人一路喪鬧領匯,但係就硬係賴死唔想走囉。
      另外係,鞋店老板一時話個招牌係「兩、三萬蚊」,一時又話「萬幾二萬蚊」,差好遠啫,前言不對後語,都唔知佢邊句真邊句假!

      刪除
    4. 領匯要人走高檔路線, 唔該領匯自己俾錢幫人換招牌, 唔係強迫人換招牌... 領匯都掠左人咁多租金, 俾返少少錢都好應該

      刪除
    5. 唔好村姑扮上菜, 你係屋邨商場, 唔可以用市價0黎比較

      刪除
    6. 我們可愛的未來棟樑,唉,都唔知應該話你係天真還是白痴好。「欲加之罪,何患無辭」,叫領匯畀錢整招牌,咁即是畀位你入,又可以堂而皇之說甚麼「連招牌錢都賺埋呀」、「羊毛出在羊身上呀」,咁我豈不是賠了夫人又折兵?!

      我覺得你嗰句「村姑扮上菜」好有歧視成份,小心平機會找你算賬。貼切D講,應該係「山雞變鳳凰」,留意個verb,係「變」而唔係「扮」,變是有內涵好多的;而唔係好似你咁,知少少扮代表的「扮」呀。

      「鳳凰」重生,自然多追求者,變得有價有市了,咁當然要收番正價啦!仲收「山雞」價咩?儍的嗎!

      你不嬲知我唔會睇小公屋居民的消費力,更加唔會妄自菲薄,所以我唔認同你用「村姑」來形容屋邨商場囉。

      (p.s.實不相瞞,其實我好懷疑你根本係領匯派來的無間道,借O2把口,同你一唱一和,幫領匯講好說話。講真,你收咗領匯幾多錢?)

      刪除
    7. 哈哈,好有趣味性。02兄,好嘢!

      刪除
    8. 咁我相信O2兄都收到好多錢 <--- 領匯息 XD

      刪除
    9. 隻烏蠅好煩,話你聽,唔止係上菜,直情係滿漢全席
      ==========
      或者我地應轉一轉計法,房署租金係10年不變,租戶個個都當間舖係自己物業,所以一收舖就要生要死博命,呢個舖後8年每年約加7.3%才對。

      1998 8,000 0%
      1999 8,000 0%
      2000 8,000 0%
      2001 8,000 0%
      2002 8,000 0%
      2003 8,000 0%
      2004 8,000 0%
      2005 8,000 0%
      2006 8,000 0%
      2007 8,584 7.3%
      2008 9,211 7.3%
      2009 9,883 7.3%
      2010 10,604 7.3%
      2011 11,379 7.3%
      2012 12,209 7.3%
      2013 13,101 7.3%
      2014 14,057 7.3%

      刪除
    10. LINK忠实粉丝:
      多謝,多謝,其實要歸功於Chi Ho仔,係小朋友太認真了,而O2寫blog卻玩玩下,抱住遊戲人間的心態,在強烈對比之下,產生咗化學作用罷了 =.='

      Henry:
      哈哈,都幾架!起碼我自己滿意啦!
      其實呢個問題阿Chi Ho仔2年前在Yahoo Blog年代已經「質問」過我,我當時咁答佢...
      http://o2and00823.blogspot.hk/2012/05/2012-05-11.html

      Link仔哥:
      O2開放得呢個平台都預咗有人踩場,都冇辦法,烏蠅紙、烏蠅拍、殺蟲水.......,我樣樣都用齊,佢都唔肯走,所以我至覺得佢係收咗領匯錢,要做野囉。算啦,人地都係搵食啫,咪畀D心機同佢玩,乘機幫領匯講下好說話囉!你唔覺得有佢喺度好玩D咩?咁喇,到O2儲夠火時,再幫你地教訓佢!!!

      刪除
    11. 投資忌沉迷! 應該經常反思自己的假設是否正確, 所以反對聲音幫到你!

      刪除
    12. (唔知係咪)題外話: 在澳洲(多烏蠅的國度)留學時學到一樣野, 就係食飯時見到烏蠅而佢企的位置又可容忍(例如枱面,而不是碟邊或食物上)就盡量包容佢,比位佢企。因為好多時(或者係每一次)我揮手想抹走佢時, 佢會降落到更不可容忍的位置(例如食物上或我塊面上....)。嬲佢影響食飯心情就更無為, 反正心胸廣闊地方大, 有容納烏蠅的空間。有時, 睇佢捽下腳,捽下眼, 做下D我覺得的無為野, 期實都幾得意。

      刪除
    13. 原來同烏蠅相處,都有咁多學問,學到野了 ^^

      刪除
    14. 其實同人相處都應該差唔多, 因為係你心目中有人會好似烏蠅咁煩, 同時間有其他人都有一樣的諗法...

      刪除
  2. 关於招牌,我比較相信业主会要求中文加英文招牌。或者面積or成本考虑,就只用英文滿足最低要求。現實市面很多時装店也只有英文名字,或者呢个系潮流做法。

    回覆刪除
    回覆
    1. 唔使諗得咁複雜,其實中/英文都冇所謂,香港人都慣晒,係有人賴地硬啫!

      刪除