環翠邨怡翠樓
遠離環翠商場, 在怡翠樓樓下有幾個舖位, 最右手邊的101號舖是領匯環翠商場的辦事處
102號舖的香燭店結業後, 冇見過佢貼招租海報, 但係又有人裝修緊喎
為咗影呢張相同各位戰友分享, O2只好自投羅網。再翻查823官網, 原來係畀興藝琴行租咗
興藝琴行本身在興華廣場已有分店 (興華廣場110號舖)
對面的興華文娛教育中心 (興華廣場108號舖) 是同一老細的
單張所示的「青年廣場分行」已不存在
你有份夾錢起的大白象工程--青年廣場
青年廣場靜過鬼, 興藝琴行的分店已撤走
青年廣場3樓的水牌
＊＊＊
2015-01-02
2015-01-12
＊＊＊
那些年, 當興藝琴行還在興華商場107號舖時
埋嚟睇、埋嚟揀：
巡視業務．領匯．葵盛東商場 @2012-11-10 (re : 圖17是興藝琴行的葵盛東分店)
其實個青年廣場係估乜架呢?
回覆刪除說來話長喎...
刪除話說當年董伯伯很關心年青人，其部下便構想了這個「青年廣場」。（係想for全香港年青人，而不是單單for柴灣年青人）
在建築期內，香港經濟幾經起落，工程停頓，仲險些爛尾。（政府工程都差D爛尾，死唔死吖？）幾經波折，耗資7.5億興建（不包地價）的青年廣場終於在2010年正式啟用。
3樓全層原構思係專for年青人創業的小商店，售賣創意工藝、潮流服飾之類的零售樓面，想打造成後生仔的泡點。但係公務員又邊識生意推廣呢，講就天下無敵，回歸現實係成個場水盡鵝飛，從未旺過，依家全部都以 cheap cheap 的價錢，租畀補習社/學習中心，e.g. 連鎖式經營的翹英。
（１）「新世界」收錢（不便宜）負責日常打點，政府長期科水畀新世界，有利益輸送之嫌；（２）個場日日拍烏蠅，民政事務局為免太樣衰，將入場人次篤大１倍嚟交數。以上都曾經畀審計署及媒體踢爆，之不過大多數人以為「青年廣場」只係柴灣青年的廣場，事不關已，冇特別留意罷了。
政府將公帑大嚿大嚿咁掉落鹹水海，O2愈講愈嘔血，不如你自己睇維基啦...