創業容易守業難

超級可愛的Chi Ho仔質問過O2多次, 佢話點解D舖頭做得好地地要執笠? 你地 (指領匯) 唔加咁多租咪唔使畀人話囉! 做乜人地做得好地地要人地裝修? 諸如此類...

 

就係咁樣, O2經常畀呢位小朋友質問, 好似我奉旨要答佢咁。(多麼的霸道啊! 同領匯霸權有得揮噃!)

做生意從來都唔係一件易事, 咪以為租個舖, 入D貨, 一買一賣就可以安枕無憂, 安享晚年, 中間會有好多變數架!!

 

海天堂原本都做得好地地, 自從「龜零膏」事件出現, 鬍鬚佬不斷拆局, 到依家仍未能撥開雲霧見青天。

 

 

柴灣新翠商場305號舖的海天堂貼出告示, 話6月尾租約期滿

 

請移玉步去北角分店幫襯喎

 

點解唔係叫人去小西灣廣場分店呢? 當中有咩玄機呢?