總瀏覽量

2016年4月27日 星期三

唔該《東方》

2016-04-27|東方|政Whats噏:佔領領展 白鴿黨忘昔日立場 (原文)

 
 
【on.cc東網專訊】 民主黨、民協、社民連及工黨一輩青年成員,昨日(26日)齊齊去了領展(前稱領匯)觀塘總部,「佔領」辦公室半日,要求與領展行政總裁王國龍會面,要求勿再拆售商場等物業給炒家。領展接收房委會商場及停車場資產後,以商業模式營運,不少小商戶都叫苦連天,確實惹來爭議。不過,有網民同時翻舊帳,指07年立法會審議領展接收房委會資產及上市的法案時各黨派的立場,其中白鴿黨明顯失憶!

根據當年投票表決,民協馮檢基、社民連梁國雄、當年仍為社民連的陳偉業及由職工盟衍生出來的工黨李卓人,全部都投反對票,昨日的抗議與當年立場一樣,惟獨民主黨立場有異,該黨除了何俊仁、張文光等三人投棄權票外,其餘議員全部都投贊成票。有網民仲搵番單仲偕在04年的發言,他指房委會赤字連年如果不將房委會資產出售,又邊有錢起公屋?他又指政府日後還有出售資產的空間,包括停車場。

當日領匯上市,很多人已預期今日的局面,看來一班「乳鴿」真係要向黨高層了解下歷史,如果發現有錯,或者要考慮佔領民主黨總部,抗議當年一班「老鴿」支持領匯上市喇!

37 則留言:

  1. 但邊個否決回購當年嘅領匯?

    回覆刪除
    回覆
    1. 回購領展是另一個issue,若以「小股東」的身份來說,是歡迎的,政府一有聲氣話回購,823一定升到澎澎聲。

      如果以「小市民」的身份想,以公帑回購領展不是好方法,橫掂都係要使錢,就當是1,000億吧,用於回購領展並沒有增加市場供應,錢使了,但得個桔;反之,只要政府拎100億出來,在某些有迫切性的地區如天水圍、東涌、將軍澳等,興建多幾個公營街市/商場,平衡社區發展,來得實際。

      刪除
    2. 同意,起新街市特別在天水圍、東涌最實際

      刪除
    3. 當日日唱衰領展, 領展跌過招股價, 甚至$1 咁可以全數收購

      刪除
    4. 純粹唱衰係冇用嘅,要冇人願意租領展先得。個個月收到咁多租金,好難令佢嘅股價跌到咁低。 或者你帶領香港攪一次文革或者打仗都得。

      刪除
    5. Chi HO Fung, 你這個建議好...好幼稚,笑死朕!! 你的FQ應該是負數。

      Come on, 你快D唱衰領展啦,畀你唱到去1蚊雞時,O2即刻當埋條底底,瞓身低吸823,求其是但有小小風聲話政府回購,823就即刻彈上$100,到時O2都費鬼事再寫blog了,叠埋心水嘆世界算咯 :D

      刪除
    6. 哈哈 基本上領展好難大跌 因為unitholders都係因為領展既特質而買 就係居民同商戶都要幫襯領展 同埋賣既大多都係必須品 貴價野只佔少數 就算依家經濟下行 必需品既銷售亦有增長 除非經濟蕭條 否則租金唔會跌 Unitholders 唔會輕易放出去 咁又點會大跌

      如果真係跌到一蚊 我即刻訓身買 股息率200% 哈哈

      刪除
    7. https://scontent-hkg3-1.xx.fbcdn.net/v/t1.0-0/p480x480/13062465_1201843443189260_1720339898285852122_n.png?oh=029b3d22957e68fdfdf4c0372b02b328&oe=57B4F645

      領展刮埋D 民膏民脂, 咁就賺咗272.3億...呢D係好多市民既血汗錢嚟架... 你賺少200億, 唔好加咁貴租, 益返市民好過啦

      刪除
    8. 實際上冇賺咁多 呢個盈利數字大部分都係物業fair value 增值 2014年4月到2015年3月真正租金淨收入係58億

      刪除
    9. 謝謝Alex補充,不過以佢的資質係唔會明的,你睇佢以為日日唱衰領展就會跌到$1就知了 XD

      刪除
    10. 如果到$1 我檔埋條底褲買

      刪除
    11. 更正 根據2015年年報 即14年4月至15年3月 租金收入 77.23億 淨租金收入56.69億 稅後盈利(不計資產公允值變動) 45.31億

      刪除
    12. 推介一個良心業主

      香港今年零售市道持續疲弱,零售數據仍然下滑未止跌,商鋪租金繼續割價求租。不過冠君產業信託(02778-HK) 副行政總裁王家琦接受香港《財華社》專訪時表示,旗下朗豪坊商戶基本租金,今年仍然能夠逆市輕微加租。

      朗豪坊於2015年已經跑羸本港整體零售市道。2015年香港整體零售市場跌3.7%,朗豪坊商戶每呎銷售升1.8%。她表示朗豪坊租戶跑嬴大市5個百分點,而與商戶洽商今年租金調整的進展已差不多,今年在基本租金上仍然可以有輕微調升空間。能夠逆市加租,她分析因是該商場以中價檔次,及本地消費者為主要客戶對象;因此受中國旅客減少訪港的影響相對較少。此外,「我們是良心業主,不會出現向租戶瘋狂加租達50%的情況,只會作適量調整! 因此今年仍然有上升空間,長加長有。」於2015年底朗豪坊基本租金佔總租金收入88%,餘下12%為分成租金。

      順帶一提,朗豪坊呎租$150,領展場整體約$50

      刪除
    13. 幾好喎,呢位良心業主可以公開聲明「長加長有」 ^o^

      刪除
    14. 係架,覺得買823 係無良的話,我會叫人買2778,佢d項目水準一定好過823

      刪除
    15. 佢只係朗豪坊其中一個業主,仲有另一個幕後業主市區重建局呀

      刪除
  2. 如果要翻舊帳.....

    梁振英曾以〈領匯加租去到幾盡?〉為題撰文,2008年11月26日在《東周刊》刊登,2010年收錄在梁所著的《家是香港(二)如果是你的子女》一書,文中提醒領匯加租別加得太盡,要「慎重其事」,「應加點人情元素,多考慮社會責任,看得長遠一點,在幅度內盡量照顧租客的困境,最好不要去得太盡。去得太盡,社會反彈,對業主沒有好處,這種歷史教訓多得很。」

    梁振英在文中引例,指市場會被人為扭曲,要政府介入:「30多年前,倫敦有大業主,在市內有大量寫字樓,當時市場供不應求,租金走俏,自己剛巧有一座大型寫字樓CENTRE POINT快要落成,為了使市內的其他寫字樓租金可以漲得更高,故意將新大廈扣起不租,惹起軒然大波,後來被大學生佔領抗議,最終要政府介入,禁止這類出租手法。」

    Lunyeah批評梁振英在2012年當選特首後,執政4年來,對領匯不停加租、用各種無良手法趕絕小商戶,逼使有人佔領領展,直言「呢條x街仍然可以完全不聞不問」。

    回覆刪除
    回覆
    1. 狼講真話,豬la都會上樹

      刪除
    2. 為咗當選佢可以去到幾盡
      而家做咗特首佢有冇做過嘢先

      刪除
  3. //多個泛民政黨連日去到領展總部及其辦事處示威,抗議領展拆售商場、外判街市及停車場等,一度佔領領展總部逾7小時。領展及領匯入稟高等法院,向多名示威者申請禁制令,禁止再踏足領展總部辦事處,不准示威阻礙其員工,以及對造成滋擾作出賠償。

    原告人為領匯管理有限公司及領展物業有限公司,被告依次序為民主黨成員區諾軒及許智峯、工黨譚駿賢、社民連梁國雄、陳寶瑩、曾健成,以及所有未經許可進入或逗留於領展觀塘總部及樂富分部的示威者。//

    不如領展禁制所有反領展既人唔好去領展物業啦

    回覆刪除
  4. 綠悠軒商場截標 選定買家料近三億沽 擬經營幼稚園 料回報3.6厘




    由新世界等十一間發展商共同持有、位於粉嶺的綠悠軒商場早前標售,於昨日低調截標,消息指,業主已迅速選定買家,料成交價近三億元,呎價約四千四百七十二元,新買家有意把上址部分樓面經營幼稚園,餘下作出租,料回報約三點六厘。連同上述成交,近一個月市場已錄十一宗民生區商場買賣,反映該類物業受捧。

    新世界及長實等十一間發展商共同持有的綠悠軒商場,早前低調推出標售,指標價三億八千萬元,項目已於昨日截標,消息人士透露,該商場截收約三份標書,其中一組買家出價最為進取,涉資近三億元,遠較其餘兩組準買家高,故業主亦火速選定買家,料雙方將可簽約作實。

    月租金收入約90萬

    是次出售的綠悠軒商場,位於粉嶺馬適路三號,總面積約六萬七千零八十三方呎,附設十七個車位,以作價近三億元計算,平均呎價約四千四百七十二元,該商場現由多個商戶租用,包括幼稚園及超市百佳等,連同車位在內,每月租金收入約八十八萬八千多元,料新買家回報約三點六厘。

    平均呎價4472元

    據了解,新買家有意購入物業後,把部分樓面經營作幼稚園,至於餘下部分,則有意繼續作出租。事實上,該商場鄰近多個住宅項目,除綠悠軒外,亦有新樓逸峯及瓏山一號等,故商場租客亦適合作民生生意,包括教育用途等。


    回覆刪除
  5. 領展最後違反承諾, 王國龍拒絕接見街坊代表

    原來一間上市公司可以無信用...對於無誠信既公司(仲要唔止一次), 股東們快D拋售領展啦!

    回覆刪除
    回覆
    1. 未賺夠喎,領展多唔多人鬧,某程度上反映了823的潛在回報仍有空間,到領展冇人提冇人鬧的時候,即代表領展場的改進空間已到了臨界點,到時便可沽之哉了

      刪除
    2. 我尋晚都担心今朝個會,今朝見取消左安樂晒,犯民根本都冇誠意開會,班馬係樓下兇人叫做聲援,同流垊開會浪費時間,鬧下都好,等多D人派息前入倒貨^^

      刪除
    3. 今日好似唔見長毛,反而見到由柴灣來的那隻老牛

      刪除
    4. 咁點解領展之前又應承王國龍同大家見面?
      溝通先係解決問題嘛, 而家領展高高在上, 管理層只係圍爐取暖, 唔知出面發生緊咩事點得架?

      刪除
    5. [以下純粹O2的個人意見,與領展公司的立場無關]
      民主鬥士們在預定的開會日期前兩天,已猛咁吹雞班馬叫人去聲援集會,似係想去搞「集會」活動,多過想去「開會」溝通囉

      刪除
    6. 王國龍落嚟見下居民有咩問題, 有咩咪一齊傾下囉

      刪除
    7. 王國龍問心無愧點解唔見下居民?

      https://theinitium.com/article/20160504-hongkong-linkreit/
      領展想屈舊舖老闆話臨結業做show 喎,點解王國龍唔諗下自己有無問題,惹嚟泛眾憎?

      支燈壞咗自己無得換,一定要幫襯建華。

      陰乾街市再外判,領展再咁,良景事件,佔領領展嘅事會持續落去

      刪除
    8. 領展不是政府部門,王生不是政府官員

      刪除
    9. 但領展, 王國龍一舉一動都影響緊好多基層市民, 聽下市民聲音, 可以做得更好喎

      刪除
    10. 聽到啦,係你自己死唔斷氣之嘛

      刪除
    11. 領展就係聽到你話唔鍾意翻新呢樣嗰樣,所以只係翻新天盛街市

      刪除
    12. 但王國龍唔接街坊代表喎

      刪除