建華手足乜都殺

常言道：「好事不出門, 惡事傳千里」, 果然有道理。

原本建華的成名作是「天瑞街市」, 當時仍沒太多人認識, 不過自從「良景之夜」後, 建華從此聲名大"躁" (不是寫白字), 比董伯伯更深入民心, 一言一行都榮獲有心人貼身關注。

某次, 當長發街市關注組「發現」在臨時菜檔叫賣的那位姐姐仔, 原來是建華的街市DJ時, 佢地像是發現新大陸似的。

唔知各位睇咗《香港01》以下呢篇野未呢?
 

  

2016-04-19｜香港01｜長發臨時商販分飾多角　實為建華街市經理 (原文)

註 : 方便大家睇, 圖中黃色字乃O2所加

 

尾段咁寫：『同一人職位由臨時商販到街市經理，職務由賣菜到管理貨物價格，工作地點由沙田、青衣到小西灣，工作範疇非常廣泛。』

其實建華的手足真係好打得, 乜崗位都照殺, 既要在青衣長發街市搬搬抬抬, 開檔賣瓜賣菜；又要喺小西灣本灣市場以街市經理身份管理街市, 同埋接受媒體訪問；轉過頭又話要去大圍隆亨街市的租務部, 解答街坊的疑難, 一身兼多職, 真係唔夠佢撈咯。

以O2這大半年在小西灣本灣市場的觀察, 都發覺建華的手足好巴閉, 好似乜都做咁, 不論職位高低, 見地下有塊菜葉都會自動自覺踎低執 (我見過, 我真係見過), 唔一定要等清潔姐姐郁手。

仲有嗰D「一日遊」洗腦團, 建華手足都會隨團出發, 與街坊打成一片。

仲仲有就係, 唔好以為高管就一定在office坐定定做paper work, 又或者離地地指指點點, 唔係架, 建華某靚仔高管會粉墨登場, 在太和街市落手落腳做「豬肉佬」, 手起刀落, 功架十足架。


(註：豬肉佬現稱「豬肉切肉員」, 那個甚麼「豬肉分割技術員」已經out咗)

 

  

＊＊＊

 
埋嚟睇、埋嚟揀：

2015-01-09 :《明報》專訪建華集團
2015-09-23 : 人怕出名豬怕肥 
2015-09-24 : 建華乜乜乜


由建華營運的街市：
 
[領匯商場] 天瑞商場 @2015-07-04
[領展商場] 太和廣場 @2016-01-16
[領展商場] 良景廣場 @2016-01-22
[領展商場] 小西灣廣場 @2016-03-19