總瀏覽量

2014年2月8日 星期六

巡視業務.領匯.赤柱廣場 @2014-02-08

O2檔案室:
 
赤柱廣場 (Stanley Plaza)
地址:香港赤柱佳美道23號
內部樓面面積:100,195呎
入伙:約1999-2000年(樓齡14-15年)
年收益比較:赤柱廣場  $51.9M / 100,195呎
      小西灣廣場 $71.1M / 100,892呎
巡視 (次數) 日期:(8) 2011-0​6-04, 2011-0​9-10, 2011-11-17, 2011-12-17, 2012-05-19, 2012-10-06, 2013-04-27, 2014-02-08
資產提升工程 (AEI):2011年
 
 
***
 
 
仲有幾日就係正月十五, 一個相當特別的日子, 既係中國元宵佳節, 同時又係西方情人節。
 
這樣的雙料情人節, 19年才一遇, 下次要等到2033年了。19年流流長, 唔知O2到時會唔會仲寫緊呢個Blog呢!?
 
浪漫的日子, 當然要配番浪漫的地方啦...
 
 
1. 由柴灣出發, 搭專線小巴16X ($8.0), 話口未完已經嚟到赤柱
 
2. 沿住海傍慢慢踱步, 到了赤柱廣場
 
3. 霞飛點心拉麵 (101號舖) 外擺咗嚿嘢, 你有冇份破呢個世界紀錄?
 
4. 新店, Mayarya (104號舖) 以孕婦時裝為賣點
 
5. 咖啡店Cuppers (207號舖) 係純粹改名還是易咗手呢!?
 
6. 專業旅運 (301A號舖) 側的花旗&匯豐銀行的ATM
 
7. 相比較之下, 中國銀行 (301B&C號舖) 雖然有齊提款機、存鈔機、存支票機及打簿機, 但係場面卻冷冷清清
 
8. 應區議員要求而留下來的中銀分行, 事實上不太旺場, 嘥鬼晒寶貴的零售樓面
 
9. Grace Optical 天恩眼鏡 (305號舖) sharp咗好多
 
10. 由Spur Aveda (302號舖) 回望赤柱廣場
 
11. 上咗4樓。兩間新店, Crafts World (402號舖);Kinu Kobo 絹工房 (401A號舖)
 
12. 4樓的觀景台, 掛滿了一對對有情人的願望及祝福。O2也希望渝&丹的baby大個仔/女後, 識得上網時, 會見到O2呢個九唔搭八的陌生人曾經記錄低佢爹地媽咪對佢的祝福
 
13. 新店, Waffleman (407號舖) 顧名思義係賣窩夫的
 
14. Waffleman (407號舖) 外的平台, 可以一邊食窩夫, 一邊飽覽遼無邊際的赤柱海景
 
15. 5樓, 向佳美道。商場旁邊的住宅係居屋龍德苑
 
16. 落番G樓。呢個組合都幾有趣, 購物商場+兒童遊樂場+天后廟...
 
17. 以後商場與天后廟中間仲會有間IMS蒙特梭利國際學校。此學校可為赤柱廣場帶來穩定客源。(該校舍原為香港鄭氏宗親總會鄭則耀學校, 2008年被殺校後, 一直丟空)
 
18. 天后廟旁的赤柱馬坑邨公園內, 長滿了應時的炮仗花
 
19. 美利樓內。海事博物館已遷往中環碼頭。據資料顯示, 海事博物館屬於私營博物館, 自2005年開放以來, 入場人次偏低, 年年虧損, 租約期滿後已交回物業
 
20. 新店, 惠比壽 (美利樓地下2號舖), 食日本野的, 剛開業兩星期
 
21. Mijas Spanish Restaurant (美利樓1樓102號舖)
 
22. King Ludwig Beerhall (美利樓2樓202號舖)
 
23. 美利樓2樓201號舖, 現吉。赤柱係影婚紗照熱點, 聞說領匯將會提供新娘化妝間免費借用服務, 方便嚟赤柱影婚紗照的新娘子, 畀個私人空間佢地扮靚靚。唔知個化妝間會喺邊個位置呢?
 
24. 單車泊位。哈囉, 阿Pooh!!
 
25. 領匯為赤柱廣場帶來人流, 亦帶挈了街頭賣藝者及小販
 
26. 在赤柱廣場範圍內某個角落找到的心心印記。O2借花敬佛, 祝各位有情人永結同心, 心心相印 <3
 
 
***
 
 
領匯官網對赤柱廣場資產提升工程(AEI)的描述:
 
赤柱廣場是一個獨特的生活時尚熱點,位於香港島南面美麗如畫的赤柱海傍之上,與著名的赤柱大街和歷史地標美利樓互相輝映。
 
資產提升工程為赤柱廣場帶來許多新機遇,使其成為吸引本地居民和遊客的好去處。以令人陶醉的海傍景色為工程靈感,翻新後的赤柱廣場於2011年11月25日舉行隆重的開幕典禮,其嶄新的外貌成為商場的一大特色。赤柱廣場亦榮獲香港環保建築協會頒發白金評級認證,其資產提升計劃在環保方面的卓越表現獲得肯定。
 
這個位於海傍的購物廣場讓到訪人士享受赤柱灣的迷人景色及悠閒露天的餐飲與購物體驗。特色商戶包括一家特色咖啡店、食品及美酒的商舖及多家提供世界美饌的食肆。此外,赤柱廣場是香港首個寵物友好的購物商場,提供獨特的設施,方便寵物主人使用。赤柱廣場最受人矚目的是氣氛熱鬧的露天廣場,為迎合眾多家庭和寵物的需要,提供了一個設有300個座位,擁有玻璃上蓋的戶外圓形劇場,以及以海盜船為特色的遊樂場。
 
主要工程範圍:
.重新間隔零售空間以提升商場流通度
.改建全新的圓形劇場
.增加一個全新的觀景台
.加設一個嬰兒護理室及戶外遊樂場
.改善與鄰近地方的連接設施
 
 
 
 
赤柱廣場.商戶名單 @2014-02-08
G01 Starbucks 星巴克
G02-G03 McDonald's 麥當勞
G04 Saffron Bakery Cafe
G05-G06 Chez Patrick Deli
G07 Quick & Fresh
G08A Classified
G08B New York Fries 
G09 Gino's Gelato
101 霞飛點心拉麵
102 Roomi
103 Biva
103A Mama Kid
104 Mayarya (孕婦時裝)
105-108 G.O.D. 住好啲
109 In-style
111-111A Island Wake
113 Mirch Masala Indian Cuisine
115 Zen Garden
116 Fiori
117 Rapee Living 斗室
201 Watson's Wine 屈臣氏酒窖
202 Book Buddy
203 Taste超市
204 ?
205-206 759阿信屋
207 Cuppers 
208 Anastassia's Art House / Red Square Gallery
209 a&m US Groceries
301A 專業旅運
301B & C 中國銀行
302 Spur Aveda
304 天天數碼沖晒
305 Grace Optical 天恩眼鏡
308 鍾菜
中國銀行ATM
花旗銀行ATM
匯豐銀行ATM
401 City Life 生活提案
401A Kinu Kobo 絹工房
402 Crafts World
403 專業地產
404-405 Dogaroo @Stanley
406 卓健醫療體檢中心
407 Waffleman
505 Stan Cafe
L5 明愛賽馬會赤柱青少年綜合服務
美利樓
1 ?
2 惠比壽
101 Saigon At Stanley
102 Mijas Spanish Restaurant
201 ?
202 King Ludwig Beerhall 
 
 
***
 
 
2014-02-12跟進:新娘化妝間免費借用服務將於3月開始接受網上申請 (先到先得), 化妝間位於美利樓地下
 
 
***
 
 
 

36 則留言:

  1. 唔滿意,赤柱繡曬花,成個旅遊景點,又多官司是非,但收入竟不及小西灣,激氣 :(

    回覆刪除
    回覆
    1. 看照片, 没有多少人在商场内。是上星期六早晨拍的照片?有点奇怪。

      刪除
    2. Link仔哥,講你都唔信.....因為O2成日去小西灣幫襯,帶旺咗成個場,所以佢嘅收入咪咁勁揪囉 :D

      linksuperfans,承你貴言

      LINK 忠实粉丝,對,是上星期六的早晨。
      你的疑惑可以作以下解釋:
      1. 因為赤柱與柴灣車程短,O2慳咗唔少交通時間,所以好早已經到達赤柱,得以享受赤柱早晨時份的悠閒
      2. 赤柱廣場有別於其他民生場(如小西灣廣場之類),該時段並非她的黃金時間
      3. 即係O2冇刻意唱好,否則可以等到有人行過時才拍照

      刪除
    3. 小西灣場唔錯,有街市、有馬會、有冒險樂園,可惜無地鐵...

      刪除
    4. 赤柱廣場係名牌玩具, 用來冧白面佬嘅, 小西灣廣場係賺錢工具, 用來冧黃面佬小股東嘅, 兩個場D錢撈混使, 鬼佬happy, 至于發水過籠已經有人孭鑊起身離場, 其他人坐定定有錢剩, 官司嘛, 佢哋話將來先至算喎.

      刪除
    5. 把馬坑邨商場打造成一個旅遊景點,話比我知,823一定要買

      刪除
    6. 多謝"領匯fans"現場報導,多左D了解,為免被人不斷滋擾,拆一二間舖位,合符番地積比算把喇,無謂無了結官司了。

      刪除
    7. linksuperfans : 可能小西灣冇地鐵係優點,好似天水圍,困獸鬥,你唔係原區買日用品唔得

      刪除
    8. 都係的,不過個場附近有地鐵可以較易吸引區外客入黎,天水圍好D,個個場都貼住輕鐵站...

      刪除
  2. 作者已經移除這則留言。

    回覆刪除
  3. 小弟有用過佢赤柱的育嬰室, 想指出佢設計有問題: 因為佢的儲物室(收EVENT用音響喇叭等大大件野)係育嬰室裏面。結果我太太同BB係裏面餵緊人奶鎖左門, 我就同搬運哥哥們(同埋D喇叭)係出面等左半個鐘...等餵完人奶換埋片先可以入去擺埋D野... 搬運哥哥們好有禮貌咁等又無怨言, 但我地非常唔好意思... (雖然又唔係我錯)

    回覆刪除
  4. 和九倉、太古及新地商場比較,LINK 的軟件還有改進的空間...

    回覆刪除
  5. 2033年, 唔知領匯既街市係咪變哂做超市呢?

    領匯下次做資產提升, 記住醒目D, 睇清哂D地界條文, 唔好違規啦!

    回覆刪除
  6. 回應「應區議員要求而留下來的中銀分行, 事實上不太旺場, 嘥鬼晒寶貴的零售樓面」...
    嗱, 錢係幾點都搵唔哂, 如果一分一毫都算到盡, 錙銖必較, 咁呢, 人地咪就會話你無社會責任。

    如果領匯接收左公園, 未不旺場, 唔知領匯又會唔會考慮收人頭費呢? 樓梯並不旺場, 唔知領匯會唔會又考慮起舖頭, 或者收用家樓梯費呢?

    回覆刪除
    回覆
    1. 欲加之罪何患無辭,算唔算到盡「人地」都一樣有野講架啦

      刪除
    2. 馬坑邨居民陳太在月初收到中銀(香港)的信件時,才得知廣場的中銀(香港)分行要搬走,令她深感不滿:「呢區已經唔方便,搵間文具舖都冇,依家連唯一嘅銀行都要搬走,第日要去銀行,就要出到柴灣,簡直離晒譜。」

      ------------
      所以即使你話銀行客人唔多, 其實有D 設施係需要既

      刪除
    3. 依家領匯咪留番個位畀中銀囉!
      O2見到嗰度不旺場,係實話實說,你咁都接受唔到!?

      刪除
    4. 不旺場係事實, 但「嘥鬼晒寶貴的零售樓面」只是你的意見... 何謂嘥?

      刪除
    5. 咁即是你唔係針對領匯嚟講,而係怪責O2嫌嘥咗嗰度啦!
      Chi Ho仔,你又唔係初嚟埗到,一早都知O2係發錢寒架啦,竟然會有此一問,只好說句太天真太儍囉。
      開始答你的問題.....O2的確係覺得嗰度係嘥咗喎,個人認為有限的資源應該盡量發揮她的潛在價值,相反,便是嘥了。
      例句:就正如我覺得你依家係「嘥」緊自己的寶貴光陰一樣。我肯不厭其煩回應你,其實都係「嘥」緊我的時間,只因覺得你的本質不差,又夠韌力,從而想盡一己之力盡可能引導你走上正面人生路(係O2一廂情願的),否則,你爹地媽咪養到你咁大,都係一樣 「嘥」米飯。
      漫漫人生路,無常多變。O2也年輕過,亦明白到年輕人面對茫茫前路,總會有迷失的時候,Chi Ho仔,時間不等人的,O2衷心祝福你一路好走,把握時間,不要浪費了自己有限的光陰啊,好嘛!

      刪除
    6. 我活得開心, 唔覺得0徒。我花時間留言, 希望睇到呢個blog既人可以知道領匯係賺錢背後既另一面

      如果用了一些地方提供服務 係可以方便到某一些居民, 咁就唔係浪費。下下將每一呎都要計算要賺到盡, 但令好多市民不便, 領匯主席既良心過意得去嗎?

      刪除
    7. 謝謝你的留言,是O2枉作小人了,祝生活愉快!

      刪除
  7. 大家似乎對赤柱廣場頗感興趣,O2也寫多兩句吧。
    據O2觀察,赤柱廣場的顧客包括(1)赤柱區居民、(2)本地遊客、(3)外地旅客。
    先講(1),我們在商場見到的外籍人士(or俗稱鬼佬)其實多數係赤柱街坊,佢地對赤柱廣場的熟悉程度,比黃皮膚如O2者有過之而無不及,足證呢群街坊才是常客。至於鄰近的低密度居屋龍德苑,更因商場翻新而提升了知名度,變得有價有市。
    論到(2),試想想,如果領匯將赤柱廣場定位為普普通通的民生場,我們這班本地人會對赤柱廣場有興趣嗎?觀乎某新界屋邨搞本地一日遊也將赤柱廣場列為景點,便知道領匯是做對了。
    至於(3),外地旅客一般會遊覽赤柱市集、美利樓....等,何不因利成便,給旅客們一個更多元化的選擇呢?

    回覆刪除
    回覆
    1. (3)我覺得赤柱廣場宜家變左社區景點,做善事多過做生意,算啦,唔要求咁多$50M一年都收貨啦,得閑唱歌跳舞,剪下彩,帶D鴨子團睇下,宣傳下香港,我做股東都唔反對喇

      刪除
  8. 2014-02-12跟進:新娘化妝間免費借用服務將於3月開始接受網上申請 (先到先得)

    回覆刪除
  9. 有没有师兄知道美利樓“海事博物館”原来的位置是不是属于823 ?

    回覆刪除
    回覆
    1. 是的,海事博物館已搬走,823可利來做商場,但同受赤柱廣場總商用樓面限制,可走免費路綫吸客來赤柱廣場,如新娘化妝間免費借用服務

      ==========================
      赤柱廣場,於1999年至2000年間分期落成,由三部分組成。第1部分為赤柱廣場,包括一幢6層高商舖╱停車場大廈(商業╱停車場大廈)、一幢3層高商場(美利樓)及在閒情坊內的三個單層商舖╱攤檔連坊內的露天場所。第2部分包括位於馬坑邨龍德苑附近的多個露天泊車位。第3部分包括位於馬坑邨良馬樓地下的兩間商舖單位及位於鄰近良馬樓處的兩層地庫停車場(地庫停車場)。赤柱廣場總共有411個泊車位。
      業權詳情:該物業由領匯物業有限公司持有。該物業包括赤柱內地段第98號116,974份均等且不可分割份數中之37,045份,並根據政府租契持有,年期自2009年6月11日起計,為期50年。

      刪除
    2. Yeah!等咗幾日,Link仔哥終於出手了 ^0^

      刪除
  10. 至於領匯旗下赤柱廣場樓面「發水」爭議,王國龍指,與監管當局商討約兩 年後,已釐清事件涉及地政總署和領匯計算的內部樓面面積有出入,但相差僅1%以內,他強調該等樓面非收租地方,故無影響租金收入。有關地方將重新入則,並向當局繳交豁免費用。

    回覆刪除
    回覆
    1. 「相差僅1%以內」...
      終於擺平了,可以安安樂樂做生意 ^^

      刪除
    2. http://orientaldaily.on.cc/cnt/finance/20141113/00202_030.html

      刪除