(from Yahoo Blog)
2012年5月2日下午4:41｜公開｜累積瀏覽 330
先申報利益, 我冇大家樂 (341) 股票, 但係有經常去食野。
大集團都係由小企業開始, 最近, 大家樂新CEO講番佢老豆創辦大家樂時的故事。據佢講, 第1間大家樂開喺銅鑼灣糖街, 6年後再進駐中環金融商業區。
根據我有限嘅記憶, 起碼30年前, 柴灣第一間大家樂係開喺環翠商場, 當時喺2樓F12號舖, 即係現時華興傢俬的位置, 後來再搬上3樓S8號舖現址, 呢間大家樂絕對稱得上係柴灣嘅街坊「老店」。那些年......快餐店係時麾野, 大家樂走入尋常百姓家, 嚟到柴灣開分店, 我呢個大鄉里, 又那有不湧去朝聖的道理, 成個環翠商場人頭湧湧, 仲墟冚過早幾日新翠星巴克開張, 不知幾多倍。
「翠華」都係由一間小店做起, 家陣又話要搞上市咯! 當我地坐喺度鬧人「ＸＸ霸權」、「賺到盡」的時候, 又有冇了解吓人地喺背後做咗幾多功夫, 點樣去迎接新挑戰, 而能夠做到40幾年都迄立不倒呢!?
坦白講, 假如.....假如呀!! 假如大家樂真係走上清盤之路, 呢D就真真正正係我地嘅集體回憶嘞!!
1969 銅鑼灣糖街第1間大家樂
1975 於雪廠街7號E舖開設中環首間大家樂
1986 上市
黑白相 (上) 銅鑼灣糖街的大家樂, 我冇乜印象; (下) 中環雪廠街大家樂, 呢間幫襯過無數次
現在的柴灣環翠商場大家樂
沒有留言:
張貼留言